رواية غلطة ابكتني عمري الفصل الخامس عشر 15 بقلم سحر السحرتي

الحلقة الهدية

رواية غلطة أبكتني عمري الفصل الخامس عشر 15 بقلم سحر السحرتي

رواية غلطة ابكتني عمري بقلم صح السحرتي

حلقة ١٥

*طبعا كلمته وانا ببكي ما عرفش صوتي غير لما قلت

: بابا ارجوك ما تقفلش اعتبرني طالبه حسنه وانت بتعمل خير كثير ابني هيم-وت محتاج حضانه ارجوك ساعدني

*رد بحزن حسيته في صوته لكن تصنع الق-وة

:احسن له انه يم-وت بدل ما يطلع له ام زيك ... لانه اكيد هيعمل فيك نفس اللي عملتيه فينا ما يقدرش تعبك ويبقى عايش حياته ولا بيفكر في اهله

:يا بابا ارجوك عاقب-ني اي عق-اب تاني بقول لك هيم-وت ويضيع مني

:لو م-ات هتتعاملي معاها على انه م-يت ... لكن احنا بنتعامل معاكي على انك مي-ته وانت عايشه فاهمه الفرق بين الاحساسين

:يا بابا ده طفل ما لوش اي ذنب باللي انا عملته انا اسفه عذب-ني باي حاجه انا راضيه بس بلاش هو حتى لو عايز تاخذه مني ما عنديش مانع

*حس اني انك-سرت و حن قلبه

:انت فين قولي لي العنوان

*اديته العنوان بعت دادا مع السواق عشان تاخده بس كان الوقت خلص واحمد خلاص راح مني

بقلمي سحر السحرتي

*كان عادل داخل وانا بص-رخ

:لا يا احمد انت عوضي عن الايام انت اللي هتسند ظهري انا اتحملت كتير قوي عشانك احمد يا حبيبي ما تسبنيش .... حقك عليا انا السبب اللي عملته في اهلي اترد فيك يا حبيبي

*داده دخلتني في حضنها وعادل ما قدرش يقرب مني بس دموعه نزلت على ابنه اللي ما لحقش يشوفه

*الدكتور ادني حقنة مهدئة

*البوليس كان مع عادل عشان يسألني ايه اللي حصل بس الدكتور قال له على حالتي ومرضي وان جات لي النوبه وقعت لانه كان سألني اول ما فقت

*اخذوا مني احمد بالعافيه عشان يكملوا باقي الاجراءات وبعدين رجعوه ملفوف في كفنه

*استنينا للصبح عشان ندفنه

*دادا كانت اتصلت ببابا وعرفته وطلبت منها هدوم سوداء

*اتحملت على نفسي وعلى وجعي ورحت لماما الفيلا وانا شايله احمد بين ايديا

بقلمي سحر السحرتي

*بابا كان هناك حسيته زعلان عليا و اتص-دم من شكلي اول ما دخلت وماما كمان كانت بتعيط

*دادا كانت سنداني بس عادل كان ماشي ورايا مش عارف يقرب مني حاسس بالذنب انه السبب

*رميت نفسي في حضن ماما

:حقك رجع يا ماما انت وبابا قلبي اتك-سر و ضهري اتك-سر جربت ح-رقة القلب على الضنا ذنبكم دفعته خلاص سامحوني ... مش طالبه غير السماح .... عايزه يا ماما ادفن ابني مع جدي لو ممكن

:طبعا يا حبيبتي

:انا محتاجه لك قوي النهارده يا ماما ممكن تيجي معايا

*بصت لبابا كلمته برجاء

: اخر طلب يا بابا النهارده بس ومش هتشوفني تاني ولا هتسمع عني حاجه هختفي من حياتكم خالص انا أج-رمت في حقكم وما استحقش اكون بنتكم بس محتاجه لماما النهارده جدا

*بص لها بالموافقه انها تروح معايا ركبت معاها العربيه وانا مرميه في حضنها واحمد ملفوف على رجلي وفي حضني مش قادره اسيبه او اتخيل انه بعد دقائق خلاص هيروح مني للابد

