رواية جوازة صالونات الفصل الرابع والثلاثون 34 بقلم ندى علي حبيب
رواية جوازة صالونات الفصل الرابع والثلاثون 34
" جوازة صالونات "
" الرابع والثلاثون "
" الكاتبه ندي حبيب "
نهال لما سمعت صوت نجوي اللي كان واضح من صوتها انها معيطه جامد فتحت الاسبيكر بخوق وقالت : في ايه يا ماما بتعيطي ليه ؟
نجوي مسحت وشها من الدموع وقالت بصوت قلقان : تغريد بنت عمك بلعت شريط حبوب كامل وراحو بيها علي المستشفي يا نهال
ادهم اتصدم واخد الفون من ايد نهال وقال : مستشفي ايه يا ام نهال اللي هما راحو عليها ؟
نجوي اتنفست اوي لكن صوتها مرهق : مستشفي دكرنس العام...اول ما توصل هناك طمني يا ادهم انا لوحدي في وكالة الحاج مش عارفها اسيبها واجي
ادهم دخل الاوضه والفون علي ودنه بيلم مفاتحيه وموبايله ومحفظته : اهدي يماا والله كل حاجه هتبقي تمام وانزشاء الله الموضوع يحتاج غسيل معده وهتبقي كويسه وانا اول ما هوصل هكلمك علطول اطمنك " وقفل معاها ولسه هيلف ينادي علي نهال كانت نهال في وشه بتلبس الطرحه "
نهال بإيجاز : يلا انا جاهزت الكوتش تحت قدام باب البيت هلبسه في ثواني ونمشي " وقالت بتردد " بس هات فلوس معاك احتياطي يا ادهم ممكن ؟
ادهم بصلها شويه وبيفكر ايه اللي ممكن يوصل انسان عاقل للإنتحار : انا اكيد جيبت فلوس بس انتي لبستي امتي ؟
نهال حطت دبوس في الطرحه وزقيته لبرا : ادهم يلاا بس نشوف البت اللي بتموت في المستشفي بعدين نتكلم يلااااا
" وفعلا ادهم ونهال نزلو من البيت بسرعه وخلال نص ساعه كان ادهم بيركن قدام المستشفي ودخلو الاستقبال يشوفو مكان حالة نغريد في اي اوضة "
ادهم اتكلم بهدوء لسكرتير الاستقبال : السلام عليكم لو سمحت في حاله جايا من ساعه بإسم تغريد راشد ؟
سكرتير الاستقبال بحث علي الاسم علي الكومبيوتر وقال بجديه : قسم الباطنه الدور التاني غرفه 7 يا فندم
ادهم بص لنهال شكلها تعبان من نزول سلم شقتهم والخضه لوحدها علي بنت عمها مسك ايدها وقال بأسف : انا عارف انك تعبتي من الجري دا وللأسف مفيش اسنسير نطلع فيه فَ قادره نطلع الدورين دول ولا اروحك لولدتك وارجع انا ؟
نهال سندت علي ايده : حبيبي انا كويسه متقلقش عليا هطلع معاك عايزه اطمن انا كمان يلا
" ادهم معجبهوش كلامها ف قرب منها وشالها بكل هدوء وبساطه تحت صدمة نهال "
نهال بإحراج : ادهم انت بتشيلني ليه انا فعلا كويسه وهقدر امشي
ادهم مشي بيها وبصلها ببتسامه : كدا كدا احنا في مستشفي محدش مركز كله جاي في بلاوي وبعدين ما اللي ياخد باله ياخد باله مراتي وتعبانه وعايز اشيلها اللي ليه عندنا حاجه يجي ياخدها
نهال ابتسمت علي حنيته : ضهرك هيوجعك دول دورين هتطلعهم شايلني
ادهم غمز : متقلقيش جوزك صحته حلوه برضو ولا اكون مقصر ومش واخد بالي ؟!
