رواية غلطة ابكتني عمري الفصل السابع عشر 17 بقلم سحر السحرتي

رواية غلطة أبكتني عمري الفصل السابع عشر 17 بقلم سحر السحرتي

رواية غلطة ابكتني عمري بقلم سحر السحرتي 

حلقة ١٧

*تاني يوم معاذ كان جايب الشبكه و المأذون معاه ... واتفق مع بابا انه هيعمل لي فرح كبير بعد شهرين لانه عنده حفلات مهمه وعايزني اسافر معاه نقضي شهر العسل 

*بابا امام جن-انه مش اصراره بس وافق وكتبنا الكتاب

*شفت فرحه في عين بابا وماما كنت محرومه منها بجوازتي الاولى ومسحت كس-رتهم من اللي عملته

*معاذ يومها حضني قوي وكأنه مش مصدق وفضل فترة مخبيني جوة حضنه حسيت اني جوة قلبه مش بس حضنه لغايه بابا ما شدني منه

بقلمي سحر السحرتي 

*طبعا معاذ اتغ-اظ من بابا

: طيب يا عمي اللي خلاني استحمل الفترة اللي فاتت استحمل الفترة الصغيره اللي فاضلة

*كانت ايام الخطوبه جميله ومعاذ بيجهز الفيلا اللي جنب فيلتنا عشان لما يسافر ومشغول يبقى مطمن عليا واقعد مع بابا وماما فكرته اسعدتني خصوصا اني بحاول ابني علاقتي ببابا من جديد 

*بعد شهر من الخطوبه كان عازمني على العشا ركبت معاه العربية وخمس دقائق لف في الكومباوند ووقف قدام فيلته تاني استغربت 

:وقفت هنا ليه

:انزلي وتعالي ادخلي معايا جوه 

:ادخل ليه معاك

:عازمك على العشا جوة

:وركبت العربيه ولفيت بيها ليه ما مشيناش من عندنا لعندك 

:عشان باباك واقف لي على الواحده وعايزه يفتكر اننا خرجنا باره الكومباوند

: ليه كده انا مش موافقه على تصرفك ده

:في ايه يا دارين من امتى بتخافي مني

: مش خايفه بس شايفه انها قله احترام لبابا كنت استئذنت منه

:احنا كتبنا الكتاب يعني انت مراتي دلوقتي ليه باباكي مضيقها عليا 

:يمكن عشان خايف عليا

:من ايه انزلي بقى ما تضيعيش الوقت في الكلام 

*نزلت بس مش مطمنه لما وقفنا على باب الفيلا الداخلي شالني بين ايديه واستغربت لما اتفتح الباب والنور كان مطفي

: نزلني يا معاذ هو في ايه بالظبط 

:هنريح فوق شويه قبل العشا فيها ايه انا جوزك 

*رف-ست برجلي

:لا يا معاذ نزلني بابا هيزعل قوي لو عرف 

:وهيعرف منين يا حبيبتي هو زمانه نايم دلوقتي في سابع نومة

:حتى لو ما عرفش لازم احترمه في عدم وجوده نزلني بقى 

:مش هنزلك لما اشوف ابوك هيعمل ايه ومين هيقول له

: انا هقول له وهخليه يزعلك

:هتقدري 

:بلاش تحطني في الموقف ده لو سمحت انا بحبك وبحب بابا 

:وهو مش بيحبك 

:لا بابا بيحبني وهتصل عليه دلوقتي و هقول له 

*النور اتفتح ولقيت اللي بيقول لي

: وتتصلي ليه انا هنا يا قلب بابا 

*معاذ نزلني وكان بيضحك وكنت مكسوفه قوي

: بابا انا اسفه

:على ايه يا حبيبتي انا مبسوط اني ربيت صح ومعاذ جوزك واستأذن يعمل لك حفله عيد ميلادك هنا .... وكلنا موجودين ماما واخواتك وأهله بس جوه هيخرجوا لما يدي لهم المج-نون ده  الاشاره .... حب يعمل فيك مقلب و يسمعني انت بتحبي مين فينا اكثر 

