رواية غلطة ابكتني عمري الفصل العاشر 10 بقلم سحر السحرتي

رواية غلطة أبكتني عمري الفصل العاشر 10 بقلم سحر السحرتي

رواية غلطة ابكتني عمري بقلم سحر السحرتي

حلقة ١٠

*بصيت لجومانا باستغراب

:في ايه يا جومانا مالك زعلانه كده

:هو احنا مش المفروض اصحاب بتخبي عليا انك هتتخطبي لابن عمي

:اهدي بس وتعالي اقعدي الموضوع جه بسرعه بعد ما سافرتي شهر العسل

:يعني ايه بسرعه ما كنتيش تعرفي انه هيتقدم لك

: لا هو قال لي وانا ماشيه من الفرح انه هيكلم بابا وانا عارفه ان بابا مش بيوافق

:يعني ايه خطبك فجأه ما كانش في بينكم كلام او مقابلات

: لا كان بيتكلم معايا كلام عادي و بيحاول يقابلني وانا برفض لان مفيش صفه رسميه عشان كده اتقدم و خطبني

:واظن فاكراني هصدق الكلام ده

:هو انا من امتى ك-ذبت عليك ولة من امتى ليا اني اكلم حد واعمل معاها علاقه حب بره اطار رسمي

: امال معاذ ده ايه

:معاذ ده كان زميل جامعه وصديق وخلاص كل حاجه بيني وبينه انتهت لما مروان طلب مني

: هو عرف بعلاقتك مع معاذ

:اه انا حكيت له

*وحكيت لها اللي حصل مش بالتفصيل قوي احتفظت ببعض الخصوصيه

:ما كانش المفروض يعرف دلوقتي هيفضل يش-ك فيك

: يعني ايه

:اصل ده طبع الظباط وطبع مروان خصوصا فلو كلمتي معاذ بلاش يعرف

: وانا ايه اللي يخليني اكلمه خلاص كل شيء انتهى بينا

*مش عارفه ليه حسيتها زعلت اني اتخطبت لمروان واني عرفته بصداقتي مع معاذ و نهيتها

*عدوا ثلاث شهور ما بين مروان يسافر وبابا يسافر ومش عارفين نحدد ميعاد لحفله الخطوبه

*طول الفتره دي بتعلق بمروان اكثر وبنحب بعض اكثر والتفاهم بينا بيزيد عكس مكان مروان متوقع

: ليه ما ينفعش اكون زوجه مطيعه

: لا توقعت من اول لقاء بينا انك متم-رده وعلى طول مش بتسمعي الكلام

:انت بتحكم على الناس من اول لقاء غير اني بحبك واكيد هحاول ارضيك وهبذل مجهود ان حياتنا تبقى كلها تفاهم

:انا مقدر طبعا بس اتمنى نفضل كده على طول

:هو ايه اللي ممكن يحصل يزعلك مني

:مش عارف

:ايه مش عارف دي

:يعني ممكن يحصل موقف تفكري انه بسيط ونتخ-انق ونزعل رغم انه فعلا بسيط ويحصل موقف ثاني يعدي واسامح فيه

:طب في موضوع كنت عايزه اقولك عليه بس نفسيا غير مستعده فينفع تديني مهله لما احس نفسي قادره اتكلم

:الموضوع ده هيزعلني

:ما اعرفش رد فعلك لانه زي ما قلت ممكن يعدي او لا

:خلاص خدي وقتك

: اكيد مش هتيجي لحظه تقول كان المفروض عرفت من بدري او حاجه زي كده

:لا يا حبيبتي بس هو الموضوع عن ايه

بقلمي سحر السحرتي

:مش هقدر المحلك

*ارتحت لما اديته فكره اني مخب-يه حاجه

*بعد شهرين اتحدد ميعاد حفله الخطوبه كنت عايزه اقول له قبلها بس كل ما اجي اتكلم كان بيحصل حاجه توقفني وسافر قبل الخطوبه

*جومانا قربت مني وحبت تقف جنبي وقالت هتحضر معايا اليوم من اوله قبل الخطوبه بيوم بعثت رساله لمعاذ

:محتاجه ادردش معاك وعارفه اني وعدت مروان اني مش هكلمك بس هكلمك كتابه عشان اريح ضميري رغم أنه في جميع الأحوال غلط

*رد عليا رسائل برده

: خير يا دارين مالك

: متوتره قوي وخاي-فه بكره حفله خطوبتي ولسه ما اعترفتش لمروان

: ليه انتم تقريبا بقالكم خمس شهور لابسين الدبل

:مش عارفه كل لما اجي اقول له بخ-اف يسيبني لما يعرف

: لو بيحبك هيقبل ويسامح

:بس مش سهل على اي راجل يوافق على الموضوع ده يتجوز واحده ويعرف انها ممكن تفض-حه

: انت مكبره الموضوع قوي وانا متاكد انه بيحبك

*حب يفكني من توتري

: ولو رفض يتجوزك انا موجود اتجوزك واصلح الغل-طة دي هههههه وطول عمري بتحايل عليك بس انت اللي بترفضي