" نهال فهمت قصده وبرقتله بتحذير وادهم ضحك ومنزلهاش غير في الدور التاني علشان يشوف الاوضه اللي فيها تغريد لحد ما شافو الحاج راشد "
نهال راحت علي جدها بسرعه باست ايده وقالت : تغريد عامله ايه يجدي ؟
راشد بغضب مكتوم : ياريتها كانت ماتت بدل عملتها الطين دي يا نهال بنت الكلب عايزه تنتحر ! طب ليه حارمينها من ايه ! انا هتهبل
ادهم اتنهد براحه : يا حاج صلي علي الحبيب والمهم انها محصلهاش حاجه
راشد بقلة حيله : عليه الصلاة والسلام هنقول ايه بس يابني انا اللي هيجنني انه ليييه تعمل العامله الشنيعه دي علشان ايه افهم بسس
نهال : يجدي اللي حصل حصل خلينا في دلوقتي هي فين دلوقتي ؟
راشد: مرميه جوا في الاوضه معاها امها واختها واخوها عاملولها غسيل معده ومتعلق ليها محلول
نهال بصت لأدهم : طيب هدخلها انا " ادهم هزلها راسه وهي دخلت وهو قعد جنب راشد "
راشد بود : البت نهال عامله معاك ايه يا غالي ؟
ادهم ضحك بخفه وقال بتلقائيه : مجنِناني..بس نهال بنت حلال وقلبها طيب وتتحب حنينه من البنات اللي عشرتها سهله مش تعبان معاها
راشد بفرحه جواه : ربنا يخليكم لبعض وتقوملك بسلامه يابني يارب " الصمت دام بينهم فتره "
ادهم بصله وقال : اشكرك !
راشد بصله بدهشه : تشكرني علي ايه ؟
ادهم : علي اختيارك لنهال ليا كنت مديونلك بشكر دا ووفيته لكن عمري ما هقدر اوفيلك حق العرفان اللي انت عملته ليا لما اخترتلي نهال
راشد ابتسم بحب وطبطب علي ضهره : انت طيب وابن حلال يا ادهم وولاد الحلال لازم يقعو في بعض الله يهنيكم " ادهم وراشد فضلو يتكلمو كتير مع بعض "
"" جوا الغرفه ""
" تغريد نايمه علي السرير لكن دموعها نازله بصمت ، الكل قاعد ساكت محدش عارف يتكلم كلمه ، صوت الصمت عمال يزيد ومحدش عارف يسكته "
نهال قعدت جنب تغريد وقالت بهدوء : كنتي بتقوليلي جواز الصالونات حلو ولا وحش قبل ما تخدي الحبوب ولا بعدها ؟
" تغريد غمضت عيونها ودموعها زادت قلبها واجعها ومحدش حاسس بيها "
زينب خبطت علي ايدها الاتنين : يا ميلت بختك في بنتك الكبيره يا زينب " وبصت لنهال " جيلها عريس زي القمر وجدها واقف انها تقعد معاه ولما قولنا ليها راحت واخده شريط الحبوب " ومسكت فونها فتحت صورة العريس " شوفي العريس يا نهال طول بعرض شوفي عسله ينهال وبنتي لما تعرف عايزه تموت نفسها بدل ما تفرح وتتبسط
احمد : تلاقي حد عاملها عمل او سحر مدفون كل ما نجيب سيرة عريس تحاول تموت نفسها
" نهال بصتله بستغراب وعايزه تضحك علي كلامه بس مسكت نفسها بالعافيه "
زينب بحسره : والله صح يمكن حد عاملها عمل فعلا
نهال اتفاجأت بكلام زينب : استغفري ربك بس يا زينب عمل ايه بطلي هبل انتي وابنك المتخلف دا
" كل كلامهم دا واجع تغريد اللي معمضه عيونها لكن فايقه لكل كلمه ، محدش قادر يفهم انها مش عايز تتجوز حد لمجرد انه عايز يتجوز اي واحده وخلاص هي عايزه واحد عايز يتجوز علشانها هي "
