رواية قلبوظة قلبي الفصل الأول 1 بقلم نوران أحمد مليجي عبر روايات الخلاصة
 |
| رواية قلبوظة قلبي |
رواية قلبوظة قلبي الفصل الأول 1 بقلم نوران أحمد مليجي
قلبوظه قلبي 1
#بقلمي_نوران_احمد_مليجي
انا ياسمين في تالته ثانوي حلمي اتخرج واعيش في اوضتي علي طول أكل وانام بحب الاغاني والرقص ودمي خفيف جدا بس معنديش اي ثقه في نفسي وبتكسف جدا مشهوره علي الفيس والتيك توك والانستا بس لاني عامله برنامج بصوتي بس اكيد مش هطلع بشكلي ده انا مجنونه اعمل كدا مش هقدر اسمع كلامه عن اني تخينه جدا كفايه التنمر اللي بشوفه في المدرسه وده علي عكس اختي التوأم رفيعه موهوبه جميله كل الحب والاهتمام ليها اما انا بنت البطه السوده اه نسيت اقول انها بتستعر جدا مني
نعمه : ياسمين يلا عشان الفطار وبطلي مسكه الفون والحاجات دي عينك هتتعبك
ياسمين : جايه اهو وطبعا زي ما الكل عارف الفون هو سبب مشاكل ومرض كل الاولاد ده بالنسبه لكل الأمهات ف الكلام طبيعي
طلعت ياسمين وبدأت تاكل مع امها وأبوها
صالح : ياسمين يا حبيبتي انتي جميله جدا حتي لو تخينه خلي عندك ثقه في نفسك وحياتك هتتغير شوفي نفسك حلوه
ياسمين بضيق : اه بدانا بقا الكلام اللي،يسد النفس شكرا يا بابا الحمدلله شبعت
ودخلت جوه اوضتي اه انا حساسه جدا وانا داخله شوفت صوره العيله اااه الحياه مش عادله ابدا ليه كلهم رفيعين الا انا حتي امي رفيعه الناس ساعات بتشوفني اكبر مني بس اعمل اي مقدرش اقاوم الاكل حاجه زفت
ده عكس نسرين اختي تماما جميله ورشيقه وعندها معجبين كتير وجمالها بيخليها تعمل اعلانات كتير بتاخد دروس رقص وفي مذيع جه ياخد معاها لقاء كانو صحابها غيرانين جدا منها عشان مشهوره ومعروفه اكتر منهم ومعاهم حق بصراحه
خلصت نسرين الاعلان وقعدت في اوضه
محمود : انسه نسرين الوجه الاعلاني المميز لينا حب الناس ليكي مش معقول عشان كدا الشركه بتطلب منك عمل لقاء معاكي انتي وعائلتك في البيت النهار ده
نسرين بتوتر : اكيد اكيد تنورو هعرف العيله حالا تقدر تجهز حاجتك
بعت رساله لياسمين
( حاولي تستخبي أو تطلعي من البيت انا جايه ومعايا ناس لاني بستعر منك بسبب الوزن وشكلك الزفت ده مش عايزه حد يتكلم عني ولا يتريق عليا بسببك )
عند ياسمين بابتسامه حزن : اكيد طبعا يا حبيبتي لازم الحق اشيل كل الصور اللي بتجمعنا اقصد اللي انا فيها
خلصت وقفلت الباب علي نفسي وسمعتهم دخلو وسمعت
نسرين بابتسامه غرور : انا فخوره جدا ب بابا وماما لأنهم دايما بيشجعوني
محمود : واضح ان عيلتك لطيفه بس انتي وحيده ولا عندك اخوات
نسرين : اه طبعا عندي اخت اكبر مني بس هي مسافره
ياسمين في الاوضه بضيق : احنا توام ولا حتي دي مستعريه تقوليها اااه بطني اااه مش قادره عايزه ادخل الحمام دلوقتي اعمل اي بقا هحاول امسك نفسي لالا لا لا مش قادره فتحت الباب وطلعت اجري علي الحمام
شافتها نسرين وفضلت تشاور ليها عشان محدش يشوفها لحد ما دخلت الحمام
اول ما خرجت كانو الناس مشيو
ياسمين : مشيو ضيوف الغفله ليه بتقولي عني اني مسافره
ضحكت نسرين وقالت : مش هفضل اقولهالك كتير لاني بستعر منك ومش عايزه حد يعرف أن ليا اخت تخينه زيك وبتمني اصحي ملاقيكيش في حياتي اصلا
صالح بغضب : نسرين مينفعش الكلام ده اعتذري عيب كدا اختك
نعمه : خلاص يا صالح هي متقصدش كل واحده تدخل اوضتها يلا
ياسمين بعصبيه سابتها ودخلت الاوضه وهي بتتخيل انها بتضربها لحد ما نامت
تاني يوم الصبح صحيت ياسمين وجهزت عشان تطلع للمدرسه
