رواية همسات جثه الفصل الرابع 4 والأخير بقلم إسلام الأمير
رواية همسات جثه بقلم إسلام الأمير
 |
| رواية همسات جثه |
رواية همسات جثه الفصل الرابع 4 والأخير
"همسات ج*ثه" بقلم/اسلام الامير
الجزء الاخير
علي: يا ايمن بيه انا اللي عندي معلومات غايه في الخطوره واظن اني وصلت للي عمل كدا استناني انا ساعه زمن وهكون عندك وهتعرف كل حاجه
نزلت بسرعه من المستشفي وركبت عربيتي وانا في طريقي لقسم الشرطه ولكن كان الطريق زحمه جدا وصوت تلكسات العربيات خلي دماغي خلاص هتت*فجر
ولكن بصيت للملف اللي جنبي علي الكرسي وانا بفتكر اللي حصل في معمل الفحوصات وايه اللي قاله ليا دكتور طه
اتحركت انا وطه ناحيه المعمل ولما دخلنا طه قفل الباب وراه
في ايه يا طه فهمني النتائج ايه بالظبط
-طه بص يا دكتور انا اخت منك 3 عينات وطلعوا كالاتي
-العينه الاولي لجلد وشعر ودول انا كنت فاكرهم يخصوا المج*ني عليها بصراحه، ولكن بعد الفحص طلعوا ميخصوش المج*ني عليها دول يخصوا ذكر ويبدوا انه هو الجاني ويبدوا ان المج*ني عليها قاو*مت بشده وبدأت تخر*بش بضوافرها وتسببت في قلع بعض شعر وجلد الجا*ني في حاله دفع*اع شرعي عن النفس
والعينه الثانيه اللي كانت في منطقه الحوض ودي اتضح انها اثار واضحه لسائل من*وي ولما طابقنا عينه الشعر والجلد بالسائل الم*نوي اتضح انهم متطابقين ويرجعوا لنفس الشخص
معني كدا ان زي ما توقعت مريم الج*اني اعت*دي عليها جن*سيا قبل قت*لها
طه: قصدك الج*ناه يا دكتور مش الج*اني
ازاي قصدك ايه.؟؟!
-مهي دي المفاجأه اللي مخبياها العينه الثالثه
-العينه الثالثه واللي كانت علي صدر المج*ني عليها هي بقايا لعاب يبدوا انه يعود للجا*ني ويبدوا انه كان بيلهث من فرط الاثاره ولعابه بيسيل ودا اللي لقناه علي جسد البنت ولكن الغريب هو ان عينه اللعاب لا تتطابق مع عينه السائل الم*نوي او الشعر والجلد
معني كدا اننا قدام اتنين من الج*ناه مش جا*ني واحد
طه- بالظبط كدا الله ينور عليك ولو في مشتبه فيهم نقدر ناخد منهم عينه ونطابقها بالعينات دي ونشوف هل ترجع ليهم ولا لا
ابتسمت وقلت حلو جدا اطبعلي نسخه بكل الكلام دا بسرعه وسبت طه وخرجت
وصلت الي قسم الشرطه طلعت للدور الثاني لمكتب الرائد ايمن
كان في عسكري واقف علي باب المكتب
-لو سمحت عايز اقابل ايمن بيه
-مين حضرتك
دكتور علي، علي الطيب قوله كدا
دخل العسكري ولحظات وخرج وهو بيقولي اتفضل يا دكتور
دخلت للمكتب وقتها وقف الرائد ايمن سلم عليا وهو بيقولي شكلنا خلاص وصلنا للج*اني يا دكتور ، قولي بقي ايه الاي وصلتله ومهم زي ما بتقول بشرني
انا يا دكتور توصلت لعينات من شعر وجلد كانوا تحت ضوافر مريم وكمان لاحظت وجود سائل ابيض شفاف علي منطقه الصدر وكمان وجود سائل ابيض ثقيل اسفل منطقه الحوض
ايمن بأهتمام وهو بيولع سيجاره وبيدي علي سيجاره: كمل يا دكتور كمل وبعدين
اخدت عينه الشعر والجلد وعينه من السائل اللي علي الرقبه وعينه من السائل اللي علي الحوض وبعتهم للمعمل لفحصهم
والنتائج كانت كالاتي
.الشعر والجلد ميخصوش المج*ني عليها دول يرجعوا للجا*ني واللي اتضح انه ذكر
ايمن: قصدك ان مريم دافعت عن نفسها اثناء الاع*تداء
-بالظبط كدا مريم تشبثت لأخر نفس يا دكتور مستسلمتش
وبالنسبه للعينه اللي كانت في منطقه الحوض ف دي طلعت اثار سائل م*نوي وبعد تطابق العينات اتضح ان صاحب الجلد والشعر هو هو صاحب السائل الم*نوي، هو هو نفس الشخص
ولكن لما فحصنا عينه السائل اللي علي صدر مريم اتضح انه لعاب ولكن الغريب هو ان لم يتطابق مع العينات السابقه صاحب اللعاب شخص تاني غير صاحب السائل الم*نوي والجلد والشعر
ودا ملف فيه نتيجه فحص العينات
ايمن يعتدل في جلسته ويقول بأهتمام قصدك ان في اتنين هما اللي عملوا كدا في مريم.؟!