" الباب خبط ودخل الدكتور ورا ادهم وراشد ، الدكتور بص علي المحلول كان خلص فكه من ايدها بهدوء "
الدكتور بصلهم : الحاله اللي قدامي دي محتاجه تتعالج نفسيا في اقرب وقت تتعرض حالتها علي دكتور نفسي كويس يشخص حالتها وتتجنب المهدء اللي بتاخده لأنه غلط والف سلامه عليها " وخرج برا الاوضه "
راشد بص لتغريد بغضب : انتي بتاخدي مهدء !؟
ادهم قال بهدوء : حاج راشد الدكتور قال تتعالج نفسيا وتتعرض علي دكتور نفسي وانت سبت دا كله ومسكت في انها بتاخد مهدء
راشد بص لزينب : جهزيها خلينا نروح بيتنا نتكلم هناك ونشوف هنعمل ايه في البلوه التقيله دي " ادهم اخد ايده وخرج برا "
" ونهال جهزت تغريد ولبستها لبس كويس وسندتها وخرجو كلهم برا المستشفي ، لكن زينب هتتجنن من عمايل بنتها ومن صدمتها بتكلم نفسها "
ادهم وقف قدام عربيته : هنركب ازاي ؟
نهال مسكت تغريد ركبتها في عربية جوزها ورا قبل ما حد يعترض : جدي يلا انا وادهم هنسبقكم علي البيت " وركبت جنب جوزها وكلهم اتحركو "
نهال بصت لتغريد بلوم : حد يعمل عملتك دي برضو يا تغريد
تغريد رجعت راسها علي الكنبه وغمضت عيونها وقالت بعدوء : ممكن متتكلميش معايا
نهال بنرفزه : امال مين يتكلم معاكي كل ما يجيلك عريس تعملي في نفسك كدا في ايه يا تغريدد انتي عايزه توصلي لإيه بلي انتي بتعمليه دا ؟!
تغريد قالت بصوت باكي : عايزه اموت واريحكم مني وارتاح انا كمان جواز مش هتجوز لو موتوني انهي بقا الكلام علي كدا بدل ما افتح الباب واحدف نفسي من هنا اقسم بالله
ادهم مسك ايد نهال وقال بتحذير : نهال خلاص كفايه مش وقت كلام دلوقتي
" نهال سكتت وبصت قدامها وادهم كمل طريقه لبيت راسد في صمت تام "
"" قدام بيت راشد ""
" نزلت نهال وسندت تغريد علشان تطلعها شقتهم لكن نهال بعدتها عنها وطلعت لوحدها علي فوق "
زينب شافت الموقف وقالت لنهال : بسبع ترواح يما متخافيش عليها اللي قدامك دي هتموتنا كلنا
نهال قربت من زينب : علشان خاطري بلاش تضايقيها بكلام المرادي عدت علي خير المره الجايا الله اعلم
نجوي جت عليهم وقالت لزينب بغضب : متلهوجه علي جوازها ليه يا زينب ؟ هااا ؟ بنتك رافضه الجواز علشان نصيبها لسه مجاش وربنا مأمرش لسه مستعجله انتي ليه ؟ اللي اتجوزو اخدو اييه يعني هتفضلي ورا بنتك لحد ما تموتيها وتقعدي بقا
" زينب بصت لنجوي بغضب ومردتش عليها وطلعت علي بيتها "
نجوي قالت بصوت عالي : خليكي راكبه دماغك لما تموتي البت ونرجع نقول ياريتنااا يا زينب
ادهم اضايق من كلامهم في الشارع بالشكل دا قدام اللي رايح واللي جاي : بلاش فضايح اكتر من كدا يجماعه في الشارع وسط الحي خدي امي نجوي يا نهال واطلعي فوق
" نهال اخدت امها وطلعت علي فوق وادهم قعد جنب راشد "
راشد قعد جوا الوكاله لكن جواه مهوم : قولي يا ادهم اعمل ايه في البت دي انا مش لاقي حل للمشكله دي خاالص كل ما يجي عريس يتقدملها دا اللي بيحصل قولت يمكن حد غاوي دماغها ومفيش
