رواية غلطة أبكتني عمري الفصل السادس 6 بقلم سحر السحرتي
رواية غلطة ابكتني عمري بقلم سحر السحرتي
حلقة ٦
*ارتحت فعلا لفكرة اني اكتب قصتي وكانت كالتالي
*ابني حبيبي عارفه و حاسه انك ولد ما احنا مش معانا فلوس نعرف فيها نوعك بس احساس اي ام دايما صح
*هحكي لك من اول مكان عندي 10 سنين اشمعنا عشان ده الوقت اللي اكتشفوا فيه مرضي
*انا الصغيره على ولدين اكبر مني وكنت بلعب معاهم وكنت شقيه اوى زيهم ويمكن اكتر
*بابا كان بيحبني وبقول لك ليه كان هتعرف بعدين وانا بحكيلك
*بابا طبعه قاس-ي مش بياخدنا في حضنه بس كان بياخدني كثير جدا من وقت للتاني قبل ما يكتشف مرضي
*ماما اللي كانت بتحبني و حبتني اكثر وهو كرهن-ي
*لما كنت بلعب مع اخواتي وفجاه وقعت وبدا جسمي يرتجف وكأن كهربا ماسكه فيا شالوني و جريوا على المستشفى وهناك اكتشفوا ان عندي صرع وراثه من عيله بابا
*ما تخافش يا حبيبي مش بيتنقل من الست لاولادها اصله انواع خليني اكمل لك
*بابا بقى يا سيدي كره-ني لان عمي كان حامل لنفس المرض وكان بيشوف النوبه بتاعته و يتكسف منه قدام الناس وانا بدوري هكسفه وهو دلوقتي رجل اعمال كبير فمنعني من الخروج واني اصاحب حد عشان ما تجيليش النوبه و يتف-ضح
*بالرغم من ان ماما قالت لي ان هو بيحبني واللي بيعمله ده غص-ب عنه بس انا ما كنتش بصدقها لاني حسيت في فرق التعامل بعد ما مرضت اصله كان بيحبني اكثر من اخواتي ودلعني شويه وبعد المرض بعد قوي
*فضلت وحيدة في البيت ومش بروح المدرسه غير على الامتحانات ما هو بفلوسه كان بيتحكم في المدرسه
*نوبة الصرع كانت بتجيلي من التوتر والخ-وف و الزعل الشديد بمعنى تاني الانفعالات الزياده عن اللزوم هي كانت السبب
*فكنت قبل الامتحانات ببقى خاي-فه فكانت بتجيلي قبل ما اروح .... هههههه يقوم هو رافض اني اروح الامتحان و يسميني فاشله و ينجحني بفلوسه
*ماما بذلت مجهود معايا عشان تعرف المرض كويس و ازاي تتحكم فيه عشان اقدر اعيش حياتي زي باقي البنات .... لغايه لما وصلت لدواء مستورد وغالي لو حسيت ان النوبه جايه اخده بس لو جت قبل ما اخده ما بياثرش عليها
*وصلت الجامعه وهناك اتعرفت على بنات وشباب وعملت صداقات كثير لاني كنت محرومه من الاصدقاء سنين طويله
بقلمي سحر السحرتي
*كنت بروح الجامعه طبعا من غير بابا ما يعرف و بتحايل على ماما تخرجني وكنت بصعب عليها وخصوصا من معامله بابا اللي بيتمنى ام-وت عشان يخلص مني قبل مرضي ما الناس تعرفه كانه وصمه ع-ار
*في الجامعه اتصاحبت قوي على معاذ اصبح بالنسبه ليا اكثر من اخ هو الوحيد اللي ارتحت له
*ده دلوقتي مطرب مشهور قوي وانا اللي شجعته عشان يحترف الغناء
*من بدايه معرفتنا وضحت له انه بالنسبه لي اخ مش اكتر وان الجواز بالنسبه لي صعب وهو احترم ده
*كانت صاحبتنا جومانا الثالثه بتاعتنا بس معزتها عند معاذ مش زي