بالظبط كدا واحنا محتاجين النيابه تشوف شغلها وتجيب اللي مشتبه فيهم ويتاخد منهم عينه ويتم فحصها ومطابقتها مع العينات اللي اكتشفناها
-عينه زي ايه .؟!
اي حاجه جلد شعر لعاب ضوافر سائل من*وي
-حلو جدا يا دكتور اظن اننا قربنا من الجناه
باب المكتب يخبط
ايمن: ادخل
امين شرطه يأدي التحيه العسكريه ويقول: كل حاجه تمام يا فندم
ايمن- ايه يا امين تحفظتوا علي عثمان
-عثمان حاليا في الحجز يا فندم
ايمن بأبتسامه: زي الفل اتفضل انت وعينك علي احمد بيه ابو المجد عينك متغفلش عنه
-امرك يا فندم بعد اذنك
ايمن: قلي يا دكتور عمرك حضرت استجواب لم*تهم قبل كدا..؟
-الصراحه لا
-لا متقلقش هتحضر وهتتبسط كمان
ايمن يرفع سماعه التليفون
-ايوه يبني هاتلي عثمان الدكروني من الحجز
شويه ودخل امين شرطه ومعاه عثمان
عثمان: خير يا باشا انا بعمل ايه هنا
-ايمن مفيش يا عثمان وحشتنا وقلنا نسأل عليك، نسيتنا انت من ساعه ما استقلت فقلنا نجيبك احنا ونسأل عليك بنفسنا
عثمان: الله يكرم اصلك يا بيه بس مش طبيعي تكون جايبني بالطريقه دي علشان تسأل عليا
-ايمن وهو بيطفي السيجاره اللي في ايده ويولع غيرها الصراحه عندك حق مش دا السبب في سبب تاتي
عثمان: ايه هو
ايمن: انت تعرف مريم .؟!
عثمان: مريم مين
ايمن: مريم، مريم البنت اللي لقيتها مق*توله جنب الكشك بتاعك ايه لحقت تنساها معقول حد يقدر ينسي اسم قت*يل لقاه
عثمان: اديك قلت مجرد ج*ثه لقيتها وبلغتكم وخلاص
ايمن: المقدم احمد ابو المجد كان عندك بيعمل ايه.؟!!
-لاحظت ان ملامح وش عثمان اتغيرت بمجرد ذكر اسم المقدم احمد
ايمن: مردتش يعني
عثمان: عادي يا باشا انا اعرف المقدم احمد من قبل ما استقيل وكان بيزورني
ايمن: بيزورك علي اساس انك من بقيه اهله وصله رحم وكدا، شكلك هتتعبنا يا عثمان بس برضو مش هضغط عليك
-تقدم الرائد ايمن ناحيه عثمان ووقف جنبه وهو بيبص لصوابع عثمان وبيمسك ايد عثمان وبيقوله
ايه دا يا عثمان بردو ضوافرك طويله كدا انت مش عارف انه بيسكن تحتهم الشيطان
قولي صحيح يا عثمان بقالك قد ايه مرحتش الكوافير .؟!!
