رواية معنى الحب الحقيقى الفصل السابع 7 بقلم نشوه عادل
رواية معنى الحب الحقيقى بقلم نشوه عادل
 |
| رواية معنى الحب الحقيقى |
رواية معنى الحب الحقيقى الفصل السابع 7
- ولكن قبل ان يجيب هانى لقى رسالة من البنك ان حساباته اتجمدت والفيزا وقفت
هانى بغضب: ايه التهريج والهبل اللى بيحصل ده
شادى: ف ايه ي ابنى
هانى: الحسابات بتاعتى اتجمدت ووقفوا الفيزا
شادى: ده ليه ان شاء الله
هانى: مش عارف استنى انا هخرج اكلم بابا من برة عشان ميسمعش الاصوات دى ونتخانق
بالفعل خرج هانى ورن ع والده اللى قال: خير يا استاذ هانى
هانى: جاتلى رسالة من البنك انهم جمدوا الارصدة بتاعتى
فوزى: ايوة عارف انا اللى امرتهم بكده
هانى بصدمة: انت طب ليه
فوزى: ليه انت كمان بجح وبتسأل ليه دى فلوسى شقايا وتعبى وغربتى وبهدلتى اللى جمعتها بالجنيه لحد ما عملت لنفسى اسم وفكرت انى خلفت راجل هيشيل المسؤلية من بعدى لكن لا بتاخد الفلوس تصرفها يمين وشمال واخر المتمة رايح تشرب بيها هباب ع دماغك وتصرفها ع البنات الشمال
هانى: ي بابا لا مفيش كلام من ده كله كذب
فوزى: كذب اه انا شوفت الفيديوهات بعينى
هانى: دى متفبركة
فوزى: متفبركة اه طب والتحاليل كمان متفبركة
هانى: تحاليل ايه
فوزى: ما انا نسيت اقولك ان خليت واحدة من الزبالة اللى كانت معاك تسحب منك عينة دم من غير ما تعرف وتجيبها ليا وروحت حللتها وطلعت فعلا بتتعاطى ي زبالة
هانى: ي بابا ارجوك اسمعنى
فوزى: اسمع انت يالا قسماً عظما ما هتاخد منى مليم تانى وطالما انت دكر كده بدل ما بتتشطر ع بنات الناس بفلوسى روح اشتغل واصرف ع نفسك والهباب اللى بتشربه
هانى: ي بابا خلاص اهدى وهعملك اللى انت عاوزه
فوزى: حاجة من اثنين ملهاش تالت ي تاخد بعضك وتروح مصحة تتعالج وتيجى تقف معايا بالشركة زيك زى اى موظف ي تنسى ان ليك اهل من الاساس وانسى انك تاخد منى مليم تانى انت فاهم
وقبل ما يرد هانى قفل فوزى السكة ف وشه لف فوزى وشه ولقى مراته مها واقفة وراه
مها: ليه عملت كده بس ي فوزى
فوزى: لان ده اللى كان لازم يتعمل من زمان دلعك ليه بوظه وفسده
مها: ده ابنى الوحيد ومعنديش غيره ليه عاوز تحرمنى منه
فوزى: عشان يتربى ويتعلم يكون راجل وخلى بالك لو عرفت انك عطيتى ليه اى فلوس من ورايا مش هبقى العشرة وهطلقك
مها: طب انت قلبك حجر لكن انا مقدرش
فوزى: اومال هتقدرى امتى لما تشوفيه ف كفنه
مها: بعيد الشر عنه انت بتفول على ابنك
فوزى: لا انا بقولك الحقيقة اخرت القرف اللى ابنك بيشربه ده حاجة من اثنين ي مصيبة يترمى بيها ف السجن ي الموت وانا معنديش استعداد الفلوس اللى جمعتها بالحلال تتصرف ع الحرام
مها: عشان خاطرى ي فوزى متحرمنيش منه
فوزى: انا مش منعتك تشوفيه انتى حرة لكن مفيش مليم تانى هيتصرف عليه ده المفروض راجل ي هانم وكان زمانك جدة دلوقتى
مها: ارجوك ي فوزى طب خليه يجى يعيش هنا
فوزى: لا يمكن يدخل بيتى الا لما يتعدل ويكون راجل بجد
مها: بس ده .......