*هي حبيته وانا ساعدتها تقرب منه
: اسمع بس يا معاذ جومانا دي طيبه قوي فكر وشوف الجزء الحلو فيها
:يا دارين انا لسه المشوار قدامي طويل غير ان بابا قال انه مسؤول بس عن تعليمي
: ازاي مش معاه يجوزك ومعاه يدخلك جامعه خاصه
: اه دخلني عشان مستقبلي لاني كنت بسقط كثير في ثانوي وانا بقى اكون نفسي بنفسي
:طب لو انت معجب بيها صارحها بظروفك وهي لها حريه الاختيار
:يعني انت لو جالك واحد امكانياته محدوده زيي هتوافقي
:لو بيحبني وبحبه اه ليه لا
:انت عايشه في الاحلام معقول بنت رجل الاعمال الكبير تتجوز واحد فقير
: هههههه واعمل زي افلام الابيض والاسود بس انت عارف ان موضوع الجواز متأجل شويتين بالنسبه لي
:طب ينفع تكلميها و تجسي نبضها
:هو انا دكتوره ايه اجس نبضها
:قومي يا بت هتعملي نفسك بنت ناس ما انا بقى لي سنتين في الجامعه بفهمك اللغه
:خلاص ما تزقش هكلمها
*العلاقه بيني وبين معاذ كانت مختلفه وكان دايما بيكلمني بلغه كنا بنسميها بيئه ودايما يعلمها لي وكنت ببقى مبسوطه وانا بتكلم معاه بالطريقه دي لانها حاجه مختلفه عليا هو كله على بعضه مختلف
*رحت لجومانا وفاتحتها في الموضوع كانت مبسوطه انه معجب بيها و ارتبطوا فعلا
*بدات تبعدني عنه لانه كان بيتكلم كثير معاها عني
*احترمت غيرتها عليه وبقيت اخفف التعامل معاه
*في اخر سنه ثالثه طلبت منه جومانا انه لازم يتقدم لها لان ابن عمها طلب يتجوزها
معاذ : ازاي يا جومانا هو انا مش فهمتك ظروفي من الاول هروح اقول ايه لباباك مش معايا جنيه اجيب بيه حتى دبله فضه
:مش عارفه اتصرف
:اتصرف ازاي
:تعالى وانا همهد الموضوع مع بابا و اشرح له ظروفك بس المهم يعرف انك مش بتلعب بيا
:خلاص هاجي لوحدي لو وافق اجيب اهلي مش معقوله اكسفهم لو والدك رفض
*فعلا معاذ حدد ميعاد مع والدها قبلها بساعه اتصلت عليه
:قابلني تحت البيت عندك يا معاذ انا مستنياك
:ايه يا مجنونه ليه
:انزل بس هفهمك
*نزل لقاني بدي له علبه شيكولاته غاليه وشيك
: ايه ده يا دارين
:مش معقول هتدخل بأيدك فاضيه لازم حاجه محترمه عشان يحس انك جد
:انت اجدع اخت عرفتها ما تسيبك من جومانا و نديها صابونه وتعالي نتجوز انا وانت
: هههههه في حد بيتجوز اخته يا اهب-ل يلا عشان اوصلك
: يلا يا بت انا مش هنسى جميلك ده ابدا
:جميل ايه المهم اما تبقى نجم كبير اوعى تنساني
:شكله مش نافع الموضوع ده
:لا هو انا ما قلت لكش
: لا خير
:واحد صاحب اخويا عنده استوديو كلمته من ورا اخويا طبعا و اخدت لك ميعاد بكره الساعه 10:00 هبعت لك العنوان اوعى تتاخر وجهز احلى اغنيه لو عجبته هيسجل على طول وتنزل على النت
:ابوسك ولة اعمل ايه اوعي تكوني بتهزري
:اكيد لا بس وعد اول ما تتشهر تعمل اهداء تقول الاغنيه دي ليكي يا (دي)
: ايه (دي) ديت
:دلعي عشان الناس ما تعرفش يبقى سيم بينا