عثمان: كوافير ايه يا باشا
ايمن: جاب مق*ص صغير من علي المكتب وقص ضوافر من عثمان
-دا ينفع يا دكتور علي
اه كويس جدا
ايمن: مضيه يبني علي اقواله وخده يا امين علي الحجز الانفرادي
خرج عثمان وفضلت انا وايمن
ايمن: اتمني النتيجه بتاعه الفحص تظهر بسرعه
- انا هروح دلوقتي المستشفي وهقدم العينه للفحص ومش همشي قبل ما اخد النتيجه بعد اذنك
-اتحركت من القسم وطلعت في طريقي الي المستشفي ولما وصلت دخلت علطول معمل الفحوصات
طه: خير يا دكتور طمني في جديد
مديت ايدي وانا بقوله: دي عينه احد المشتبه فيهم
لاحظت ان طه قام بسرعه واخدها من ايدي وهو بيبتسم وبيقول حلو جدا هشتغل عليها وهبلغك بالنتيجه
امتي.؟! هتبلغني امتي يا طه.؟؟
ساعه زمن بأذن الله
-تمام انا في مكتبي
-مشيت في طريقي لمكتبي وانا مش حاسس ان رجليا شيلاني ارهاق وعدم نوم و عدم اكل كمان سجاير وقهوه خلوني خلاض بدأت افقد كل قواي
علي باب المكتب طلبت قهوه ساده من الممرضه ودخلت مكتبي
قعدت علي الكرسي وانا بفكر يا ترا هل فعلا عثمان اللي عملها .؟! طيب لو هو فعلا عثمان طيب من شريكه .؟! معقول يكون احمد ابو المجد زي ما انا شاكك.؟!
عدت الساعه بثقل وكأن الساعه بتعيد نفسها في كل دقيقه ساعه كمان
باب المكتب يخبط ويدخل طه
قمت من مكاني وانا بقوله هاا يا طه طمني وصلت لأيه.؟؟
صاحب العينه دي واحد من الج*ناه ، العينه تطابقت مع اللعاب اللي كان علي صدر مريم
قصدك ان صاحب العينه اللي اديتهالك هو صاحب اللعاب وبس .؟؟
بالظبط كدا واظن الجا*ني التاني هو صاحب السائل المنوي والجلد والشعر اللي كان تحت ضوافر مريم
مديت ايدي واخدت الملف اللي فيه النتائج وطلعت جري نزلت من المستشفي وركبت عربيتي
"قسم شرطه مدينه نصر"
دخلني بسرعه يبني لأيمن بيه
العسكري اللي علي المكتب: استني لحظه
غاب لخظات واداني الاذن بالدخول
-خير يا دكتور في حاجه جديده
نتيجه المعمل ظهرت وعثمان اتطابقت عينته بعينه اللعاب اللي كانت علي صدر مريم
-معني كدا ان عثمان اللي عمل كدا
-لا عثمان ساعد مش اكتر
-اللي ق*تل مريم مش عثمان مظنش
ايه اللي يخليك تقول كدا
اللي ق*تل مريم هو صاحب اثار السائل المنوي، اللي ق*تل مريم ه صاحب اثار الجلد والشعر اللي ق*تل مريم قتل*ها علشان قاومته وحس انه هيت*فضح
بس لحظه في حاجه يا ايمن بيه
اللي قت*ل مريم اشول ، اللي قت*لها قت*لها بأيده الشمال
لحظه عثمان مش اشول عثمان لما مضي علي المحضر من شويه مضي بأيده اليمين عادي جدا
ايمن: معني كدا ان عثمان ساعد ولكن ممسكش س*لاح وق*تل
الظبط كدا
كدا احنا قدام قا*تل استخدم ايده الشمال وهو اشول بالفطره ..؟؟!
وقتها افتكرت حاجه خلتني اقف من مكاني وانا بقول احمد ، احمد ابو المجد
افتكرت لما احمد ابو المجد جاني مكتبي للمره التانيه في وجود اخو مريم ومسك ورقه وقلم وكتب ليا رقمه كتبه بأيده الشمال
القا*تل اشول واحمد حواليه شكوك كبيره واحمد اشول
ايمن بعصبيه يرفع سماعه التليفون
هاتلي يبني الزفت اللي اسمه عثمان بسرعه
ايمن: بص يا دكتور مش عايزك تجيب سيره احمد قدام عثمان خالص احنا هنقول قدامه ان شريكه اعترف عليه ونشوف هيعمل ايه
وشويه ودخل امين شرطه وهو ماسك عثمان
ايمن: هاا يا عثمان مش ناوي تتكلم .؟!
