رواية معنى الحب الحقيقى الفصل السادس 6 بقلم نشوه عادل

رواية معنى الحب الحقيقى بقلم نشوه عادل

رواية معنى الحب الحقيقى

رواية معنى الحب الحقيقى الفصل السادس 6

- اطمن يا يوسف انا مش بواقى ولا حاجة انا فعلا كنت متجوزة هانى وواخدة لقب مطلقة لكن انا لسه زى ما انا بنت وهانى ملمسنيش

يوسف بصدمة وعيونه متسعة: نعم! اللى هو ازاى يعنى ده انتم فضلتوا متجوزين 6 شهور كاملة ازاى

منة : هحكيلك وووو فلاش باك بعد الفرح وراحت منة مع هانى ع شقتهم

هانى: مبارك ي حبيبى واخيرا دخلنا مع بعض عش الزوجية

منة: تبقى بتحلم لو مفكر انى ممكن اخليك تمس شعرة واحدة منى

هانى بضحك: استهدى بالله بس انتى مراتى وده حقى ولا عاوزة شكلى يبقى ازاى ادام اهلى واهلك اللى هيجوا بكرة عشان يطمنوا

منة: اقسم بالله ي هانى ما هتلمسنى ولا فكرت تقل عقلك وتقرب منى هندمك

مسكها هانى من شعرها بقسوة وقال: مش انا ي روح امك اللى واحدة زيك تمشى كلمتها عليا انتى فاهمة انتى مراتى وده حقى

منة بدموع وصريخ: نجوم السما اقربلك منى

هانى ودفعها ع السرير: وانا اعوز النجوم ف ايه وانا معايا القمر نفسه

ارتعبت منة لانها عارفة انها مش هتقدر تقاومه هدأت وفكرت وقالت: خلاص ي هانى عشان خاطرى هعملك اللى انت عاوزه بس سيبنى بس النهاردة

هانى: مفيش منه الكلام ده دلوقتى حالا

منة: طب اهدى بس انا واقعة من الجوع ومأكلتش من امبارح وحاسة انى هقع من طولى

هانى: وماله ناكل عشان تتقوى للمعركة واهو امك طلعت شوافة وجايبة اكل كله فسفور حبيبتى ي حماتى

منة: طب ممكن تخرج معليش عشان اغير الفستان لانى هتحرج اغيره قصادك

هانى: تحبى اساعدك

منة بضحكة غصب عنها: بس ي قليل الادب اخرج

خرج هانى وهى قفلت وراه بسرعة وقعدت تعيط وخرجت من كوم الفستان شريط منوم قوى اعطته ليها صديقة ليها صيدلانية وكانت هى مخبياه طول الفرح ف كمها وساعدها ع كده ضيق الكوم وفاقت ع صوته: ايه ي منوشتى كل ده

منة: ثوانى بس قربت اخلص اهو

شالت القرص وحطته ف العصير بتاعه وغيرت ولبست بيجامة واسعة ولما دخل هانى : ايه اللى انتى لابساه ده انتى مجنونة فيه واحدة تلبس بيجامة ليلة دخلتها

منة: ي حبيبى احنا لسه هناكل وطبعا الهدوم ممكن تبوظ نخلص اكل براحتنا واغير

هانى: اممم منطق برضه

قعدوا ياكلوا ومنة عاوزة تديله العصير بس خايفة لحد ما هو شال الكوباية وشربها كلها مرة واحدة

هانى: العصير ده طعمه غريب فيه مزة كده بس لذيذ اوى

ابتسمت منة وحاولت تبطأ من اكلها وبعد ربع ساعة بدأ هانى يدوخ طلبت منه منة يروحوا ع السرير وبمجرد ما وصل نام فوراً وجابت قطعة عليها نقط ميكركروم عشان تخدعه ووو باك

منة: طول التلات شهور الاولى ضرب واهانة وكنت بحط ليه منوم وهو بيقوم مش فاكر اى حاجة لحد ما كنت ف يوم زيارة هنا ورجعت بدرى وشوفته مع واحدة وصورتهم وقتها قولتله نعمل اتفاق انه ميلمسنيش وف المقابل مش هعرف اهله بالقرف ده لان ابوه لو عرف هيحرمه من الفلوس لانه عارف انه مايل وبسبب الضغط وافق وف الفترة دى بابا كان تعبان وكنت خايفة اعرفه بحقيقة جوازى اضطريت استحمل لحد ما اتعافى وطلبت الطلاق اطلقت مقابل الفيديو

اغمض يوسف عيونه بألم ع حالها وقال: انا اسف

منة: اسف ع ايه بس انت ذنبك ايه

يوسف: ذنبى ان خوفى خلانى اسيبك تدبسى ف واحد قذر زى ده وانا مقدرتش امنعه وعانيتى معاه بالشكل ده

منة: مش انت قولتلى انى مش خسرانة واحسن حاجة ان ربنا خلصنى منه يبقى ننسى اللى فات ونفكر ف الجاى

يوسف: وانا اوعدك وعدى الثانى انى هعوضك عن كل اللى شوفتيه ومش هخليكى تندمى ابدا ع الفرصة اللى عطيتها ليا

عند هانى اللى كان ف مكان ما مع اصدقاء السوء وبيشرب بشراهة كبيرة ...شادى: ايه ي نجم دى ميزانية دولة

هانى بغضب: كله بفلوسى ي حيلتها اعمل اللى انا عاوزه

شادى: ي عم بهزر ف ايه مالك متعصب ليه

هانى: دماغى هتنفجر ي شادى الكلب ابن عمى خطب طليقتى وعملوا نمرة ادام الناس وكشفوا لعبتى كنت رايح افضحهم واحرق دمهم اتقلبت الحكاية عليا

شادى: فعلا حاجة تحرق الدم بس هو انت بتحب طليقتك دى

هانى: احب مين ي ابنى انت اهبل ولا الشرب لحس عقلك ما انت عارف انى اتجوزتها عشان احرق قلبه واخد منه كل حاجة بيحبها

شادى: طب وانت حاطه ف دماغك كده ليه

هانى: لانى وعدت نفسى ادمره واكسره

شادى: ليه برضه مش فاهم عملك ايه

هانى: طول عمره من واحنا صغيرين والكل بيحبه وبيضرب بيه المثل ف الادب والشطارة حتى لما كبرنا كل كلام العيلة عن يوسف يوسف يوسف وكل ما ابويا يكلمنى يقولى كان نفسى تكون يوسف ع طول محطوط ف مقارنات معاه ودايما بكون انا الخسران

شادى: بس ده مش ذنبه ده ذنب ابوك هو سبب عقدتك منه

هانى: وانت مالك بتدافع عنه كده ليه كأنه من بقيت اهلك

شادى: مش بدافع عنه ي عم بس انا شايف ان الموضوع ميستاهلش

هانى: بالنسبة ليك انت اما انا مش هعدى الموضوع كده بسهولة

شادى: هتعمل ايه يعنى

هانى: لسه مش عارف هو الزفت اللى اسمه صبحى ده فين قال معاه صنف جديد

صبحى: شبيك لبيك صبحى بين ايديك

هانى: دايما بتيجى ع السيرة

صبحى: عشان ابن حلال مصفى بس

هانى: لا وانت الصادق لانك كلب فلوس اخلص فين الحاجة

اخرج صبحى حقنة وقال: ده نوع جديد نازل السوق مكتسح اسمه لا تسألنى من انا تشربها من هنا وتلاقى نفسك طيرت ع ايطاليا

شادى: اشمعنا ايطاليا