*صقف بايده
: الله دارين بنت الناس بتقول سيم
:انا بقيت اعجبك قوي يا معلم .... وصلنا ابقى طمني
*نزل و ندهت عليه
:معاذ مهما يحصل هيبقى خير صدقني
:عارف ومجهز نفسي لاي رد منهم
بقلمي سحر السحرتي
*طلع معاذ استقبله والد جومانا وكان راجل حكيم سمعوا للاخر و اتكلم معاه بالعقل في حضور جومانا
*فهمه انه مشواره طويل وحرام يظ-لمها و يسيبها مخطوبه لو وافق اقل شيء حوالي ست سنين على ما يقدر يكمل جوازهم
*ولما فتره الخطوبه بتطول بتحصل مشاكل ممكن يفترقوا خلالها و هيبقى غ-لط على سمعتها لو سابها بعد فتره خطوبه طويله
*لو عنده استعداد يتجوز بعد التخرج هو موافق غير كده يبقى هيج-ني على مستقبل بنته
*معاذ اعتذر ووعده انها بقت بالنسبه له زميله مش اكثر
*اتصل عليا وحكى لي بس حسيت من نبره صوته ان مش زعلان
: طب وفيها ايه هي اي عريس ترفضه و تستناك من غير خطوبه وخصوصا ان والدها قال انه مش هيضغط عليها انها توافق على ابن عمها
:بس انا شفت في عينيها انها اقتنعت بكلام باباها وخلال كام شهر هتلاقيها اتخطبت لابن عمها
: ارجوك ما تزعلش انا السبب اقنعتك ترتبط بيها
:لا انا كنت معجب بيها من الاول قبل ما تقولي انت بس حاولتي تقربي ما بينا
: طب انسى اللي حصل وركز بقى في مشوار بكره وطلع كل احزانك ومشاعرك في الغنى
:تعرفي ان موضوع بكره ده هيخفف عليا كثير
: معاذ برده بكره مهما حصل هيكون خير
:متاكد ان بكره ان شاء الله هيغير حاجات كثير خصوصا انه جاي من ناحيتك فانا متفائل جدا
: هههههه طب ما موضوع جومانا كان جاي من ناحيتي
: امشي يا بت انت قفيلة
*ثاني يوم ربنا عوض معاذ انه نجح و اغنيته اتسجلت وخلال كام شهر البلد كلها كانت بتحب اغنيته
*وبرده خلال كام شهر كانت جومانا مخطوبه لابن عمها زي معاذ ما مكان متوقع
*خلصنا سنه رابعه وكان معاذ لسه في بدايه مشواره الفني ودائما بيسال عليا مش ناسيني وده كان بيض-ايق جومانا قوي
*مش بتحبه لكن مش عايزاه لغيرها وخصوصا ليا
*يمكن كرهتني من كتر ما كان بيتكلم عني او كانت مفكره اني املك كل شيء الظاهر لها طبعا لانها ما تعرفش حاجه عن مرضي ولا معامله بابا واخواتي ليا
*لان اخواتي قلدوا بابا تقليد اعمى و بعدوا عني غير ان ماما بحكم انها بتسافر مع بابا وتحضر حفلات رجال الاعمال بعدت من غير ما تقصد
بقلمي سحر السحرتي
*طبعا الصداقه بين الولد والبنت شيء غ-لط ومش مبرر ليا اني كنت وحيده وبع-اني
*اكيد بتسألني ازاي ما حدش في الجامعه عرف بمرضي .... لان قبل اي امتحان كنت باخذ الدواء بجرعه مضاعفه من غير الدكتور ما يعرف عشان اقدر ادخل الامتحان .... هههههه بس من التوتر كنت بنسى اي حاجه ذاكرتها و بسقط برضة وبابا بيدفع وانجح
*امال هو مدخلني جامعه خاصه في مصر ليه ما سفرنيش اتعلم بره زي اخواتي عشان يقدر يشتري لي شهاده بفلوسه لكن حجته قدام الناس اني بنت اسافر لوحدي ازاي