وهي في الطريق ياسمين : طبعا يلي بتقرا قصتي دلوقتي اكيد عارف اني بتعامل معامله زفت في المدرسه والتنمر واصل للفل الوحش عشان كدا بحط سماعات في ودني عشان مسمعش كلامهم اللي بيوجع كفايه نظراتهم لحد ما شوفت الشاب اللي بكراش عليه جاي من بعيد فرحت اوي وشلت السماعه
احمد : لا وبيقولك اي فيل عايز يرتبط ب بني آدم عادي شوف ازاي اه ولا تخرج قبل ان تقول سبحان الله
ساره وهي بتضحك : معلش بقا اصل مفيش مريات في بيتها ف افتكرت انها انسانه وعندها قلب كمان انا لو مكانها بعد اللي حصل والفضيحه دي مكنتش جيت المدرسه دي تاني بس مفيش احساس بعيد عنك
احمد : عينك متترفعش في عنيا تاني انتي فاهمه يا بتاعه انتي يلا يا شباب مش فاضيين للزباله دي
دموعي نزلت وانا بفتكر
فلاش باك
كتبت جواب حب وقولت في البريك هحطه في الشنطه بتاعته فتحت شنطته وقبل ما احط الجواب ايد مسكت ايدي
ساره : بتعملي اي يا سمييييينه ومسكت أيدها اي اللي في ايدك ده رساله اه اوعي تقولي لا بتعترفي بحبك لاحمد ههههههه يا شباب تعالو بسرعه ياسمينه السمييينه كتبت رساله حب تعالو اسمعو ابعد انا مش قد فخده منك شباب حد يبعدها عني مسكها اتنين من الولاد وبدات ساره بعد ما الفصول كلها اتجمعت تقرا الرساله بصوت عالي
ساره : احمد انت الوحيد المفضل حياتى اليوم وغدا وللأبد وأحب اعترف لك أن هذا الشيء الذي ينبض بين ضلوع هو قلبك وليس قلبي فيشهد قلبي أنك فيه وتشهد روحي أنك روحي ويشهد ربي والدنيا وما فيها أنى أحبك. لا رومانسيه وبتعرفي تتكلمي يا بت لا اتاثرت بصراحه ههههههه
احمد باستهزاء : معقول عندك جراه تبعتي رساله حب انتي مجنونه يا بنتي مين ممكن يفكر يبص في الوش ده ويعجب بيه لا مش بس الوش ده لو مشيت جنبك هيسالوكي انتي أمه فوقي يا ماما كسفتيني وسط صحابي وفضحتيني ضحك كل صحابه عليا
طبعا مقدرتش امسك دموعي وجريت من المكان
باك
ياسمين : وزي الهبله بضحكله دلوقتي يارب اتخرج من المدرسه الزفت دي بقا بسرعه
أما عند نسرين
كانت بتصور اعلان مع شاب جميل جدا اسمه فارس
فارس للمخرج : انا زهقت من البنت دي لما تعرف تحفظ دورها كويس تبقا تيجي متضيعوش وقتي
راحت نسرين وقعدت جنبه : انا بعرف امثل وحافظه دوري و ممكن أعلمك التمثيل كمان
فارس : انتي مصدقه نفسك انتي معندكيش موهبه اصلا معتمده علي شكلك وجسمك و بس
نسرين بضيق : انت انسان مش محترم اي قله الذوق دي ازاي تتكلم معايا كدا
بصلها ببرود وسابها ومشي
دخلت نسرين اوضتها وفضلت تعيط : معقول الشاب اللي معجبه بيه يتكلم معايا شكل اليوم باين اهو هروح انام احسن ممكن حد يشوفني
دخلت نسرين وبصت لياسمين بقرف
ياسمين : الناس بتقول السلام عليكم اي ده طب علي فكره انا هطلع امشي بيلا الكلبه شويه وهرجع
معبرتهاش ف مشيت وانا بلعب مع كلبتي بس سرحت في اللي حصل النهار ده وفجاه اختفت الكلبه وفضلت ادور عليه لحد ما الليل جه ولقيتها اخيرا بس كانت واقف جنب ست عجوزه واقعه علي الارض شلتها بسرعه فوقتها
ياسمين : انتي كويسه يا طنط اوديكي المستشفي نطمن عليكي ازاي عيالك يسيبوكي كدا لوحدك
بصت بيلا ليها بخوف وفضلت تهوهو اول ما فتحت عيونها
العجوزه بابتسامه مخيفه : لا يا بنتي سنديني بس لحد بيتي وكفايه كدا
بصتلها ياسمين بخوف ووصلتها اول ما قربت من بيت غريب جدا شكل العجوزه اختلف وبقت بنت جميله وابتسم وعيونها احمرت وفجاه
كدا خلصت حلقتنا استنونا في بارت جديد مع السلامه
#بقلمي_نوران_احمد_مليجي
رواية قلبوظة قلبي الفصل الثاني 2 من هنا
الرواية كاملة من هنا (رواية قلبوظة قلبي)