عثمان:اتكلم اقول ايه يا باشا انا مش عارف انا هنا ليه
ايمن: تتكلم تقول ليه قت*لت مريم
عثمان: يا باشا حرام عليك ق*تل ايه واقت*لها ليه
شكلك حابب تشيل الليله لوحدك اسمعني بقي علشان مش هكرر كلامي تاني
احنا عرفنا ان اللي قل*توا مريم هما اتنين مش واحد ولما اخدنا منك عينه فحصناها وطابقنها بالعينه اللي لقيوها علي جسم البنت وطلعت انت واحد من اللي عملوا كدا، وزي ما وصلنالك وصلنا للشخص اللي كان معاك واحب اقولك انه اعترف عليك وشيلك انت الليله لوحدك خصوصا ان كل البصمات ترجع ليك
ايمن كان بيقول كدا بس علشان يلعب علي الجزء النفسي لعثمان ويحسسه ان شريكه باعه ف يعترف علي نفسه وعلي شريكه ويحكي تفاصيل الج*ريمه
وبالفعل بمجرد ما عثمان سمع كلام ايمن يتنفض ويقول لا اشيلها لوحدي ايه انا هحكي علي كل حاجه
ايمن: حلو مين شريكك احب اسمع منك انت اسمه
شريكي الرائد احمد ابو المجد ...!!!
نقدر نقول ان ايمن اتصدم من الاسم مع انه كان متوقع ولكن مكنش عايز يكون احمد صاحب عمره يعمل كدا
ايمن: احكي كل حاجه بالتفصيل
عثمان مفيش انا بيني وبين احمد شغل بخلص ليه مصالح وكدا ومن حوالي اسبوع كنت في بيتي قاعد وفجأه باب البيت خبط
-مين.؟!
انا احمد ابو المجد يا عثمان افتح
-اهلا يا احمد بيه اتفضل
دخل احمد وبعد ما قعد قالي انه عايزني في مصلحه وهيطلعلي منها 10,000جنيه
وقتها قلتله هي ايه المصلحه دي
-بنت عايزك تجبهالي هنا
-اجبهالك ازاي.؟!
معرفش بقي تجيبها ازاي المهم تجيبها هنا ان شاء الله تخ*طفها
-هي مين البت دي يا باشا
-متسالش انت تنفذ وبس ودول 5,000 ولما تجيب البنت هتاخد زيهم
- تمام اديني اسمها وعنوانها علشان اراقب خط سيرها واعرف تحركاتها
وبالفعل اداني ورقه فيها كل التفاصيل وقالي الموضوع دا لو فشل فيها رقبتك ، وسابني ومشي
فضلت يومين اراقب البنت وعرفت انها بتنزل الساعه 8 الصبح تروح الجامعه وبترجع 3 العصر
وبالفعل قررت اني هستناها وهي راجعه وخلصت الموضوع
ايمن: ازاي خط*فتها وسط الناس
عثمان: الموضوع سهل جدا احمد بيه اداني دبوس وقالي دا مجرد ما تشك بيه مريم قبل ما تطلع الدبوس هيكون مغمي عليها وقد كان اغمي عليها وانا عملت اني ابوها وبفوقها واخدتها في تاكسي كنت مأجره وطلعت علي بيتي وكلمت احمد بيه
-احمد بيه الامانه معايا
متعديش نص ساعه واحمد يوصل
والبنت كانت فاقت وكنت مكتفها بحبل في ايدها ورجليها ورابط بوقها بحته قماش علشان متصر*خش وتفض*حنا
البنت مجرد ما شافت احمد بدات تعلي صوتها وتحاول تصر*خ بس مكنتش عارفه
قرب منها احمد وهو بيحط ايده علي شعرها وشال من علي بوقها قطعه القماش وقال
حبيتك اكتر من نفسي وطلبتك مره واتنين وتلاته وانتي ترفضيني مع اني كنت بحبك
مريم: بتحبني وانا مش بطيقك يا اخي هو بالعافيه ايه معندكش د*م
-عندي د*م وكمان عندي قلب ودا اللي حبك ومش شايف غيرك
-سيبني في حالي حرام عليك
-انتي مرضتيش تكوني ليا بالذوق ومتعرفيش ان احمد ابو المجد مش بيترفض فهتكوني ليا بالع*افيه وبدأ يلمس رقبتها وهو بيقول واللي مخدتهوش بالذوق عادي يتاخد بالغافيه
-وقتها البنت تفت في وش احمد ووقتها احمد ضر*بها علي وشها بالقلم وانق*ض عليها زي التور الها*يج ض*رب وبعدها سابها ومشي وقالها هرجع بليل اتمني وقتها تكوني عقلتي