بقلمي سحر السحرتي 

*ض-ربت معاذ في صدره بهزار

:هي دي الهديه مج-نون صحيح على راي بابا

:خس-رتيني الرهان كنت بقول له انك بتحبيني اكتر منه 

:لا طبعا ما اقدرش

*بابا حضني وبعد عني معاذ 

: سمعت بلاش تحرج نفسك تاني بكره لما تخلف بنت هتعرف

: ماشي يا دارين لن انسى لك هذا الموقف

: هههههه معلش يا حبيبي انت اللي بتحط نفسك في مواقف بايخة 

: بقى كده طب هجيب فيلا ثانيه خارج البلاد واحرمك منه

*حضنته : واهون عليك 

: خلاص تنزل المرة دي 

*الناس خرجت وكانت اجمل حفله عيد ميلاد اتعملت لي 

*قبل الفرح باسبوع كنت قاعده في الجنينه بعيط لقيت معاذ بعث لي رساله 

:لسه صاحيه 

*رديت عليه برساله

: لا على السرير وهنام 

:طب احلام سعيده يا حبيبتي احلام سعيده يا قلبي

*لقيته بعد دقائق من ورايا 

:ك-دابه قوي هو ده السرير 

*مسحت دموعي بسرعه

: معاذ بتعمل ايه هنا 

:شفتك من البلكونه بتعيطي قلت اختبرك ....  هرموناتك قالبة عليك

: لا مش بعيط 

:انت ه-بله مش هتبطلي الاست-عباط ده

:مفيش يا معاذ ارجوك سيبني لوحدي 

*حضني :هو انت من اولها هتخبي على معاذ حبيبك ولا اكتشفتي انك مش بتحبيني و اتسرعتي في الجواز مني

: لا طبعا بتقول كده ليه

:خلاص قولي لي مالك 

:هتفهمني صح

: طول عمري بفهمك صح 

:حاسه اني بظل-مك معايا

:ليه بتقولي كده 

:قرات مشكله واحده أهل حبيبها رافضين الجواز عشان هي مطلقه وهو اول مره يتجوز

: ياااااه ايه الناس الدقه القديمه دي ....  وبعدين انا راضي حتى لو متجوزه قبلي خمس مرات كفايه اني بحبك و متاكد من حبك ... بس هو ده سبب زعلك انا حاسس ان في حاجه ثانيه 

:بصراحه في بس مكسوفه اقول لك

:عايزك تنسي الكسوف لان بعد اسبوع هنعمل شويه حاجات تمسح الكلمه دي من قاموس حياتنا مالك يا قلبي

: يعني هو اصل

:بتهتهي ليه ما تخلصي يا بنت 

:معاذ بطل اسلوبك ده خليني اعرف اتكلم 

:خلاص يا مهجه فؤادي اخلصي حلو كده 

:مش عارفه ليه جالي احساس انك مش بتحبني

: وايه اللي وصل عقلك الذري لده 

:اصل احنا مكتوب كتابنا وكل اللي بتعمله معايا حضن بس ما حاولتش في مره تتجرا يعني وتخطف بوسه اي حد بيحب واحده بيتمنى يعني انت فاهم خصوصا لو حلاله

*ضحك من قلبه 

:عايز تتباس عباس 

*ض-ربته في صدره ض-ربه خفيفه

:معاذ ارجوك انا بوصف لك احساسي ما تخلينيش اندم اني اتكلمت وصارحتك باللي جوايا

:مسك ايدي و باسها

:عارفه انا طول حياتي ما لمستش بنت مش من حقي المسها رغم شهرتي ورغم ان بنات كتير عرضت نفسها عليا بالحرف بس ما قدرتش اغ-ضب ربنا وارتكب الذنب ده  ...  و أظن ده اكبر سبب لكرم ربنا عليا وبصلي وبصوم تطوع كمان وقبل ما افطر كنت بدعي ربنا يجمعني بيكي بالرغم من انك كنت اتجوزتي ...  كنت متيقن من استجابه ربنا ليا ولو استنيتك عمري كله .... اكيد هجتمع معاكي في الاخره 