:شكرا انت دايما بتطمني يعني اقول له بكره قبل الخطوبه

:قدرتي ماشي ما قدرتيش بعدها ايه المشكله

:المشكله اني هفضل متوتره وخ-ايفه يرفض بعد الخطوبه وتبقى فض-يحه قدام الناس

: بلاش الكلام ده

: ما هو لو عرف ورفض وقال للناس سبب الرفض هتبقى فضي-حه وبابا لو عرف ممكن يق-تلني

:ما تخ-افيش اكيد هو راجل مش هيقول لحد لو امنتيه انه سر

*الحوار مع معاذ خلاني هديت ومعتمدة ان مروان هيسامحني

*يوم الخطوبه جومانا مسكت تليفوني وانا كنت بجهز واخذته وما اخذتش بالي وفتشت فيه

*كانت محضره صور ليا مع معاذ واحنا في الجامعه مع اصحابنا وعملت لها مونتاج وخلتنا جنب بعض مع ان عمري ما اتصورت معاه لوحدنا ولا وقفت جنبه او جنب اي ولد

*المحادثه بيني وبين معاذ سهلت لها كثير تنفيذ خطتها لان اللي يقرئها يحس ان في بنا حاجة مش بتكلم عن مرضي اطلاقا

*كانت عايزه تنت-قم مني مفكره اني السبب ان معاذ رفض يرجع لها وهي اصلا كانت عايزاه لانه بقى نجم فكان نفسها في الشهره والفلوس مش اكتر ما كانش حب

*شافت الرسائل اللي بيني وبين معاذ وصورتهم وبعثتهم لنفسها وفجاه اتسحبت من غرفتي اللي بجهز فيها وراحت عند مروان غرفته

*تظاهرت بالتوتر والخ-وف عليه وأنها اكتشفت ده بالصدفه

: مروان عايزاك في حاجه مهمه

: مالك يا جومانا وشك مخط-وف واصفر

*هي تقريباً اتمرنت على إتقان الدور لانها عارفه كويس انه ظابط وممكن يكشفها وهو مع انشغاله وثقته فيها ما ركزش كويس

: مروان انت ابن عمي وهي صاحبتي بس ما اقدرش اشوفك بتت-خدع وبتت-ورط وما احذركش

:في ايه يا جومانا قلقتيني بتتكلمي عن ايه

:خذ شوف بنفسك

بقلمي سحر السحرتي

*فرجته على الصور والمحادثه اللي تاريخها كان امبارح وبياكد كلامها

*مروان فقد عقله تقريبا لانه حبني قوي وجالي الغرفه وهو في قمه غض-به و وراني الرسائل

:ايه ده انت لسه بتكلميه

:لا ده امبارح بس عشان كنت قلقانه وعايزه اقول لك على اللي كنت مخبياه صدقني

*هو ما كانش سامع حاجه ورمى الصور في وشي

:هو ده اللي انت مخبياه

*وبدا يض-رب فيا قلم ورا الثاني ويزع-ق بعزم ما فيه

: انت خاي-نه انا ازاي حبيت واحده زيك كنت بترفضي اني اقابلك واكتر من مسكه ايد كنت رافضه وبتعلميني الادب ما اعرفش انك بترسمي الدور ومدوراها

*حاولت اتكلم لكن هو كان في قمة غض-به و من قوة ض-ربه ما عرفتش انطق

*من الص-دمه واللي حصل جات لي النوبه هو ما فهمش وافتكر اني بمثل ومشي وسابني وما اهتمش

*ماما دخلت من صوت الزع-يق

:في ايه يا مروان

:انا ما يشرفنيش اتجوز بنتكم بعد اللي عرفته عنها وما افتكرش ان في حد ممكن يقبل بيها

*وسابها بتجري عليا لما لقيتني في الارض النوبه مطوله معايا وفقدت الوعي بعدها

*طلبت الاسعاف شالتني وبابا قال اننا لغينا الخطوبه لان العروسه تعبت فجاه وخلى البودي جارد نشر اني اكلت حاجه عملت تس-مم وناس ثانيه قالت انه حس-د عشان ما حدش يعرف السبب الحقيقي

*جومانا طبعا نشرت من صفحه فيك فض-يحه ابنه رجل الاعمال خطيبها يتركها يوم الخطوبه والسبب مجهول