مشي احمد وسابني معاها
ايمن: لقينا بصماتك علي جسم البنت معني كدا انك اعت*ديت عليها.؟
-لما احمد سابني معاها البنت كان لبسها كله متق*طع من اللي عمله فيها احمد والبنت شكلها كان جميل وغصب عني هج*مت عليها ولكن والله ما لحقت اعمل حاجه لأن الباب خبط وكان احمد رجع
ايمن: هاا كمل
دخل احمد علي البنت واللي كانت مرميه علي الارض وقال
اتمني تكوني عقلتي
ولكن البنت بدات تش*تم وتص*رخ وقتها احمد طلب مني اخرج بره، وانا خرجت
ومكنتش بسمع غير صوت صر*اخ البنت المكتوم لأنه حط حاجه علي بقها منعتها من الص*راخ وشويه وصوت البنت سكت تماما ولقيته خارج وفي اثار د*م علي ايده
دخلت بسرعه علي البنت لقيتها واقعه علي الارض وهي عريانه وبتنزف من اثار الاعت*داء عليها
كمان لقيت سك*ين مرميه علي الارض كلها د*م ولما بصيت للبنت لاحظت انها واخده طع*نه في جنبها وكمان مد*بو*حه من رقبتها
وقتها فضلت اذعق وانا بقول قت*لتها ليه مكناش متفقين علي قت*ل
وقتها اتعصب عليا وقالي لو فتحت بوقك هشيلهالك
ايمن: كمل عملت ايه بعد كدا
بعدها طلب مني نشيل البنت ونرميها في اي مكان
وبالفعل اخدناها في عربيه احمد ورمناها في المكان اللي لقيوها فيه
وقتها كسرت صمتي وقلت: وليه رميتها حنب الكشك بتاعك .؟!
عثمان: احمد قالي ان لما نرميها هنا هنبعد اي شكوك عني مهو مش معقول كد يق*تل حد ويحط جث*ته جنب مكان اكل عيشه
سألته تاني وقلت، ليه قلت انك انت اللي لقيت الج*ثه وبلغت الشرطه مع ان احمد قال ان مش انت اللي لقيتها
لا انا اللي لقي*تها وبلغت لأني قلت لنفسي لو بلغت هبعد عني اي شكوك مهو مش معقوله اللي عملها يبلغ عن نفسه
قلت: س*لاح الجريمه اللي احمد استخدمه فين.؟!
مخبيه في البيت عندي
ايمن: ايوه مخبيه فين انطق
في الدولاب بتاعي
بص ايمن لأمين الشرطه وامره يطلع يجب السلاح من بيت عثمان
ايمن: مضيه يبني علي اقوله ونزله انفرادي
خرج ايمن وانا وراه بسأله هنعمل ايه
ايمن وهو بياخد مس*دسه م علي المكتب وبيتحرك : هاخد اذن نيابه بالق*بض علي احمد قبل ما يه*رب
دخل ايمن مكتب وغاب ربع ساعه وطلع وفي ايده اذن بأنه ياخد قوه من القسم ويق*بض علي احمد ابو المجد
قلتله انا جاي معاك
-مش هينفع يا دكتور
لو سمحت يا ايمن بيه انا توليت امر رجوع حق مريم من البدايه وهكمله للأخر
تمام اركب
ركبت عربيه ايمن وكان ورانا بوكس فيه القوه اللي هترافقنا وواضح اننا في طريقنا لبيت احمد
وبافعل وصلنا للبيت والشقه كانت في حي المعادي وطلعنا للدور الرابع ولما خبطنا فتحلنا احمد
احمد: ايمن..؟!! في ايه
ايمن: لو سمحت يا احمد اتفضل معايا بدون اي شوشره كل حاجه اتكشفت خلاص
وبالفعل اتقدم اتنين امناء شرطه وتحفظوا علي احمد ولكن احمد ض*رب واحد منهم وقال انا جاي لوحدي ابعد عني
وبالفعل تقدم معانا وهو بيبصلي بغضب وغل وكأنه عايز ين*قض عليا واضح انه كان عارف اني انا اللي هجيب رجله
وصلنا قسم الشرطه طلعت انا وايمن بيه للمكتب وحصلنا احمد وهو محاط بأمناء الشرطه
ايمن: عملت ليه كدا يا احمد
-عملت ايه يبني انت مجنون
ايمن: خلاص يا احمد كل حاجه اتكشفت وعثمان مسكناه واعترف عليك
-عثمان مين انا معرفش حد بالاسم دا
ايمن: وطالما متعرفهوش ايه وداك بيته قبل كدا.؟!!
