رواية معنى الحب الحقيقى الفصل الثانى عشر 12 والأخير بقلم نشوه عادل
رواية معنى الحب الحقيقى بقلم نشوه عادل
 |
| رواية معنى الحب الحقيقى |
رواية معنى الحب الحقيقى الفصل الثانى عشر 12 والأخير
ـ انت مش شايف ان آن الاوان بقى عشان تتجوز انت ومنة عدى اكتر من سنة ونص ع خطوبتكم
يوسف: والله ي عمى احنا كنا متفقين ع سنة بس وفاة هانى الله يرحمه اثرت عليا ولحد الان حاسس انى لسه ف صدمتى
فوزى: الا صحيح انت عرفت ازاى انه تعب
حكى ليه يوسف عن الاتصال اللى جاله من شادى صديق هانى .... يوسف: هانى كان ندمان بجد وكان كل اللى ع لسانه هو اننا نسامحه
فوزى: ربنا يرحمه ويغفرله ويتجاوز عن سيئاته المهم عاوزك تكلم الحاج ونيس وتحددوا ميعاد الفرح
يوسف: ايوة ي عمى بس .........
فوزى: مفيش بس انا اللى هكلمه بنفسى ودلوقتى حالا كمان
مسك فوزى فونه ورن ع ونيس اللى كان بشغله ....ونيس: اهلا ي استاذ فوزى ايه المكالمة الغالية دى
فوزى: مفيش اغلى منك ي راجل ي طيب
ونيس: الله يكرم اصلك خير ي غالى اؤمرنى
فوزى: الامر لله احنا عاوزين نيجى عشان نقعد ونحدد ميعاد كتب الكتاب والفرح ولا انت ايه رأيك
ونيس: والله انا شخصياً معنديش اى مانع بس اشوف رأى منة الاول وارد عليك بعد المغرب
فوزى: ماشى ي حاج هستنى مكالمتك
قفل فوزى وقال: الشهادة لله ي يوسف ونعم الاختيار والنسب بجد
يوسف: يعنى انت من قلبك راضى ي عمى
فهم فوزى وقال: انا طول عمرى كنت مستكتر منة ع هانى وشايف انها تستحق الافضل لانها بنت محترمة بجد وكذبت مقولة الطيور ع اشكالها تقع مكنش فيه بينهم اى شبه من اى اتجاه لكن انت انا واثق انك هتعوضها وانكم هتعملوا بيت صالح يرضى الله ورسوله
يوسف: طيب عن اذنك هقوم انا عشان ورايا شغل مهم
فوزى: ربنا معاك ي حبيبى
نزل يوسف ومسك فونه عشان يرن ع منة لقاها بترن ....يوسف بابتسامة: تعرفى انك بنت حلال كنت لسه بطلع رقمك عشان اتصل عليكى حالا
منة: طب كويس مش بيقولوا من القلب للقلب رسول
يوسف: عمى فوزى كلم والدك عشان نيجى ونحدد ميعاد الفرح بس باباكى قال ياخد رأيك الاول
منة: فرح! هو احنا هنعمل فرح
يوسف: طبعا هنعمل ولا انتى عندك مانع
منة: بصراحة انا مكنتش مخططة لكده وخصوصاً يعنى أن الناس هتقول انى مطلقة و...........
يوسف: انا ميهمنيش الناس انا اهم حاجة عندى انتى ي منة تكونى مبسوطة وفرحانة وانا اول بختك زى ما انتى اول نصيب واخره ليا
ابتسمت منة وقالت: طيب انا عندى فكرة احسن يعنى لو عجبتك يبقى تمام
يوسف: نوفر فلوس الفرح ونطلع عمرة وبعدها ننزل كام يوم ف اى مكان فيه بحر
منة بصدمة: عرفت ازاى
يوسف: اممممم مش هقولك
منة: لا بليز قولى عشان خاطرى
يوسف: امممم لا برضه هتعبك شويه ومش هريحك زى ما انتى تعبانى
منة: امممم بقى كده ماشى ي دكتور مسيرى هعرف عاجلا او اجلا
يوسف: يعجبنى فيكى شخصيتك القوية
ف الليل بعد ما ونيس اخد برأى منة ووافقت حددوا تانى يوم الاتفاق وطبعا عرفوهم بفكرة الغاء الفرح
نوال: لا طبعا لازم يكون فيه فرح ده ابنى وعاوزة افرح بيه
يوسف: ي ماما مش بالفرح والاغانى والرقص اهم حاجة الراحة النفسية
نوال: بلا راحة نفسية بلا بتاع مليش فيه انا عاوزة فرح واعزم فيه كل الاهل
يوسف: ما هو هيكون فيه حنة كبيرة ونعمل فيها اللى كنا هنعمله ف القاعة
كانت منة متابعة كلام يوسف بفرحة اد ايه مبسوطة ان ربنا عوضها بشخص شبهها بنفس تفكيرها واسلوبها
نوال: برضه لا ولا الف حنة هتعوض فرحتى وانا شايفاك بالبدلة وعروستك بالفستان الابيض
يوسف: ي ماما .........