*جومانا بعد ما اتخرجنا بسنه فسخت الخطوبه مع ابن عمها
*حاولت ترجع لمعاذ لان حالته الماديه اتحسنت الى حد ما و وسطتني عشان اتكلم وياه
:ايه رايك يا معاذ دي حبك الاول
:لا يا دارين انا نسيتها غير انها ما وقفتش جنبي وما كانتش مؤمنه بموهبتي وكانت عايزاني بعد ما اتخرج اشوف عقد عمل و اسافر كل همها اني اجمع فلوس عشان اتجوزها وبلاش احقق حلمي
:واديك حققت حلمك وبقى معاك مبلغ كويس تقدر تتجوزها
:دلوقت انا نسيتها خلاص ولازم اركز في مستقبلي مش وقته اتجوز و اربط نفسي بالتزامات انت عارفه اني هسافر في كل مكان شويه عشان الحفلات هي مش هتستحمل ده ولا هتستحمل يبقى لي معجبات
: ليه بتقول كده
:عشان هي ما كانتش مستحمله صداقتك معايا وكانت دايما بتطلب مني انهيها
:حقها بصراحه انا لو مرتبطه بواحد قمر زيك كنت جبتها من شعرها
: هههههه انت اللي قمر سيبك منها وتعالى اتجوزك انت
:مش من دقيقه كنت مش عايز التزام او ارتباط وانا ايه شماعه هتحطني في الدولاب
:ايه ده عرفتي منين
:تربيتي يا جدع
:نفسي ابوكي رجل الاعمال يشوفك وانت بتتكلمي كده .... بتعيطي ليه دلوقتي
:عشان بقالي كام سنه كل اللي بينا صباح الخير يا بابا تصبح على خير يا بابا وساعات ما بيردش بيشاور بايده
:هو انت ليكي ذنب في مرضك و قررتي ما تتجوزيش بسببه مش فاهم في ايه
:عايزني اخبي على اي عريس حالتي ولما اتجوز اقول له وانا عمري ما هخبي حاجه زي دي على شريك حياتي وبعدين مين هيوافق يتجوز واحده عندها مرضي
:هتلاقي يا دارين ما تقوليش كده
: سيبك مني هترجع امتى من حفلاتك
:بعد ست شهور
: ياااه طب اول حفله لك في مصر عايزه دعوه خاصه ليا وتكتب انسه (دي) لازم تحضر
:خلاص و هخليها بدري عشان باباك يوافق انك تحضري
: ابعت الدعوه انت وانا هتصرف هزق ماما عليه وممكن يومها يكون مسافر
بقلمي سحر السحرتي
: تمام على رسائل بقى
:على اساس انك فاضي ترد عليا
:انت بالذات في الحتة الشمال و عامل لك رنه مخصوص ما اقدرش تبعتي وما اردش عليك
:ماشي المهم ما تكونش عامل لي بلوك
: هههههه عرفتي منين
: اه يا ندل ... سلام اما اروح ابلغ المعجبه الولهانه انك رفضت
: سلام يا (دي)
*ما كنتش عارفه ابلغ جومانا ازاي بنتيجه مقابلتي مع معاذ
*فكرت اقول لها انه سافر قبل ما اقابله بس خفت تفضل متعلقه بيه و مستنيه يوصل فقررت اقول لها الحقيقه بطريقه لطيفه
: يعني ايه رفض
:قال ان لسه مشواره طويل في تحقيق حلمه وانت مش هتستحملي سفره الكثير وسهره بره البيت
:وعرف منين اني مش هستحمل
:هو انت كنت استحملتي ظروفه الاولى لما هتستحملي دلوقت
: في فرق الاول كان صعب اقنع بابا دلوقتي سهل
:هو بيقول ربنا يوفقك مع ابن الحلال اللي تختاريه
:وانت ما حاولتيش تقنعيه ليه زي اول مره ولا الموضوع مش على هواكي المرة دي