-سكت احمد
تقدم ايمن وقاله هنشوف اذا كان ليك يد او لا
ومسك ايمن شعرايه من شعر احمد وشدها واحمد بيزعق ويشتم فيه
ايمن: خدوا احمد بيه للحجز ومتحطهوش مع عثمان
ايمن: اظن الشعر هيوفي بالغرض يا دكتور.،!
هيوفي طبعا هروح اقدمه للفخص
وبالفعل رحت ووديت العينه لطه وبعد ساعه قالي النتيجه وطلعت تليفوني وكلمت ايمن بيه وقلت
ايمن بيه: احمد ابو المجد هو اللي ق*تل مريم عينته تطابقت مع عينه السائل الم*نوي والشعر والجلد
ققلت السكه وعدي يومين واتحددت جلسه للنطق بالحكم غدا 26/يناير/ 2018
وصلت المحكمه الساعه 8 صباحا قبل معادها بساعه ركنت عربيتي ونزلت وعلي باب المحكمه قابلني الرائد ايمن
ايمن: صباح الخير يا دكتور علي فكره لما طابقنا البصمات اللي علي س*لاح الجر*يمه تطابق مع بصمات احمد واظن كدا فيها اعد*ام مستريح
-اتمني اللي ظلم مريم ياخد عقابه
باذن الله يلا تعالي ندخل خلاص الجلسه هتبدأ
دخلت للقاعه واللي كانت مليانه ناس وكان في مصورين وصحفين لأن القضيه وقتها قلبت الرأي العام خصوصا ان الجن*اه هو ظابط شرطه وامين شرطه سابق ف الموضوع كان كبير
كان في الصف الاول قاعد محامي المج*ني عليها وفي الحانب الاخر في اتنين محاميين للترافع عن احمد ابو المجد وعثمان
كمان كان والد مريم قاعد وجنبه والدتها واللي كانت بتعيط وجنبهم قاعد طارق اخو مريم والي شافني وابتسم
قعدت في الصف الثاني وشويه ولاحظت باب الق*فص بيتفتح وبيدخل احمد وعثمان وهما لابسين اللبس الابيض الخاص بالسجن وشويه ودخل حاجب المحكمه وقال جملته الشهيره
محكمه...
دخل القضاه وبدأ القاضي يستهل مقدمه الجلسه وبدأ يواجه المتهمين بجر*يمتهم
عثمان كان يقول انه مظلوم هو اه خط*فها ولكن مقت*لهاش
ولكن اللي استغربته هو ان احمد مكنش ييتكلم بالعكس كان هادي جدا وكأنه فخور باللي عمله
تحدث القاضي وقال: الدفاع الحاضر عن المتهمين يتفضل
كان اتنين محاميين قاموا بالتوالي وبدؤا يتكلموا والحق يقال هما كانوا متمكنين لأبعد الحدود وما ان انتهو من مرافعاتهم حتي تحدث القاضي وقال: محامي المج*ني عليها يتفضل
وقف محامي واردف، سياده القاضي حضرات المستشارين الجمع الكريم، استهل حديثي بقوله تعالي في الايه الثانيه والثلاثين من سوره المائده بسم الله الرحمن الرحيم "مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا"صدق الله العظيم
وقال تعالي ايضا في سوره النساء الايه الثالثه والتسعون
" وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا" صدق الله العظيم
اننا الان امام جر*يمه قد عظمها الله سبحانه وتعالي وحذر منها ومقتها في سائر كتبه السماويه جر*يمه حرمها الله علي لسان كل انبيائه ومرسليه جر*يمه حرمتها جميع الشرائع والاديان
فكما ترون ان الماثلون امام سيادتكم في الق*فص قد تحردوا من مل الصفات الانسانيه وبدلوها بصفات وحش*يه اتو بقبح عظيم قد استحلوا د*ماء بريئه ودنسوا شرف طاهر خط*فوا، اغت*صبوا، قت*لوا.. وكأنهم يعلمون ان لا رادع لهم
ولكن الله تعالي رد كيدهم في نحو*رهم وسلطهم علي انفسهم بأنفسهم وها هم الان ماثلين بجر*يمه اقل ما يقال فيها انها لا تمت للأنسانيه بصله
فقد ذهب المدعو احمد صلاح ابو المجد لطلب يد المجني عليها وعندما تم رفضه لم ينتهي بل ذهب مره تلوا الاخري ولكن لم يقبل ولم يستجاب طلبه
ولكن كيف يرفض كيف لأحد ان يرفضه فقرر ان ما لم يستطيع اخذه بالرضي سيأخذه بالقوه
فذهب الي المدعوا عثمان شحاته الدكروني في منزله وطلب منه ان يخ*طف له المجني عليها وهي عائده من جامعتها وقد حدث وقبل عثمان بهذا مقابل 10,000 جنيه 10,000 جنيه مقابل اذه*اق روح بريئه ..!!