فوزى: خلاص ي يوسف متزعلش والدتك والقاعة وتكاليفها عليا واعتبرها هدية فرحكم
يوسف: ي عمى والله متكلفش نفسك
فوزى: تكليف ايه بس انت ابنى ي يوسف وعوض ربنا ليا
ونيس: ربنا يبارك فيكم جميعاً ويديم الود والمحبة
مها: ياريت ي منة توافقى عشان نفرح
منة باحراج: اللى تشوفوه ي طنط
بالفعل اتفقوا ع يوم كتب الكتاب والفرح اللى اتعمل ف قاعة وطبعا قبلها راحوا ع المأذون وكتبوا الكتاب احتضنها يوسف بحب وقال: اخيرا يارب بقيتى حرم يوسف فايز الاسوانى رسمى
همست منة عند اذنه: بحبك اوى ي يوسف
يوسف بفرحة: ايه انتى قولتى ايه
منة: قولت بحبك اوى انت الوحيد بعد بابا اللى حسيت معاه بالامان لقيت فيك كل اللى حلمت بيه واتمنيته وطلبته من ربنا انت عوضى
يوسف: ياربى واخيرا نطقتى تعبتينى اوى
منة: مش قولتلك ف وقتها هقولها وهتكون احلى بكتير
يوسف: ربنا يقدرنى واسعدك
انتهى الفرح وسط الفرحة من الجميع والدعاء ليهم بالسعادة والذرية الصالحة وانتقل الزوجين لعشهم واصبحت منة زوجته فعلاً
يوسف: هو اهلك عارفين انك كنتى لسه بنوتة
منة باحراج: طبعا انا مش بخبى عنهم اى حاجة
يوسف: طب يلا ي منونتى قومى حضرى الشنط لازم نروح ع المطار
منة: تمام
ذهبوا وقضوا العمرة زى ما تمنوا وبعدها رجعوا ع السخنة يقضوا شهر العسل كانوا قاعدين قصاد البحر
منة: عندى سؤال فضولى هيجننى
يوسف بضحك: عرفت منين فكرتك الغاء الفرح ونعمل عمرة وبعدها ننزل اى مصيف
منة بتفاجئ: ي ابنى لو بتقرأ الافكار فهمنى
يوسف وهو بيبص ف عيونها: مش محتاج اقرء افكارك عشان افهمك كفاية قلبى اللى بشوفك بيه قبل عيونى
منة: احم ده تثبيت عشان تنسينى صح اعترف يلا
يوسف: قولتلك انا بهتم بكل تفاصيلك الصغيرة قبل الكبيرة وكنت بقلب ف البوستات وشوفتك مشيرة بوست وكاتبة اللهم رحلة العمر مع شريك العمر وان اول فرصة هتجيلك مع اللى قلبك يختاره هتسافروا فيها عمره والبوست ده كان من قبل ما تتخطبى لهانى اصلا
منة: يااااه انت متابع من زمان اوى بقى
يوسف: وهفضل متابع ومهتم بالصغيرة قبل الكبيرة عشان افضل شايف الضحكة القمر دى ع وشك دايما
( جميل ان تجد ف شريكك قيمة الحب الحقيقى فمن احب بصدق بادر بأفعاله وليس بكثرة الكلام)
#معنى_الحب_الحقيقى الاخير
#بقلم_نشوه_عادل
♥️♥️.. تمت بحمد الله ..♥️♥️
وهتلاقى روايات كاملة كتير فى القناة دى (روايات كاملة ♥️)
الرواية كاملة من هنا (رواية معنى الحب الحقيقى)