*بعد ما الناس عرفت بابا مسح الصفحه وحاول يداري الفض-يحه لكن بعد ايه

*قعدت فتره في المستشفى عندي انهيار عصبي

*مروان حالته ما كانتش احسن مني كان تعبان قوي و متض-ايق اني خن-ته واخذ اجازه من الشغل بيحاول يتعافى

*علي صاحبه واقف جنبه وصعبان عليه الحاله اللي وصل ليها ما كانش متخيل ان مروان بيحبني قوي كده وكل اللي قاله اني خاي-نه وبس

*بعد فتره رجعت شغلي وقابلت عادل باباك في الشارع لما صلح عربيتي وحسيت اني عايزه انسى مروان لاني حبيته قوي والحل الانسب هو اني انساه بواحد ثاني

*طبعا كنت غلط-انه وقتها بس كنت زي اللي واخده خب-طه على راسها وماشيه تط-وح ده مش مبرر بس دي كانت حالتي

*كل شيء كنت برفضه مع مروان سمحت بيه مع عادل

*ما تفهمش غلط يا ابني كنت بقابله واخرج معاه ونقعد نتكلم كثير وما كنتش بقول لماما

*منكرش ان عادل شدني في حاجات كثير بس كانت كلها ك-ذب عشان يشدني له بعد ما عارف اني بنت رجل اعمال كبير وممكن لما اتجوزه يتخلص من الفقر اللي عايش فيه

*لا يا حبيبي انا مش ظل-ماه ده اللي سمعته من مامته بعد ما اتجوزته واضطريت اعيش معاهم في نفس الشقه

*ما قدرتش اواجهه باللي سمعته لان لو عملت كده كان المفروض اسيبه واسيب البيت وانا وقتها كنت مط-روده من عند بابا ازاي ما انا هحكي لك

*عادل في الفتره دي كان بيعزمني في مطاعم محترمه مش عارفه كان بيجيب فلوسها منين استغربت بعد ما اتجوزته ان حالتهم الماديه ضيقه وهو كان بيصرف كويس

*لكن زيها زي حاجات كثير ما قدرتش اسال فيها

*بدات اقرب من عادل قوي وافكر نفسي اني حبيته ونسيت مروان

بقلمي سحر السحرتي

*علاقتنا كانت بتجري بسرعه كبيره في وقت قصير

*طبعا عشان ما اغلطش نفس الغل-طة حكيت له عن مرضي وان خطيبي الاول سابني لما عرف بيه وفسخنا الخطوبه

*ما قدرتش احكي له تفاصيل اكثر عن مروان او عن مقدار حبي له

:دارين انا يشرفني اتجوز واحده في اخلاقك وجمالك ومرضك ده مش عيب فيك وما لكيش ذنب تتحاسبي عليه

:يعني انت مفيش مشكله معاك بخصوص المرض ده

:اكيد لا انا شخصيا ممكن اتعب بعد الجواز هتسيبيني المرض مش بأيد حد و لا المفروض حد يتحاسب عليه

: انت شخصيه جميله قوي يا عادل

:المشكله بس في

*قاطعته قبل ما يكمل

:خلاص فهمت اهلك هيرفضوا

:ليه قاطعتيني اهلي ما لهمش دخل باختياراتي المشكله بس في والدك اللي ممكن يرفض لان مستوايا اقل من مستواه

:بص يا عادل تاكد ان بابا لو رفض انا هتجوزك برده

*مش عارفه ليه كنت موافقه على اللي كنت رفضاه مع مروان مش بقولك عملت كل حاجه عكس اللي كنت بعمله

:يعني انت موافقه تتجوزي واحد زيي

: انت مالك فيك ايه مهندس وشريك في مركز صيانه صغير بكره هيكبر بتعبك وعرقك ومرتبك على مرتبي نعمل عيله صغيره خاصه بينا

:يعني اروح اتقدم لوالدك

:اه وتأكد اني في ظهرك ومهما يحصل احنا لبعض

*فعلا عادل حدد ميعاد مع بابا هو فهمني كده قال انه هيقابله في المكتب زي ما عمل مروان واذا وافق يحدد ميعاد ويجي باهله

*الميعاد اللي عادل قال انه حددوا مع بابا كان بابا هيسافر بعدها على طول لان عنده شغل بره كالمعتاد... عشان كده ما شكيتش في كلام عادل

بعدها لان بابا ما رجعش من الشغل وثار عليا اني موافقه على واحد بامكانياته

*ثاني يوم عادل طلب يقابلني عشان يبلغني بابا قال له ايه ورحت طبعا وانا متوقعه بس حاله عادل كانت منتهى الاتقان كان زعلان قوي ومكس-ور كمان

