رواية قلبوظة قلبي الفصل الثالث 3 بقلم نوران أحمد مليجي عبر روايات الخلاصة
 |
| رواية قلبوظة قلبي |
رواية قلبوظة قلبي الفصل الثالث 3 بقلم نوران أحمد مليجي
قلبوظه قلبي 3
#بقلمي_نوران_احمد_مليجي
طلعت ياسمين المسرح وهي بتقول : انا بعتذر جدا كنت تعبانه وضيعت زمايلي وهما تعبو كتير وملهومش ذنب ممكن تدي لفريقنا فرصه اخيره ومن بعدها هقبل اي حاجه لجنه التحكيم تقولها
وافقت اللجنه وفرحو البنات وبداو يعيدو العرض من الاول وابدعت نسرين وبص ليها الكل بانبهار حتي فارس اعجب بيها وفريقها كان الاحسن فرحت جدا ومن توترها وفرحتها وهي نازله مخدتش بالها واتكعبلت وقبل ما تقع مسكها فارس شالها بسرعه
فارس بص في عيونها وقال : انتي كويسه يا انسه
ياسمين بكسوف : اه اه شكرا ممكن تنزلني عن اذنك
طلع فارس المسرح وبدأ يغني وكان صوته جميل اوي بصتله ياسمين بإعجاب ومشيت
هنا : انا اسفه علي الكلام اللي قولته النهار ده احنا كلنا بنعتذر ليكي
مريم : بصراحه اتصدمت لما سمعت صوتك النهار ده كان جميل جدا احسن من قبل كدا بكتير
ريهام : فعلا مكناش هنفوز من غيرك واسفين علي الكلام اللي قولنا كنا دايما بنستنا تدخلي الحمام وندخل نتكلم عليكي عشان تحسي ونضايقك زي ما بتضايقينا بس كنتي دايما بارده عشان كدا استغربناكي جدا النهار ده
فرحت ياسمين جدا وابتسمت ليهم وقالت : انا اللي بشكركم واتمنا نكون صحاب ونساعد بعض في المستقبل
اتصدمو البنات وفرحو جدا وحضنوها
روحت البيت
نعمه : دي المره الاولي اللي ترقصي فيها كويس برافو عليكي بتتحسني
الاب : لا وصوتك كان كويس جدا علي غير العاده
بصت نسرين ليها بضيق
ومسكت الميه وحدفتها عليها غرقتها
نعمه بغضب : ياسمين ازاي تعملي كدا في اختك انتي قليله الادب
دخلت نسرين الاوضه بضيق اول ما دخلت عليها ياسمين ضربتها بالمخده
ليه غنيتي اصلا النهار ده
ياسمين : المفروض تكوني فرحانه
نسرين : لا اتضايق طبعا انتي مش هتفضلي في جسمي علي طول والكل عارف ان صوتي وحش دلوقتي خدو فكره ان صوتي حلو لما ترجعي لجسمك هعمل اي انا
ياسمين : اسفه مش هغني تاني
اتفاجات نسرين برساله من فارس : انتي كلمتي فارس النهار ده
ياسمين بكذب : لالا ابدا مين ده اصلا
نسرين : غريبه اخر مره اتعامل معايا وحش جدا بيبعتلي بأدب كدا ازاي
ياسمين بفضول : بعتلك اي ها
نسرين بضيق : عايزك تغني معاه وانا وافقت غني المره دي بس تمام
هزت راسها بابتسامه
تاني يوم
صحيت نسرين بدري ولقت مذكرات ياسمين خدتها وطلعت علي المدرسه فضلت تقرا فيها ولقت ياسمين كاتبه
ياسمين
( انا معجبه وبحب احمد بس من ساعه ما اعترفت ليه وبدأ يتنمر عليا ويضايقني بقيت بتمني اروح لربنا مش بحب الحياه دي قد اي ظالمه ومتعبه نفسي ارتاح من العذاب ده )
زعلت نسرين علي حال اختها اللي فعلا اتاذت كتير علي حاجه ملهاش ذنب فيها
عند ياسمين
كانت بتعمل اعلان خلصت ولقت رساله من فارس أنه مستنيها في كافيه
راحت علي هناك بسرعه
فارس : كنت عايز اعتذر ليكي علي الكلام اللي قولته قبل كدا
ياسمين نسرين مرضيتش تقولي عمل اي معاها
ف قالت بابتسامه : انا مسامحاك عادي بتحصل
فارس : صوتك كان حلو وده غريب بصراحه بس مهتم اعرف بتحبي اي
بدأت ياسمين تحكي بابتسامه : بحب اكل كتير زي المحشي وصنيه البطاطس والرقص والغناء
فارس بضحك : وانا كمان بحب الاكل جدا تعرفي اني كنت تخين زي البنت اللي في فيلم ايظن