: انت بتقولي ايه اول مره كان فعلا معجب بيكي وما صدق عرف انك انت كمان معجبه بيه
:عايزه تفهميني ان ما لكيش تأثير عليه
:لا طبعا ما ليش
:طب يا دارين شكرا قوي
*حسيتها زعلت وخ-فت ان حبيبين يتف-رقوا وتخ-سر حبها الاول
:شوفي ايه رايك نعمل اخر محاوله بس ما اوعدكيش تنجح
:ايه هي
:هو هيرجع بعد ست شهور و وعدني يعزمني على اول حفله له في مصر ايه رايك تحضري معايا يمكن لما يشوفك قلبه يحن لك
:و هخرج ازاي
: اتصرفي يا جومانا هي دي كمان هفكرلك فيها
:بس ست شهور دول كثير قوي
:انت وراك حاجه
*لقيت بصة خبي-ثه منها ما فهمتش معناها غير بعدين
*مرت الشهور ومعاذ وفى بوعده وبعث لي دعوه لحفله في الاوبرا عشان بابا يوافق غير انها لفردين لو حبيت اروح مع حد من اخواتي
*فكلمت جومانا طبعا زي العبي-طة اللي بتحاول تجمع حبيبين
:الحفله في الاوبرا ودي بتخلص بدري ومكان محترم
:خلاص هقنع بابا ... هو المفروض فستان سواريه
: اه انا هلبس واحد لونه اسود
:خلاص وانا كمان
*عديت عليها و روحنا مع بعض الحفله
*لما وصلت معاذ بعت حد يدخلني غرفته اسلم عليه بس اخذني لوحدي و همس بكده بعيد عن جومانا
*نفذت وقلت لها رايحه الحمام
:ايه يا معاذ الغيبه الطويله دي
:ايه اللي خلاكي تجيبيها معاكي
:وانت عرفت منين انها معايا
: وريت صورتك للبادي جارد وقلت له ينادي لك عشان نسلم علي بعض فقال ان معاكي واحده خليته صورها وعرفت ان هي معاكي
: انا جبتها قلت محاوله انقاذ لحبكم
:حبنا طول عمرك هب-له انت عرفتي انها رجعت لابن عمها
*اتص-دمت وبرق-ت من المفاجأة
: نعم لا طبعا ازاي يعني ولو اعرف هجيبها ليه وانت عرفت منين
:حاطه صورهم على الفيس وعامله لك اخفاء عشان ما تعرفيش بس نسيت تعملي وواحد من دفعتنا في الجامعه بيهنيها فشفت الصور
: امال هي جايه معايا ليه النهارده
:محاوله نجحت هتسيبه فشلت اهو معاها
*حطيت وشي في الارض من الكسوف
:انا اسفه يا معاذ انا هاخدها ونمشي
:ارجوكي مش طايق ابص في وشها
:يا خساره كان نفسي اشوفك وانت بتغني انا جيت بالع-افيه بس استاهل اللي يحصل لي بسبب غب-ائي
: هعوضك بس مشيها
*وفعلا اتحججت اني كنت في الحمام ومغص رهي-ب مسكني ولازم اروح
:طب روحي انت وانا هكمل واشوف معاذ واتكلم معاه
: ومين هيروحك اذا كان باباك قال استلمك يدا بيد و اسلمك ليه بعد الحفله
: يعني مش هقدر اشوفه
:تتعوض هبقى اخليه يعزمني على حفله ثانيه يلا بقى احسن المغص بيق-طع بطني
*واحنا ماشيين بالعربيه وطبعا لابسين سواريه عشان حظي دايما جميل عربيه شباب غل-ست علينا و خبطت فينا و روحنا القسم
#ماذا سيحدث لدارين وهل سيعرف والدها بخروجها
نزلتها بدري لاني مش هقدر بالليل
يتبع
رواية غلطة ابكتني عمري الفصل السابع 7
لقراءة باقي فصول الرواية اضغط هنا (رواية غلطة ابكتني عمري )
