رواية قلبوظة قلبي الفصل الثاني 2 بقلم نوران أحمد مليجي عبر روايات الخلاصة
 |
| رواية قلبوظة قلبي |
رواية قلبوظة قلبي الفصل الثاني 2 بقلم نوران أحمد مليجي
قلبوظه قلبي 2
#بقلمي_نوران_احمد_مليجي
البنت بعيون حمره : اتمني وهتتحقق ليكي امنيه او تاخدي هديه مني انا مارده من الجن ومحكوم عليا بالاباده لو ملقتش حد يساعدني وبسببك قدرت اخلص من لعنه الحكم اتمني
ياسمين بخوف : مش عايزه حاجه لا تأذيني ولا ااذيكي ابعدي عني أعوذ بالله من الشيطان الرجيم
ابتسمت العجوزه وظهرت انياب : حلمك تكوني زي اختك طيب ليه متكونيش انتم الاتنين نفس الشخص قربت منها وياسمين تبعد بخوف ولمست رقبتها اغمي عليها واخر حاجه سمعتها
السلسله هتصلح حياتك وتظهرلك البشر وهتغيرك سلسله وجهين لنفس العمله هتتغيري لما الوجهين يتغيرو
وانعدمت الرؤيه وغمضت
نسرين كانت في حصه الرقص حست بوجع في قلبها واغمي عليها
صحيو لقو نفسهم في المستشفى مع بعض
نعمه بخوف : ياسمين يا حبيبتي فتحي عيونك اخيرا صحيتي انتي كويسه
ردت نسرين : الحمدلله يا ماما متقلقيش عليا هو اي اللي حصل
نعمه : انا بسأل اختك يا نسرين مش انتي قولتلك ميه مره كلي كويس رقص اي وتناصق اي بلا هم اديكي وقعتي من طوله يا فالحه الدور والباقي علي حبيبه امها اللي حد من الجيران لاقاها مرميه في الشارع في مكان مهجور قولي بس يا حبيبتي حصلك اي
بصت ياسمين بصدمه لنسرين وبصو في المرايا وصوتو
نعمه : في اي يا ولاد الهبله منك ليها انا هروح اجيب حاجه تكلوها يمكن ترجعو لعقلكم
خرجت نعمه
ياسمين ونسرين في نفس الوقت : انتي انا ازاي.... متقلديش كلامي ....
ياسمين بغرور : اي الهبل اللي بيحصل ده اكيد ده هزار ما تتصرفي يا بغله انتي ولا انتي مخك تخين زي جسمك
نسرين بغضب : اهو دلوقتي بقا جسمك انتي وبقيتي انتي التخينه اتكلمي معايا باحترام انا اختك الكبيره
ياسمين وهي بتشد شعرها : لا لا مستحيل ليع ليه ابقا في جسمك انتي حياتي كدا اتدمرت الاعلانات والفولورز والمتابعين حياتي كلها ضاعت لااااااا هنتصرف ازاي انطقي اي اللي حصل ده وازاي
نسرين : اهدي شويه اكيد في حل في حاجه حصلت اااه افتكرت الست البشعه اللي قابلتها قالت كلام غريب بس اكيد ده حلم
ياسمين : انتي روحتي عملتيلي سحر عند دجاله للدرجه دي حقوده وغيرانه مني
نسرين : عمل اي يا هبله انتي انتي فاكره نفسك محور الكون ولا اي
ياسمين : طب طب اي السلسله الغريبه اللي في رقبتك دي اقصد رقبتي ولا رقبتك ولا اي التوهه دي
نسرين باستغراب وهي بتبص عليها : اول مره اشوف السلسله دي في حياتي ايوه كدا وضحت الصوره الست اللي قابلتها اخر حاجه سمعتها منها ان السلسله وجهين لعمله واحده وهترجعو لما العملتين يتغيرو
ياسمين بغضب : اي العبط اللي بتقوليه ده قومي وريني المكان اللي شوفتي فيه الوليه دي خلينا نخلص رايحه لدجاله علي اخر الزمن
خدتها نسرين رواحو
نسرين : هو هو ده المكان انا متاكده كان في بيت وانوار هنا ازاي
ياسمين : مش بس جسمك ومخك تخان طلعتي حتي عميه مش شايفه احنا في مكان مهجور ده هو مفيش مخلوق هنا
نسرين : معرفش بس كدا مفيش قدامنا غير أننا نعيش بالشكل ده
ياسمين : طب اسمعي ومتفضحينيش خليكي متكبره ومغروره واتعامل مع الناس بتكبر وغرور عشان لو اتعاملتي معاهم بطيبه هيقولو عليكي ضعيفه شوفي كدا ده فيديو لتدريبي علي الرقص حاولي تعرفي ترقصي
يلا نحاول كدا مع بعض
بدأت ياسمين تقلدها وكان رقصها جامد
ياسمين : انتي كنتي بتدربي علي الرقص قبل كدا ازاي بالجسم اللي عندك ده
نسرين بكسوف : يعني كنت بعمل فيديوهات تيك توك كدا اشوف نفسي شوفي كدا