:طب ودلوقتي مش بتقرب مني ليه 

:خايف لو دقت حلاوه شفايفك مش هقدر اسيبك ومش عايز اعمل اللي يزعلك او يخلي والدك يحتقرني او يحس اني استسهلت الموضوع بما انك مطلقه فهمتي   ... عايز نعمل الفرح واحسسك انك اول مره تتجوزي  ..  انت غاليه قوي عليا  ... بس قوليلي للدرجه دي بتحبني

: لو اقول لك بتوحشني وانا معاك وبتمنى اللحظة اللي تجمعنا ببعض يمكن ما تصدقش

:طب ليه التفكير السيء اللي جالك ده

: الشي-طان قال لي انك مش بتقربلي وبتحضني كل فين وفين لانك مش بتحبني 

:و هتجوزك طمعان فيك مثلا  ... دارين عارفه يعني ايه انت الوحيده اللي تقفي جنبي وتبقي مؤمنه بموهبتي و تشجعيني حتى أهلي ما حدش كان مصدق ان ممكن احقق حلمي وابقى حاجه .... انت الوحيده اللي وجهتيني اروح اتعلم المقامات الموسيقيه وادرب صوتي وانه خامه كويسه غير المنتج اللي عرفتيني عليه من ورا اخوك  ...و وقتها اتشهرت

: يااااه انت لسه فاكر دى انا نسيت

*مسك ايدي وباسها 

:عمري ما نسيت ولا هنسى انت هديه ربنا ليا كفايه انك عرفتيني على الملجا اللي لقيتك فيه وكنت كل ما اتبرع لهم بحاجه ربنا يرزقني بحاجه اكبر

: انا بحبك قوي 

:انا كمان يا قلب معاذ وبلاش تشكي في حبي مره ثانيه 

*مرت الايام يوم الفرح كان في مكان مفتوح وبالنهار وكنت عروسه زي القمر ومعاذ مش مصدق اننا اتجوزنا 

*شفت في الفرح اخر ناس كنت اتوقع اشوفهم 

بقلمي سحر السحرتي 

*كانت جومانا جايه مع مروان 

*مسكت في معاذ كأني بتحامى فيه منهم و افتكرت الظ-لم اللي مريت به بسببهم 

*مروان سلم علينا وعينيه كلها حزن ون-دم

:مبروك يا دارين واسف على اللي عملته زمان واتمنى لك السعاده من قلبي

: شكرا يا مروان وعقبالم

*كمل وقال 

:ما افتكرش هقدر .... جومانا كانت عايزه تعتذر هي كمان ....  استأذن مستنيك بره يا جومانا 

*بعد ما مشي جومانا بصت لنا بح-قد 

:انا فهمته اني عايزه اعتذر وده طبعا مش غرضي عشان كده وصلني ودخلني لاني ما كنتش هقدر ادخل من غير دعوه وطبعا انتم رتبتوها مع بعض صح بس يا دارين .... احب اعرفك معاذ ده بتاعي وهعرف ارجعه 

*سكت وحسيت اني قدام واحده مريضه لكن معاذ رد بالنيابه عني 

  :مفكره اني فرده شراب ضايعه منك ولا مفكره اني هتجوز على مراتي زي جوزك ما اتجوز عليك من الق-رف اللي شايفه منك ....  والله انا عذرته ده انا ارتبطت بيك كام شهر ما قدرتش هو متجوزك بقى له كام سنه يستحق تمثال على صموده .... وحاولي تفكري أن حرمانك من الخلفة عقاب ربنا على سواد قلبك

*واتكلم بجديه ونظره ح-اده عمري ما شفتها

: اي حركه ق-ذره من حركاتك تفكري تعمليها مع مراتي همسحك من على وش الارض انا مش مروان هسيبك عشان انت بنت عمه ...  امشي اطلعي بره الفرح بدل ما انادي الحرس يرموك رميه الك-لاب 