ياسمين بصدمه : بتهزر اكيد لا ده احنا كدا هنكون صحاب اكيد
ابتسم فارس وبدأ يحس أنه معجب بيها
فارس : اول مره اقول لحد كدا ويبقا دي رده فعله بس شكلي كدا معجب بيكي
فرحت ياسمين بس افتكرت نسرين الكلام ده لنسرين مش ليا اتوترت واستاذنت ومشيت
هنا بابتسامه للمخرج : هنبدأ نسجل الاغنيه امتي
المخرج : لا خلاص نسرين صوتها بقا احسن منك كتير عشان كدا هي اللي هتغني حسني من نفسك واكيد هتوصلي
بصت بغل وحقد علي نسرين اللي هي ياسمين
قعدت ياسمين معاهم علي الارض تاكل
بص ليها الكل بصدمه نسرين عمرها ما قعدت معاهم ودائما بتاكل لوحدها ادتها البنت اكلها اللي عباره عن طبق سلطه
بصت ياسمين بحزن
انا عمري ما كلت الكميه القليله دي ومش بحب السلطه بس كلتها غصب عنها
أما عند نسرين ف كانت خلصت من قراءه مذكرات اختها وقررت تاخد حقها وشافت احمد مع صحابه المتنمرين
ساره وهي ماسكه مرايا : بجد قد اي انا حلوه اوي
ضحكت نسرين بصوت عالي جدا
ساره بضيق : بتضحكي علي اي يا دبدوبه انتي
بصت ليها نسرين بقرف واتجاهلتها
زقتها البنت ف وقعت من علي السلالم علي الارض وضحكت كل اللي في المدرسه عليها
قامت نسرين زقت كل البنات ووصلت لببنت دي وقالت ليها
نسرين بغرور وغضب : انتي مش ملاحظه انك رفيعه جدا زي عود القصب
اتعصبت البنت ولسه هتضربها مسكت نسرين أيدها
نسرين : لو ايدك اترفعت تاني هندمك انتي فاهمه
كان احمد بيتفرج واتدخل
نسرين : ابعد ياض يا فرفور يا عره من هنا مستحيل احب واحد مقرف زيك
ومشيت بثقه وسابتهم
كانو كلهم مصدومين من شجاعتها وتغييرها الغريب فجاه
مع الوقت بدأت نسرين تتنمر علي الشله وتقلل منهم وتعمل ليهم مقالب وتضحك عليهم الكل ومبقاش حد عارف يرفع عينه فيها ومعجبين بشخصيتها
ياسمين بصدمه : ازاي يا نسرين قدرتي تعملي كدا بجد
نسرين بغرور : زي ما قولتلك الناس مبتجيش غير بالعين الحمره والتكبر هقفل معاكي عشان شله المناحيس جايين سلام
اما عند فارس : يا ابني كل يوم إعجابي بنسرين بيزيد متواضعه وتلقائيه وضحكتها فيها براءه واللي في قلبها علي لسانها عكس ما كانت بسمع عنها خالص عشان كدا بفكر اعترف بحبي ليها
محمد : ازاي يا ابني بالسرعه دي
فارس : كل يوم بكلمها وبنسهر نتكلم مع بعض حتي لبسي باخد رأيها فيه وكل يوم بنتقابل وعرفنا بعض اكتر انا متأكده من مشاعري بس عايز اسألها الاول بعت ليها نتقابل وهنزل اشوفها سلام
في المطعم
فارس : بصراحه بقا انا بحبك في الاول خوفت الناس تقول اني حبيتك عشان شكلك بس انا حبيت شخصيتك وصوتك اكتر من شكلك الشكل عمره ما فرق معايا بجد
ياسمين ليه حاسه الفرشات بتطير حواليها اللي بسمعه بجد فرحت جدا
فارس : نسرين انا بحبك
اتصدمت وفاقت بعد ما سمعته بيناديها باسم اختها
نسرين : وانا مش بحبك عن اذنك
فارس بصدمه : استني هنا اي اللي حصل مش هتمشي حضنها بعدته عنها وضربته بالقلم ومشيت وهي بتعيط وسابته مصدوم
ومن بعيد كانت هنا بتبص بخبث : حلو اوي صورتك وهفضحك في كل مكان
كنت مروحه للبيت مبسوطه اوي أن في شاب جميل زيه بيحبني لشخصي يعني فعلا معقول اتحب بس هو حب نسرين مش ياسمين لا
اول ما دخلت البيت
نسرين : انا زهقت نفسي ارجع لحياتي بقا كفايه كدة
اتخضت ياسمين : في اي خضتيني انا زيك بجد نفسي ارجع معقول يا نسرين واحده زيك بالجمال ده محبتش