*وصلنا وعادل اخذه من ايدي عشان يدف-نوا

: سيبه شويه يا عادل في حضني

:خلاص يا دارين اكرام الم-يت دف-نه خلينا نكرمه و ند-فن معاه ذنبي في حقه وحقك

*اخذوا من ايدي وانا بعيط قوي وبقوله

: مع السلامه يا احمد .... عارفه يا ماما وهو في حضني حسيت ان روحه بتطلع حاولت امسكها و امنعها ما قدرتش .... انا ام فاش-له زي بابا ما قال عليا ما قدرتش اعمل له حاجه خذلته و خذلتكم ... سامحيني يا ماما دلوقتي عرفت احساسك وانا حامل فيه كنت بكلمه و ارسم له هيتعلم ازاي و هختار له عروسته بايدي و هعمل عليها حما ... كنت محتارة يلعب كوره ولا سباحه لا لا كاراتيه عشان يض-رب العيال

:خلاص يا حبيبتي ده نصيب مش ذنب .... انا سامحتك من اول يوم مشيتي فيه قلب الام مش بيشيل

:بجد يا ماما

:اه يا قلب ماما تعالي معايا على البيت

: لا يا حبيبتي انا وعدت بابا اني مش هرجع تاني اشكريه انه سمح لك تبقي معايا في الوقت ده .. هو طلع عنده حق روحي وانا هقعد شويه و هروح مع جوزي

: بس ما اقدرش اسيبك في وقت زي ده

: معلش هبقى اكلمك لو هينفع

:طبعا يا حبيبتي طبعا

:انا هقعد اقرا قران شويه و همشي

:طب يا حبيبتي اذا مصره انا عارفه راسك ناش-فة

*ندهت على عم صابر المسؤول عن المدفن

: يا صابر الست دارين تيجي في اي وقت افتح لها المدفن

:حاضر يا هانم

*بعد ما مشيت بصيت لعادل

:خلاص يا عادل خلصت اللي كان بيربطني بيك راح ارجوك طلقني كده هنستريح احنا الاثنين

:يا دارين انا بحبك خلينا نهونها على بعض

:خلصت يا عادل طلقني بالمعروف عشان افتكر لك لحظه حلوه انا مش هقدر بعد اللي حصل اعيش معاك وانت عارف ليه

:يا دارين ظروفي اللي دفعتني اعمل كده لكن اكيد حسيتي بحبي لك

: وانا كمان ظروفي اللي دفعتني اقبل بك واكيد انت كمان حسيت اني ما كنتش بحبك وجودنا مع بعض ع-ذاب لينا

*ما قدرش يجادل معايا

:انت طالق يا دارين .... تعالي اقعدي في بيتنا وانا هرجع اقعد عند ماما

:مع السلامه يا عادل ملكش دعوه بيا بعد اللحظة دي انا هتصرف

:هتروحي فين وانت خليتي مامتك تمشي

: قلت لك هتصرف ورقتي ابعتها هنا هاخذها من عم صابر

*سابني ومشي بعد اصراري وقعدت على الأرض جمب ابني اقرا قران من اللي انا حافظاه و ادمع

عم صابر :مش هتروحي يا بنتي عشان اقفل المدفن

:اقفل يا عم صابر انا قاعده مع ابني شويه مش هقدر اسيبه

:ازاي بس ده الليل داخل والمكان وح-ش بالليل

: اقفل يا عم صابر مش ماما قالت لك تفتح لي في اي وقت

:وهي عارفه انك هتباتي هنا

:لا مش عارفه ولا عايزاها تعرف

:ما اقدرش دي مسؤوليه

*سابني ومشي واتصل على ماما وحكى لها اللي حصل و عن طلاقي من عادل

*ماما كانت عارفه ان دماغي ناشفه طلبت من دادا تجهز لي اكل ودواء واي حاجه ممكن احتاجها وبعد ساعه كانت وصلت المدفن

: دارين كده تضحكي عليا و تخليني امشي تعالي ارجعي معايا البيت

:مش قادره اسيبه يا ماما ده كان هيبقى عوضي عن الايام وعن اللي حصل لي انا اتبه-دلت قوي يا ماما قوي ... هو ليه انا مريت بكل ده عملت ايه للع-ذاب ده .... حتى الطفل اللي اتمنيته راح ... انا كنت بكلمه كثير و احكي له واطلب منه يبقى حنين عليا

:اي حاجه بتحصل عشان نتعلم منها و تقوينا

:بس دي ما قوتنيش انا اتكس-رت قوي يا ماما

:ايه اللي حصل معاكي يا حبيبتي احكي لي

بقلمي سحر السحرتي

*حكيت لها كل حاجه حصلت معايا لغايه الواقعة الاخيره و استريحت لما حكيت لها ما هي كانت كل اللي ليا ومش بخبي عنها حاجة.... كانت أكثر من صحبتي فعلا حضن الام لا يعوض

