رواية معنى الحب الحقيقى الفصل التاسع 9 بقلم نشوه عادل
رواية معنى الحب الحقيقى بقلم نشوه عادل
 |
| رواية معنى الحب الحقيقى |
رواية معنى الحب الحقيقى الفصل التاسع 9
ـ هنوشتى ي بيبى وحشتنى طول السنين دى ماشوفكش ولا مرة
هانى: سوزى ي بنت الايه انا فكرتك موتى
سوزى: بعد الشر عليا انا اعتزلت الملاعب فترة طويلة عشان كنت اتجوزت وادينى رجعت بقوة
هانى بغمزة: بس اتغيرتى واحلويتى اوى
سوزى: طول عمرى وانا جميلة ولا تنكر
هانى: مقدرش
شادى: ثوانى بس انتم تعرفوا بعض ازاى
هانى بضحك: عايز اقولك ان سوزى كانت اول مرة ف سنة اولى شقاوة تقدر تقول دى المدرسة بتاعتى
ضحك شادى: يعنى طلعتوا معرفة قديمة يبقى خلاص مبروك عليك
هانى: طب مش نتعرف ع البطل الجديد
البنت التانية: بوسى
شادى: بوسى ملاك الرحمة
ضحك الكل وقعدوا يشربوا ويعملوا دماغ وشغلوا اغانى ورقصوا ....هانى: ثوانى هدخل اجيب ولاعة دى شكلها شطبت
دخل ع الاوضة واتأخر شويه فدخل وراه شادى وقاله: ايه ي ابنى كل ده بتجيب ولاعة
هانى: مش لاقى يسطا كانوا هنا
فتح شادى الجيب الصغير ف الشنطة وطلع منها ابرة وقال: ايه الحقنة دى ي نجم
مسكها هانى وابتسم: دى اللى كان جابها الواد صبحى بس نسيتها
شادى: طب حلو ما تيجى كل واحد فينا احنا الاربعة يجرب سنتى
هانى: مفيش منه الكلام ده دى تمنها اشترى بيه الف واحدة من عينة سوزى
شادى: اممم مستخسر ف صاحبك كمان
هانى: عيب يسطا انت حبيبى انت سنتى وانا اربعة
شادى: ي عم ماشى بس افرض عجبنى
هانى: ابقى اشترى انا مالى انا ناوى اخد حقى كله النهاردة اصلا
شادى: يعنى ايه هتاخد الاربعة سنتى النهاردة
هانى: اه مالك ف ايه
شادى: انت اهبل ي ابنى انت ناسى صبحى يومها قال ايه قال سنتى واحد كفاية مرة واحدة ف الاسبوع كمان
ضحك هانى بتهكم وقاله: بذمتك دى هتأثر معانا احنا ده احنا جتتنا نحست ي ابا هات اخلص
شادى بخوف: هانى متستعبطش ده نوع جديد ومنعرفش سكته ايه
هانى: انت مالك ف ايه النهاردة عارفك عيل طماع وعاوزه لنفسك
شادى: والله ابدا انا فعلا خايف عليك
هانى: لا متخافش ي اخويا ويلا اخرج للبنات عشان ميزهقوش وانا هخلص واحصلكم
بالفعل خرج شادى وهو حاسس بخوف ميعرفش سببه وساب هانى اللى قعد وبدأ ياخد الحقنة وكان الموضوع عادى بعد خمس دقايق بدل يعرق جامد وحرارته ارتفعت مرة واحدة حس بثقل بصدره وضربات قلبه زادت اوى حاول ينادى ع شادى حس بخنقة مانعة صوته يطلع قرر يقف لكن اول ما وقف وقع ع وشه وهو حاسس بالدنيا بتسود حواليه جسمه بيتشنج وفجأة حس ان جسمه تلج
سوزى: الله هو الواد هانى اتاخر كده ليه
شادى: واد لو سمعك بتقولى كده هيعمل منك كفتة
سوزى: ي اخى اتنيل انا هدخل اشوفه بيهبب ايه
شادى بغمزه: وماله
دخلت سوزى ولقته مرمى ف الارض ووشه احمر دم وبيتشنج فصرخت بأعلى صوتها
كانت منة بتكلم يوسف بالفون وبتقوله: منمتش ليه مش عندك شغل بدرى
يوسف: لا نوم ايه بس انتى اهم من اى حاجة
منة: شكرا اوى ي يوسف
يوسف: بتشكرينى ع ايه