*مشيت وهي هتت-شل من كلامه وحضنته قوي

: ما كنتش اعرف انك جامد قوي كده 

: ما تخافيش طول ما انا جنبك وبعدين دي شخصية يتخاف منها 

*بعدها غني لي اغنيه كان محضرها لي اول مره الناس تسمعها وطلعت حلوه قوي 

$مش كتير

اللي انت شايفه مش كتير

$عمري كله يهون وأشوف قلبك بخير

$ تبقى أول حد عندي

وتبقى بردو انت الأخير

$ مش كتير

$ من زمان

قبل اما اقابلك من زمان

$ و انت جوه في قلبي متشالك مكان

$مش ضروري احكي اللي شايله في قلبي

$ ما اللي في قلبي بان

$ لو هسيبلك روحي تفضل بين ايديك

$ امتي كان في الدنيا حاجه كتير عليك

$ لو في نجمه بعيده و انت عايزني اجيبهالك

هطير

$ مش كتير

$ لو هعيش أكتر من اللي أتعاش سنين

$ مش هقابل زي قلبك مرتين

$ يبقى لما الناس دي تبقى في كفه

وانت ف كفه غير

$مش كتير

*الاغنيه كانت حلوه قوي وهو إحساسه عالي جدا وهو بيغنيها عرفني انه ساعد في كتابه كلماتها وصف للكاتب شعوره وهو ترجمه لكلمات 

*انا كمان كنت عامله مفاجاه وغنيت له

$اوعدني جنبي تعيش .. ولا ليله تنساني

وليك عليا اعيش وام-وت .. يا حبيبي وانا وياك

$اوعدني ما تسبنيش .. ولا حتى لثواني

ده عمري كله هيسوى ايه .. لو يوم مكنش معاك

$جنبك على طول خليني .. ماتغيبش في يوم عن عيني

ده انا لما بقول يا حبيبي .. قلبي بيرتاح

$جنبك على طول خليني .. على حلم بعيد وديني

هنفكر ليه في امبارح .. ما هو عدى وراح

$تعرف بحس بأيه .. طول ماانت ويايا

احلام حياتي بشوفها فيك .. حبك واخدني معاك

$قلبي بتسكن فيه .. يا حبيبى وكفانا

$تفضل في حضني .. واعيش معاك كل اللي بتمناه

*كنت حاسه فعلا أن احنا الاثنين مختلفين عن اي عشاق قبلنا

*الفرح خلص وبابا ودعني هو وماما واخواتي ...  اللي كانوا فرحانين قوي ليا مش عشان اتجوزت مطرب مشهور لا عشان شافوا الحب في عينيه 

*رحنا على الفيلا ومعاذ شالني بين ايديه

: اظن دلوقتي ما تقدريش تعترضي حقي ...  وكل الناس عارفه هيحصل فيك ايه النهارده 

*احمر وشي قوي من الكسوف

:لا يا حلوه مفيش كسوف بقى اللحظه دي مستنيها من زمان قوي لا يمكن اضيعها 

*وصلنا غرفتنا و نزلني صلينا 

*وبعدها مسك وشي بين ايديه زي ما يكون بيتأكد اني فعلا معاه 

*باسني اول بوسة بينا رغم اني كنت متجوزة بس حسيت انها اول مرة ليا انا كمان

*بوسة معاذ كانت مختلفة بتعبر عن حبه وانا كمان بعبر عن حبي مش تقضية واجب زي ما كنت بعمل 

*غص-ب عني قارنته بعادل لان معظم لمساته ليا كنت بحسها رغبة انما معاذ كانت كلها بتقول بحبك  ... يمكن لاني كنت حلم عمره و حبني سنين شعرت معاه اني فعلا هديه استناها كثير 

*كان بيتعامل معايا بخوف عليا وكأنها اول مرة ليا وفعلا حسيتها كده 

*و غرقنا في العسل

*لو حد خيرني بين اني اعيش حياتي طبيعي أو أمر بكل الع-ذاب اللي شفته وتبقى مكافاتي في الاخر معاذ .... هختار أمر بالعذ-اب الف مرة واخرتها يكون معاذ مكافأتي وهدية عمري 

#هل وجدت دارين السعاده اخيرا ام سيحدث شئ يقلب الموازين 

الحلقه القادمه هي الأخيرة

يتبع

لقراءة باقي فصول الرواية اضغط هنا( رواية غلطة ابكتني عمري )

رواية غلطة ابكتني عمري الفصل الثامن عشر 18 والأخير