نسرين : بصراحه حبيت وحد من طرف واحد مكنش شايفني خالص او كان بيبص ليا بنظره مختلفه عن الكل عمره ما بص ليا باعجاب عكس اللي حواليا
ياسمين : مستحيل يبقا في حد كدا طب اعترفتي بحبك وممكن اعرف هو مين
نسرين : واحد مش مديلي وش اقوله بحبك مستحيل كرمتي وشكلي قدام الناس اصل معظم البنات معجبه بفارس مش انا بس ابن صاحب شركات غني موهوب ومشهور مين ميحبوش الا صحيح انتي محبيتيش
اتصدمت ياسمين : لا او ممكن من طرف واحد بردو تصدقي احنا توام اوي
مرضيتش ياسمين تقول ليها انها بتحب فارس
ومرضيتش نسرين تعرفها أنها ضربت المتنمرين وهزقت احمد
كل واحده فكرت في كلام التانيه لحد ما نامو لاول مره مع بعض
تاني يوم في المدرسه كانت نسرين بتقرا يوميات اختها كاتبه
ياسمين : كنت مبسوطه اوي اني هقدم في مسابقه غني وهغني اول ما دخلت فضلو يتريقو علي جسمي وقد اي انا وحشه وأنهم مش محتاجين صوت وبس لا هما محتاجين صوت وشكل واني منفعش ابدا بدأت اعيط واطلع من المكان وانا حاسه ان دي نهايه حياتي شكلي مكتوب عليا مقدرش احقق اي حلم ليا ولا تكون ليا اي حياه طبيعيه
نسرين بضيق : ازاي يحكمو بالشكل مش الموهبه ناس تافهه
بصت جنبها لقت البنات المتنمرين بيرقصو نسرين بضحك : يا سلام علي الدبانه لما تتمايل
بصتلها ساره بقرف : طب لو انتي حلوه كدا ما توريني رقصك
نسرين : موافقه بس بشرط تعترفي قدام المدرسه بتنمرك ومشيك مع الشباب وانك فاشله وتعتذريلي
ساره باستهزاء : وريني نفسك يا حلوه موافقه بنات جمعو المدرسه تتفرج وتضحك علي الفيل الراقص
نسرين باستهزاء : بسرعه يا شاطره خلي الكل يعرف مدي فشل صاحبتكم ابعدي يا فاشله من هنا كدا
ساره : طب ما توريني انتي الصح يا يا سمييييينه
بدات نسرين الرقصه أحسن منهم كلهم وانبهر كل البنات بيها هي دي البنت اللي دايما مكسوفه بترقص كدا بكل ثقه وهي مرتاحه
كان احمد مراقب الموضوع من بعيد وأعجب اكتر بشخصيتها الجديده
عند ياسمين كان فارس بيحاول يقرب منها وعزم الكل علي الغدا عشان يعرف يتكلم معاها بس قررت تفضل بعيد عنه
وبالليل في البيت
وصلت ياسمين وكانت جعانه جدا لقت اختها نسرين جايبه كل الاكل اللي هي بتحبه جت تاكل ضربتها نسرين
نسرين : متاكليش مش عايزه جسمي يبوظ علي فكرة لازم تتعلمي تظبطي اكلك ولياقتك عشان تقدمي علي برنامج الاغاني مره تانيه
ياسمين بضيق : انتي اي عرفك اني روحت مره اولي اصلا
نسرين بتوتر : اصل اصل حاسيت لما شوفتك بتغني إنك اكيد حاولتي
ياسمين بغضب : قراتي مذكراتي يا زفته صح
نسرين بتوتر : اه واي يعني اختي ومن حقي اعرف عن حياتك واساعدك
ضربتها ياسمين بالمخده جامد علي وشها قامت نسرين وبدأت كل واحده تمسك التانيه من شعرها بقوه
ياسمين : بتدخلي في حياتي الشخصية ليه انتي مالك مش كنتي بتستعري مني
وبعدين افتكروا أن كل واحده في جسم التانيه ف كل واحده بدأت تضرب نفسها
دخلو كل واحده اوضتها وهي زعلانه من التانيه
ياسمين : هدي فرصه لنفسي احب اي المشكله مره من نفسي مش هي اللي من حقها دايما تعمل اللي هي عايزاه
صحيت تاني يوم راحت علي التصوير واتصدمت لما شافت فارس بيحضن بنت تانيه قربت منهم بغضب وو وكدا تكون خلصت حلقتنا استنونا في بارت جديد مع السلامه
#بقلمي_نوران_احمد_مليجي
رواية قلبوظة قلبي الفصل الرابع 4 من هنا
الرواية كاملة من هنا (رواية قلبوظة قلبي)