منة: ع كل حاجة حلوة عملتها عشانى وشكرا لانك بحياتى بجد
يوسف بفرحة: واحدة واحدة علينا ي عروسة البحر قلبى مش مستحمل كل ده
منة: انت تستاهل كل خير وفرح ي يوسف
يوسف: طب بالله تقوليها نفسى تطمنى قلبى
منة باحراج: ف ميعادها هتتقال وهتبقى احلى كمان
يوسف: ماشى ي سيتى وانا لسه عند وعدى
منة: طب ممكن سؤال
يوسف: اسألى ع طول
منة: هو يعنى انت ممكن توافق تخلينى اشتغل بعد الجواز ولا هتمنعنى
يوسف: عمرى ما اقدر امنعك عن حاجة انتى بتحبيها الا ف حالة واحدة
منة: ايه هى
يوسف: انها تشغل وقتك كله وتخليكى تهملى بيتك لكن لو عندك القدرة تديرى وقتك وتعطى لكل حاجة حقها تأكدى انى هفضل ف ضهرك وجنبك وبشجعك من كل قلبى
منة بفرحة: وانا اوعدك انى يوم ما احس انى قصرت انا اللى هطلب اوقف شغل ويلا بقى نوم
يوسف: ليه بس لسه بدرى
منة: بدرى من عمرك ي دكتور الساعة ٣
يوسف بص للساعة باستغراب وقال: ياه تصدقى انتى الوحيدة اللى بحس ان الوقت معاكى بيجرى بسرعة وكأنه قاصد يحرمنى منك
منة: اطمن ي يوسف مفيش حاجة هتبعدنى انا هفضل جنبك ومعاك
يوسف بفرحة: بجد
منة بكسوف: بجد ويلا نوم بقى
يوسف: ماشى ي قلبى تصبحى ع خير ي روحى
منة: وانت من اهله باى
قفلت منة وحط يوسف الفون جنبه بفرحة ولقى الفون بيرن تانى ابتسم وفكرها هى رد بسرعة من غير ما يبص وقال: لحقت اوحشك ولا ايه
شادى بدموع: يوسف الحقنى بسرعة هانى بيموت
يوسف قام اتعدل وبص بالفون وقال: مين انت وجيبت رقمى منين
شادى: انا صاحب هانى وهو كان قاعد ف بيتى بقاله فترة وهو بيموت وانا مش عارف اعمل ايه
يوسف: اه دى لعبة مش كده طب ما لو هو راجل خليه يواجهنى وش لوش
شادى: افتح الواتس ابوس ايدك هبعتلك فيديو
فتح يوسف الواتس وشاف هانى وهو مرمى ع الارض بيتشنج وبيرغى من بوقه بسائل ابيض وبيقول : يوسف عاوز يوسف
يوسف اترعب عليه مهما كان ابن عمه وكان بيحبه وبيعتبره اخوه رن ع شادى وقال: انت مستنى ايه انقله ع اى مستشفى بسرعة
شادى بخوف: خايف اروح ف سين وجيم وابويا مركزه حساس جدا
يوسف: ادينى العنوان بسرعة انا جاى ليك حالا
نزل يوسف بترينج البيت واخد محفظته ومفاتيح عربيته وطلع يجرى ووصل ع بيت شادى وشاله يوسف مع شادى ونزله عربيته وجرى ع اقرب مستشفى
يوسف: هانى متخافش انا معاك
هانى: سامحنى وخلى ابويا وامى يسامحونى ومنة كمان انا ظلمتها كتير
يوسف: هششس اهدى واسكت
هانى وهو مش قادر يتنفس: خايف اقابله
يوسف بدموع: اتشهد
كان هانى بيحاول ينطق الشهادة لكن لسانه تقيل دموعه مالية عيونه والندم هو لسان حاله
وصل يوسف ع المستشفى وصرخ ف الامن وجات الممرضات بالترولى ووراهم دكتور
دكتور: حضروا غرفة العمليات حالا
كان يوسف واقف برة وهو رايح جاى بيمشى ايده ع شعره بخوف وقلق خرج الدكتور وقاله:البقاء لله المريض تعيش انت ووو....يتبع
#معنى_الحب_الحقيقى التاسع
#بقلم_نشوه_عادل
رواية معنى الحب الحقيقى الفصل العاشر 10 من هنا
الرواية كاملة من هنا (رواية معنى الحب الحقيقى)