فت*ربص لها عثمان وخط*فها وسلمها لأحمد فريسه سهله يفعل بها ما يشاء
وقد تعرضت المج*ني عليها للض*رب والاها*نه والعطش الشديد والاغت*صاب والق*تل كما هو مبين امام سيادكم في التقرير الماثل امامكم
عندما راودوها عن نفسها رفضت وقاو*مت بكل ما اوتيت من قوه كأي فتاه حره وعندما صر*خت وبدأ لهم ان امرهم سيف*ضح قام المدعوا احمد بأمساك سك*ين كانت بجواره وط*عن الفتاه في جنبها ومن ثم التف خلفها وذب*حها بدما با*رد
اتمني ان يتسع صدر المحكمه لسماع ملابسات القضيه
فأن الطب الشرعي بعد فحص الج*ثه اوضح ان من قت*ل الفتاه استخدم يده اليسري وها هو المتهم احمد هو اشول بالفعل يستخدم اليد اليسري
وايضا قد وجدت النيابه سل*اح الجر*يمه في بيت المدعوا عثمان وبعد رفع البصمات من عليه اتضح تطابق البصمات ببصمات المدعوا احمد ابو المجد
وايضا اكتشف الطب الشرعي بعض الاشياء علي جسد الفتاه
فوجدوا اثارا للعاب علي صدر الفتاه ، ووجدوا اثار شعرا وجلدا تحت اظافر المجني عليها ، ووجدوا اثار لسائل من*وي اسفل منطقه الحوض للفتاه
وبعد فحص العينات اتضح ما يلي
ان اللعاب يرحع الي عثمان فقد تطابقت العينه اللتي علي الصدر بعينه اخذت من عثمان وقد اعترف عثمان نفسه انه بالفعل اغت*صب الفتاه
واتضح ايضا ان بقايا الجلد والشعر التي وجدت اسفل اظافر الفتاه وبقايا السائل الم*نوي التي وجدها الطب الشرعي تعود الي المت*هم احمد ابو المجد فقد تطابقت العينه بعينته وتم عمل فحص DNA وتم تطابق السائل المن*وي بالسائل المن*وي الخاص بالمتهم احمد ويبدوا من اثار الشعر والجلد ان الفتاه قاو*مت وتشبثت بالنجاه ولكن هيهات لم يمهلوتا ان تنجوا وقت*لوها
وقد اعترف عثمان بما فعل واعترف احمد ايضا بما فعل والاعتراف هو سيد الادله
يا سيدي القاضي ان سمحنا لمثل هذه الجر* ائم ان تحدث بدون ردع فأين ألامان، اين الامان لابنتي وابنتك، ان لم نعاقب الفاعل علي ما فعل فكيف لأبنتي وابنتك ان تخرج لدراستها بأمان
لو كل من تقدم لخطبه فتاه ورفضته نوي قت*لها فما بقي للج*نس البشري من وجود
المتهمين استغلوا مكانتهم في المجتمع وفعلوا كل ما فعلوا بقلوب مطمأنه بأن لا احد سيشك بهم فالاول كان امين شرطه والثاني ضابط ومهمته الحفاظ علي ارواح الناس والاتيان بحقوقهم لا قت*لهم واغتص*ابهم
ان المتهمين دنسوا شرف فتاه كل جر*مها انها اختارت لنفسها، اغت*صبوا اطهر ما بها واستحلوه لأنفسهم بدون وجه حق ، تسببوا بقهر والديها وحرقه قلبهم تسببوا بكسر ظهر اخ المجني عليها، اها*نوها وتعدوا حدود الله وقد قال تعالي في كتابه الكريم بسم الله الرحمن الرحيم"وَمَنْ يَتَعَدَّ حُدُودَ اللَّهِ فَأُولَئِكَ هُمُ الظَّالِمُونَ [البقرة:229]
ان المتهمين الماثلون امام سيادتكم لم يراعوا حق لله ولا حق البشر فقد سعوا خلف شهواتهم وزين لهم الشيطان اعمالهم
وانا من مكاني هذا اطالب بالق*صاص ومن قت*ل يقت*ل اني اطالب بتطبيق أقصي عق*وبه علي المتهمين وهي الاعد*ام شن*قا جزاءا لما فعلوا واختم كلامي بقوله الله تعالي بسم الله الرحمن الرحيم
" أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالْأَنْفَ بِالْأَنْفِ وَالْأُذُنَ بِالْأُذُنِ وَالسِّنَّ بِالسِّنِّ وَالْجُرُوحَ قِصَاصٌ"
والسلام عليكم ورحمه الله وبركاته
وما ان انتهي المحامي من كلامه حتي ضجت المحكمه بالتصفيق والتهليل وتقديم التحيه للمحامي ولكن القاضي امر الجميع بالسكوت وقال
النطق بالحكم بعد المداوله
وصر*خ الحاجب وقال محكمه .....