ياسمين بصدمه : اي ده انتي شاطره اوي احم بس مش احسن مني اتدربي كويس متفضحينيش
نسرين بفرحه : كويس بتعاملي صحابك ازاي عندك صحاب كتير
ياسمين بغرور : محدش ينفع كلهم دون المستوي محدش يستاهل اني اصاحبه انتي عندك صحاب
نسرين بحزن : لا يعني معنديش حد بس مبسوطه كدا علي فكره
ياسمين : يا عيني عليكي يعني متوحده كئيبه طبيعي محدش يقبل يصاحب حد بالمنظر ده
نسرين بضيق : علي فكره ده بقا منظرك انتي دلوقتي والناس مش بشكلهم
ياسمين بعصبيه : مش كل شويه تفكريني اني بقيت في جسمك انتي اوووف اخيرا وصلنا انا داخله اي الهم ده
صالح : ياسمين يا حبيبتي دي اوضه نسرين البنت بتشوحلي دماغها اتاثرت ولا اي .... اه نسرين حبيبتي دي اوضه ياسمين بصتله وابتسمت ومشيت .... الله جري اي للعيال الدنيا اتشقلبت ولا اي يظهر دماغهم تعبتهم فعلا
الصبح بدري
بدأت نسرين توري ياسمين تلبس اي والتانيه نفس الكلام وبدلو التليفونات وكتبوا كل واحده ورقه بيومهم واللي وراهم ومشيو
نسرين بفرحه : مش مصدقه اني هعيش حياه نسرين احساس اني بنت حلوه مفرحني اوي لقت رساله باسم الخرتيته اختي بتقول ( متلغيش كتير انا باكل سلطه بس متبوظيش جسمي زيك )
مسمياني انا اختها الكبيره الخرتيته ماشي ماشي رن الفون ردت علي الفون وكان واحد بيقول أن في اعلان خرجت من بيتها
وصلت ياسمين المكان وبدأت تحط ميكب علي أنها نسرين وكانت مبسوطه جدا أن الناس كلها بتعاملها بحب واحترام مش بيتنمرو عليها
وعند نسرين دخلت للمدرسه وقربت منها شله احمد
ساره : اي ده انا عرفت انك اتقلبتي زي البرميل امبارح وجايه كمان معقول عشان احدهم ولا اي
احمد : فكك منها مستحيل ارتبط بواحده بالمنظر المقرف ده مفيش فيها ميزه واحده فيل متنقل اسكتي مش كتبتلك اغنيه ولا بلاش لتعيطي زي كل يوم
ياسمين بصتله بقرف ومشيت
بصو مصدومين
نسرين : نفسي أطبق وش المتخلف ده وصحابه بس لولا أني قولت مش هبوظ حياه ياسمين كنت نفختهم أشكال عرر صحيح
اما عند ياسمين كانت مستغربه من مقاسات الاطفال اللي نسرين بتلبسهم وكانت بتغير في الحمام لحد ما سمعت
هنا : مغروره ومقرفه كل ده عشان جميله بس ملهاش اي ريحه اللزمه
مريم : يا بنتي كفايه انها ملهاش صحاب بجد كلنا عارفينها مصلحه بس
ريهام : انا بكرها وبتضايق لاني مضطره كل يوم ابتسم في وشها وانا مش بطيقها اصلا ما تيجي نخرجها من الفريق اريح
فهمت ياسمين أنهم بيتكلمو عن نسرين
بدأ العرض وكانت ياسمين مكسوفه وبوظت العرض
مريم بغضب : المسابقه كانت مهمه جدا بالنسبه لينا وضيعتي تعب شهور علي الارض انتي سبب أننا نخسر كله بسببك
نسرين بدموع صدمت الكل وهي بتقوى : انا اسفه جدا مكنتش اقصد
هنا بصدمه : هي بتعتذر بجد اكيد بتمثل علينا يلا يا بنات مش ناقصه استهزاء أصلها
وسابوها ومشيو
دخلت ياسمين الحمام وبدأت تعيط ومسكت السلسله وقالت : بتمني ارجع لدنيتي وحياتي تاني واتصلت نسرين
ياسمين بدموع : حياتك رخمه انا خايفه اوي ومش عارفه اعمل اي
نسرين : بقولك اي انتي في جسمي يعني جميله واتخيلي بس انك في اوضتك بترقصي وهتلاقي الدنيا مشيت حاولي تمثلي كويس بس خلي عندك ثقه متضيعينيش الله يباركلك انا في مطعم بقالي سنين محرومه من الاكل ده عشان اكون رفيعه ف باكل اللي نفسي فيه لاول مره هخلص واجيلك
ياسمين : وانا مش هاكل ولا اي يعني أنا المحرومه هنا عشان جسمك
نسرين : بالضبط لو تخنت كيلو واحد يا ياسمين هطلع عينك فاهمه
وكدا تكون خلصت حلقتنا استنونا في بارت جديد مع السلامه
#بقلمي_نوران_احمد_مليجي
رواية قلبوظة قلبي الفصل الثالث 3 من هنا
الرواية كاملة من هنا (رواية قلبوظة قلبي)