:مالك يا عادل فيك ايه مال شكلك كده

:باباك رفضني مش بس كده ده أهنئ وانا بصارحه بامكانياتي واستهزاء بيا واني ازاي افكر اتقدم لبنت المنشاوي ... وه-ددني تخيلي ه-ددني يقفلي مركز الصيانه بتاعي ويش-رد اهلي

*ما كانش ده طبع بابا بس قلت يمكن عمل كده بعد اللي حصل مع مروان بيحاول يطفش اي حد يتقدم لي وخصوصا ان عادل امكانياته اقل جدا مننا

:طب والحل يا عادل اقولك استنى لما يرجع من السفر وحاول ثاني

: اسف يا دارين ما اقدرش لانه كمان ط-ردني وكرامتي لا تحتمل ....انا مقدرش ابعد عنك انت اجمل حاجه حصلت لي

*الجمله دي هزتني لانها كانت بيني وبين مروان

:والحل يا عادل هنعمل ايه نسيب بعض

:مش ممكن اسيبك بعد ما لقيتك انت حليتي حياتي ارجوك اقفي جنبي

: ازاي وبابا رافض

: نتجوز ونحطه امام الامر الواقع بكده هيوافق

:اتجوز من وراه ازاي

بقلمي سحر السحرتي

:نروح عند الماذون ونتجوز قبل ما يرجع من السفر لاني خا-يف يبعدك عني

:طب سيبني افكر وارد عليك وهكلم ماما هي بتقدر تقنعه

:واضح انك مش متمسكه بيا زي ما انا متمسك بيكي

: ليه بتقول كده

:لان اقل حاجه تعمليها عشان تردي كرامتي وتحافظي على حبنا اننا نتجوز

:اكيد انا متمسكه بيك بس نتجوز من غير علم اهلي ده غلط كبير

:انا بحبك وانت كمان رغم ان عمري ما سمعتها منك

*فعلا عمري ما قلتها له مش عارفه ليه يمكن كام مره قلت له يا حبيبي وكانت تقيله على لساني مش عارفه ليه

*المهم وهو بيكلمني مسكني من ايدي وسحبني زي المسحوره واتفاجئت اننا قدام الماذون

*حاولت اته-رب وارفض بس عادل حطني قدام خيارين ما لهمش ثالث يا اما نتجوز دلوقتي يا اما ينتهي كل شيء بينا

*كان بيقول ان الجواز الشيء الوحيد اللي هيرد كرامته بعد اللي عمله بابا وانه مش هيقدر يكمل معايا وهو حاسس ان كرامته متهانه

*كنت محتاره بس مش عايزه اسيبه لانه سد فراغ اختفاء مروان من حياتي بطلت افكر فيه وفي اللي حصل

*غير ان رد فعل بابا عن اللي حصل كان في منتهى الق-سوه كالعاده ما زرنيش في المستشفى

*بعد ما روحت زع-ق معايا وجاب اللوم عليا وانه كان رافض جوازي واني دايما فاش-له وعمري ما هنفع زوجه او ام

*كان نفسي ياخذني في حضنه ويطبطب عليا يلوم على مروان ان مد ايده عليا وده شيء مش من حقه مهما حصل

*كان نفسي يهتم بيا زي ما اهتم انه يكتم على فض-يحه ان العريس سابني يوم خطوبتي

*يمكن لقيتها فرصه اثبت له اني فعلا فاش-له اخليه يدوق اي حاجه ما فكرتش في نفسي قد ما فكرت ازاي اوج-عه زي ما وجعن-ي طول عمري

*يا ريتني فكرت خمس دقائق في نتائج اللي هعمله اكبر غلطه ممكن تعملها البنت انها تتجوز من دون موافقه اهلها هتعرف وانا بحكي لك ليه لان اللي حصل كبير قوي وكان يستاهل مني افكر بجد الجواز مش لعبه

*اخذت قرار متسرع ودخلت معاه عند الماذون وكتبنا الكتاب

:مبروك يا حبيبتي يلا بينا

:على فين

:نتمم جوازنا

:نتممه ازاي مش كتبنا الكتاب خلاص

:نتجوز فعلا انا معايا مفتاح شقه واحد صاحبي على ما اجهز عش الزوجيه انت عارفه ان الموضوع جه بسرعه

:لا يا عادل انا مش مستعده للمرحله دي دلوقتي

:عشان نحطهم امام الامر الواقع

:اظن جوازنا بقى امر واقع

: لا ممكن يطلقوكي لو عرفوا ان جوازنا على الورق بس

: لو سالوا هقول تممناه لكن اديني فرصه انا مش مستعده لخطوة زي دي دلوقتي ارجوك

:حاضر مش هض-غط عليك