عدت بعض الدقائق ويرجع الحاجب ويقول
محكمه .....
ويقف الجميع ويدخل القضاه ويجلسون ويقول القاضي
بعد الاطلاع علي ملابسات القضيه وسماع تفاصيل الجر*يمه والنظر للأدله حكمت المحكمه حضوريا علي "احمد صلاح ابو المجد" بالاعد*ام شن*قا باعتباره الفاعل الاصلي للجر*يمه
وحكمت ايضا علي المتهم "عثمان شحاته الدكروني" بالاعد*ام شن*قا لأنه خ*طف وساند واغت*صب ورأت المحكمه انه يستحق عقاب الفاعل الاصلي للج*ريمه
محكمه......
خرج القضاه وسط تهليل وتصفيق من كل الحضور بأستثناء صر*خات عثمان وهو بيقول انه مقت*لش وانه برئ ولكن برضو احمد بقي هادي جدا وساكت تماما ولا كأنه اتحكم عليه بألاع*دام
خرجت انا والرائد ايمن بدران سلمت عليه وشكرته علي مجهوده وكمان سلمت علي اهل مريم وشكروني علي اللي عملته
ايمن: تقدروا تستلموا ج*ثه مريم انهارده لاتمام مراسم الد*فن، بعد اذنكم وسابنا ومشي
وانا رحت للمستشفي ومعايا اهل مريم علشان يستلموا الج*ثه ودخلنا المستشفي وفتحت درج المش*رحه وامرت محمود يطلع الج*ثه
فتحت الكيس وكشفت وش مريم البرئ وقلت
"حقك عليا، انهارده اللي ظل*موكي اخدوا جزائهم، نامي واستريحي"
لاحظت شئ غريب لاحظت وش مريم وكأنه لأول مره يصفوا حسيت انها بتبتسم ، حسيت انها رضيت برجوع حقها
قفلت الكيس وسلمت الج*ثه لأهلها ومشيوا وانا طلعت مكتبي وانا تعبان جدا ومرهق ونفسي انام وبالفعل رحت في النوم
عدا يومين ويوصلني اتصال من رقم الرائد ايمن
-ايمن بيه اخبارك ايه
الحمد لله يا دكتور انا ببلغك ان انهارده اتنفذ حكم الاع*دام علي احمد وعثمان بكدا حق مريم رجع بالكامل
الحمد لله شكرا جدا يا ايمن بيه مع السلامه
اجمل احساس ممكن تشعر بيه هو انك تساعد في رجوع حق لأصحابه خصوصا لو الحق دا حق مي*ت
في اليوم دا كانت نباطشيتي في المستشفي وكانت الساعه واحده بعد منتصف الليل وكنت لسه بحاول انام وريحت جسمي علي الكنبه اللي في المكتب وخلاص هروح في النوم ولكن التليفون يرن
ايوه مين .؟!
انا محمود يا دكتور
-خير ياعم محمود
ببلغك ان في ج*ثه وصلت لشاب لقيوه مقتول في شقته اتمني حضرتك تنزل تستلم الجثه..؟؟!
شكلها مفيهاش نوم وشكل في حق جديد محتاج يرجع لاصحابه
تمام ياعم محمود انا نازلك
...تمت
بقلم/#اسلام_الامير
#ما_تخبئه_الارواح
#المرعبين
♥️♥️.. تمت بحمد الله ..♥️♥️
وهتلاقى روايات كاملة كتير فى القناة دى (روايات كاملة ♥️)
الرواية كاملة من هنا (رواية همسات جثه)