:كل ده حصل يا دارين من غير ما تكلميني طب يلا نروح عشان تستريحي

:معلش يا ماما مش هقدر اسيبه

:طب انا جبت لك كل حاجه هتحتاجيها كلي وخدي الدواء انت خارجه من عمليه ما تكس-ريش قلبي عليك ودي فرشه كمان وغطاء تنامي عليهم النهارده وفي بودي جارد واقف بارة يحرسك ... ومن بكره ترجعي

:لا يا ماما بكره انا همشي

:هتروحي فين

:لما استقر هبقى اكلمك

:لا انت مش هتكلميني انا عارفاك

: انا مش عايزه اعمل مشاكل بينك وبين بابا لاني عارفه انه مش بيرجع في كلمه قالها وكان عنده حق لما قال على ابني احسن له يم-وت

:من ورا قلبه يا دارين انت عارفه كويس ان هو بيحبك

:عارفه بس كلامه صح كان هيعيش مع ام فاش-له ولا مع اب كذ-اب الفراق صعب بس كده احسن له ربنا رحمه

:مش قادره اسيبك هنا وامشي

:عشان خاطري سبيني عق-ابي على اللي عملته لازم يكمل كفايه فض-ايح على بابا من ناحيتي لغايه كده واخواتي كمان ما صدقوا خلصوا مني هرجع لهم ثاني

: طب كلي و خذي الدواء

:حاضر عشان خاطرك

: اوعديني تطمنيني عليك

: اوعدك يا حبيبتي

*حضنتها قوي و سابتني وهي قلبها بيتق-طع عليا .... وعم صابر قفل المدفن زي ما طلبت ونمت من التعب .... بس اكلت شويه واخذت الدواء كفايه وج-ع وتعب على ماما لحد كده لاني جربته

*طلع النهار قعدت شويه مع احمد ووعدته هاجي له كثير بس احتمال في الاول اغيب عليه على ما استقر في مكان

*ماما كانت سايبه لي فلوس ركبت تاكسي ومشيت

*بعد سنه ما حدش يعرف عني حاجه كنت قاعده في دار ايتام بشتغل فيه .... دخل واحد لابس كاب ونضاره كان شكله كأنه متنكر بالظبط

*حضن الاطفال وسلم عليهم شكلهم كانوا بيعرفوه ووزع هدايا كثير كانت معاه بصيت لهم وانا فرحانه لسعادتهم بعض الاطفال جريوا عليا وهما فرحانين وبيصرخوا باسمي وينادوا عليا

:بصي يا (دي) لعبتي بصي

*هو اول لما سمع الاسم جري عليا وقلع الكاب والنظاره

:(دي) مش ممكن انت هنا بتعملي ايه

:معاذ انت اللي بتعمل ايه هنا

*بشعور ولا وعي لقيت نفسي بترمي في حضنه و بعيط قوي .... هو كمان حضني قوي

:وحشتيني قوي يا دارين

:انت اكتر يا معاذ

*بعد عني فجاه لما افتكر

:فين جوزك

*لقى حزن كبير في عيني وانا بقول له

:اطلقت من سنه

:وانت هنا من سنه

:اه لقيت نفسي هنا بين الاطفال عوضوني عن ابني اللي راح

: هو انت كان عندك ابن

:هحكي لك كل حاجه عندك وقت تسمعني

:انت عارفه انا افضي نفسي في اي لحظه علشانك من زمان

:بس انت جاي هنا بالصدفه

: لا من ايام ما كنا بنيجي هنا مع بعض وقت الجامعه وانا ما قطعتش لكن بقيت باجي متنكر وبقى لي فتره فعلا كبيره ما جتش لكن كنت ببعت تبرعات ولعب للاطفال

*مسك ايدي و شدني

:تعالي انت النهارده معايا انا مبسوط قوي اني لقيتك

:انا كمان مش عارفه اوصف لك فرحتي قد ايه

*ما سحبتش ايدي منه كنت حاسة بأمان معاه وراحة كبيرة

*خدني و قعدنا في جنينه الفيلا بتاعته لانه بقى معروف دلوقتي والناس بتتلم عليه .... وهو عايز يسمعني من غير ما اي حد يقاطعنا فبكده هنقعد براحتنا