فوزى مقاطعا: ولا كلمة زيادة مش هسمح ليكى تأثرى عليا تانى كفاية بسبب عمايلك انتى وابنك خسرتينى اخويا اللى مليش غيره لما ابنك اتحرش ببنته وبدل ما اخد حق البنت دافعت ع ابنك والتمن بقينا زى الاغراب انا واخويا خلينى بقا احاول الحقه قبل ما يدمر ويدمرنا معاه
دخل هانى ع الديسكو وهو ع اخره ...شادى: ايه ي معلم
هانى: ابويا هو اللى عمل كده
شادى: اوبا ليه
هانى: عرف انى بشرب اكيد ابن ***** اللى اسمه يوسف هو اللى بعت ليه الفيديو
شادى: طب يسطا ما تحاول تسايس امورك مع ابوك لحد ما تتمكن من الفلوس تانى
هانى بتهكم: تبقى اهبل لو مفكر ان ابويا بيجى بالكلام ابويا مش هيخلينى اتحكم ف الفلوس تانى الا لما ياخدنى يحلل ليا ويتأكد انى اتعالجت من المخدرات نهائى
شادى: طب هتتصرف ازاى
هانى: مش عارف انا هروح لانى مخنوق جدا ومش عارف افكر ف اى حاجة
شادى: طب تحب اوصلك
هانى: لا خليك انت هعرف اسوق عادى
عند منة اللى كانت لسه مع يوسف هى واهلها ف بيتهم وكانوا بيلعبوا كوتشينة
ملك: حظك ماشى زى النار ي دكتور يوسف
يوسف: من غير القاب ي ملك انا خطيب اختك دلوقتى يعنى ف مقام اخوكى الكبير ولا ايه
ملك: اشطا موافقة جديا
يوسف: ايه جديا دى اسمها جدا
ملك: لا ده كارتون ي باشا بتاع ليث ذا كينج موضوع كده كبير مش هتفهمه
يوسف بضحك: ماشى ي لمضة
ابتسام: ملك تعالى معايا نجهز العشا
يوسف: طب هستأذن انا بقى
ونيس: انت بتقول ايه ي ابنى هو انت مكسوف تاكل عندنا ولا ايه انت خلاص بقيت واحد مننا
يوسف: لا ابدا والله ي عمى بس انا مش جعان
ونيس: معليش كل ع اد نفسك لكن مش هتنزل غير لما تتعشى معانا ويكون اول عيش وملح بينا
يوسف: طب هستأذن حضرتك نقف انا وملك ف البلكونة شويه
ونيس: اكيد طبعا ي ابنى اتفضلوا
دخلوا ع البلكونة فقال يوسف: مالك ي منة ف ايه سرحانة ليه
منة: خايفة اوى
يوسف: من ايه
منة: من هانى أنا متاكدة انه مش هيعدى اللى حصل ده بالساهل
يوسف: متخافيش هانى دلوقتى عنده مشكلة اكبر مننا هيحاول يحلها الاول
منة بعدم فهم: مش فاهمة مشكلة ايه
يوسف: انا بعت لعمى الفيديوهات عشان يعرف حقيقة ابنه وهو هيقوم باللازم
منة: اتمنى بجد ... احم صحيح نسيت اسالك هى اختك فين ليه مجتش الخطوبة
رن فون يوسف بمكالمة فيديو كول وقال: بنت حلال والله جات ع السيرة وفتح وقال: سما حبيبتى عاملة ايه
سما: الحمدلله ي جو طمنى انت عند خطيبتك لسه مش كده
يوسف: ايوة خدى معاكى اهى
سما: ازيك ي منوش ما شاء طلعتى جميلة فعلا طول عمرى بسمع عنك واتاكدت دلوقتى انهم مش بيبالغوا ف جمالك
منة: شكرا دى عيونك اللى جميلة والله كنت لسه بسأله انتى مجتيش ليه
سما: انا ف السعودية عند جوزى بس هنزل ان شاء الله قبل الفرح وهاخد رقمك من يوسف وهنكون ع تواصل
منة: تمام ي جميل ربنا يسعدك واكيد هستناكى
خلصت المكالمة وندهت ابتسام عليهم عشان العشا ....عند هانى اللى وصل ع شقته وحاول يفتحها كتير معرفش قعد يخبط ويرزع كتير وووو.....يتبع
#معنى_الحب_الحقيقى السابع
#بقلم_نشوه_عادل
رواية معنى الحب الحقيقى الفصل الثامن 8 من هنا
الرواية كاملة من هنا (رواية معنى الحب الحقيقى)