: ما تخافيش الفيلا مليانه ناس احنا مش لوحدنا

: انا عمري ما خفت وانا معاك

:احكي لي بقى انا عرفت اللعبه الحق-يره اللي عملتها جومانا وانك اتجوزتي

بقلمي سحر السحرتي

*بعد ما حكيت وانا بعيط وهو كان مصر يمسك ايدي وانا بحكي

: ودي يا سيدي كل الحكايه بس دلوقتي انا كويسه

:مش بتكلمي اهلك

:من فتره للثانيه بكلم ماما اطمنها عليا وهي بتحاول تعرف انا فين بس برفض اقول ومش بتقدر تعرف لاني بكلمها من الشارع اصل سبت كل حاجه بعد طلاقي من عادل تليفوني و هدومي كل حاجه كأني كنت بتولد من جديد

*سألني :طب ومروان محاولش يكلمك

:اه حاول هو الوحيد اللي عرف طريقي كان دافع فلوس لعم صابر المسؤول عن المدفن يبلغله اول ما اروح زيارة ومشي ورايا ..... وبعد ما عدتي خلصت جالي وكان عايز نرجع و نتجوز

*بدات افتكر اللي حصل مع مروان لما جاء

: دارين سامحيني وتعالي نبدا صفحه جديده

: ازاي يا مروان خلاص شوف حياتك مع واحده غيري

:ارجعي لي يا دارين انا مش قادر انساك

:انا كان ممكن ارجع لك في حاله واحده لو كنت لسه بحبك لكن انت بالنسبه لي بقيت عادي

:بقيت انسان عادي هو ده بجد

:لو قلت لك اقل من العادي كمان هتصدق .... انا مش ناسيه انك ساعدتني اشتغل او اني احس بذاتي واني مش فاش-له .... لكن انت ما تنفعش حبيب ما بالك تكون زوج

: ليه كل ده

:انت بجد بتسال مش عارف اعدلك ايه ولا ايه ... اول مره لما كنت تعبانه و سخنه اتهمتني بالفش-ل حتى ما سمعتش عذري كان ايه .... ثاني مره واهم مره لما ما كلفتش نفسك تسمعني خمس دقائق بس كانت هتغير حاجات كثير .... ولا مره اما عرفت الحقيقه وجيت القسم عشان اعمل بلاغ في جوزي كنت بتن-تقم مني عشان اتجوزت رد فعلك للي عملته هو انك دخلتني الحجز مع اشكال غريبه وانا مظ-لومه ... كل مره كنت ببقى مظ-لومه لكن ازاي ترضي غرو-رك و رجولتك حبك اذا-ني كنت متوقعه تحتويني تعوضني لقيتك بتظ-لم و بت-دوس عليا ... يمكن عادل كان لعبه من على صاحبك لكن حاول يعوضني بس ده كمان ما يغفرلوش اللي عمله ولما عرفت بانت-قام صاحبك ما كانش همك اني اعرف الحقيقه لنفسي قد ما كان همك تصطاد في الميه العكره وانك تلحق حبك الضائع وتعوض اللي خسرته بس ما فيش خساره بتتعوض

: بس كفايه دارين معقول انا وح-ش قوي كده

:لا انت او-حش بكثير انا بحاول اخليك تشوف الحقيقه واللي عملته فيا و وصلتني لايه عشان تبطل تيجي هنا مره ثانيه وتقدر تشوف حياتك مع واحده ثانيه وتتعلم من اخطائك ... لكن انا اسفه ما كنتش بتجوز عادل عشان انساك وارجع لك تاني

: انا هتغير يا دارين واعمل كل اللي انت عايزاه

:انت ما قدرتش تتغير بعد جوازي واول فرصه جات لك حبس-تني في الس-جن الثقه فيك انتهت والحب ليك كمان انتهى ... امشي يا مروان مش عايزه اشوفك تاني ولا حد يعرف مكاني

:دارين انا مش قادر انساك او اسيبك انا اسف

:امشي يا مروان ولو تشوف اخصائي يساعدك تنساني انا لقيت نفسي هنا و بعدت عن الدنيا و اذاها ومش هخرج من هنا

*مروان بعدها مشي وفعلا ما شفتوش ثاني

*معاذ فضل يسألني

:والكلام ده انت مقتنعه بيه

:كلام ايه

: اللي قلتيه لمروان

:طبعا انت ما تعرفش قعدتي هنا فتحت عيني و خلتني افهم حاجات كثير ... بتبص لي كده ليه

: ببص لك ازاي يعني

:مش عارفه بصه غريبه خايفه اقول عاشق وحشاه حبيبته تفهمني غلط

:انا عمري ما فهمتك غلط وطول عمرك بتقولي اللي على لساني

:يعني ايه