ادهم بتردد : طيب واتأكدت ان مفيش حد لاعب في دماغها من شباب اليومين دول اصل ايه اللي يخليها تخاف من الجواز لدرجة انها توصل للإنتحار يحاج ؟
راشد بجنون : تلاته بالله العظيم ما انا عارف يابني البت دي هتجيب اجلي معاش عارف اعمل ايه او ايه اللي المفروض اعمله معاها
ادهم بتنهيده : والله موضوع يجنن العاقل يبقي مفيش قدامنا غير انها تروح لدكتور نفساني زي ما الدكتور قال اهو الدكتور هيقعد معاها ويتكلم معاها ويفهم عندها ايه بالظبط ويعرفنا
راشد بهدوء : الله المستعان لما نشوف الجاي اي
"" في شقة نجوي ""
" نهال قلعت طرحتها وقعدت علي الكنبه اللي في الصاله ، وامها جنبها زعلانه علي تغريد "
نجوي بصت لنهال : وانتي عامله ايه في الحمل وعامله ايه مع جوزك ؟
نهال : الحمل النهارده اول يوم اتعب كدا حسه ان مرهقه من غير مجهود لكن انا وادهم كويسين الحمدالله
نجوي برضي : الحمدالله جوزك اصله طيب وابن حلال حطيه في عينك اوعي تزعليه وحماتك عامله معاكي ايه
نهال قلبت وشها وقالت : هي مبتعمليش حاجه بس يعيني مطلعه عين البت نوال
نجوي كشرت وشها : لا اله الا الله ليه يعني البت بتعملها ايه ؟
نهال : والله ولا حاجه دا نوال غلبانه وطيبه بس الوليه بقا مستقويه عليها بس اليومين دول صلاح جوزها يعني بادئ كدا يحامي عنها ويقف لأمه لما تزعل نوال
نجوي : الله يهدي الحال للجميع يارب ويفك ضيقتك وينور بصيرتك يا تغريد يا بنت قلبي يارب وميزعلناش عليكي ابدا
" موبايل نهال رن وكان ادهم بيستعجلها تنزل علشان يروحو ، نهال قامت وقفت ولبست طرحتها كويس "
نجوي بستغراب : انتي بتلبسي كدا ورايحه علي فين ؟
نهال بصتلها : ادهم بيستعجلني عايز يروح وانا عندي مواعين عايزه اغسلها والشقه محتاجه تتكنس بالمكسنه وشوية حجات ورايا كدا
نجوي : طب ما ترني عليه يطلع انا عامله معمر وحمام النهارده ناكل مع بعض وروحو
نهال بقرف : حمام يعع لاء انا قرفانه من اي لحوم انا عايزه اروح اغير هدومي والبس شرابي اتغطي بالبطانيه بتاعتي وانام الدنيا تلج " وقربت باست خدها ونزلت علي السلم " يلا عايزه حاجه
نجوي وقفتلها علي السلم : سلامتك يقلبي بس انزلي براحت علي السلم علشان ربنا يسترها احنا مستكفين والله
" نهال ضحكت ونزلت كان ادهم قاعد في العربيه وجنبه راشد اول ما شافها زمرلها "
نهال بصت لجدها : الحاج راسد بنفسه راكب مكاني ينهار ابيض
راشد نزل وابتسملها : بكاشه بس بحبك حطي الواد دا في عينك مش هتلاقي زيه تاني
نهال شاورت علي عيونها الاتنين وقالت لأدهم بهزار : الراس الكبيره نفسها بتوصيني عليك كدا تعرف انك في مكانه محدش وصلها لسه
ادهم شاور علي راسه : حبيبي ياحاج ربنا يديك طولة العمر " وبص لنهال " اركبي يلا
" نهال ركبت وادهم استأذن منهم ومشي علي بيته اخيرا ، نهال اغلب الطريق ساكته وهو ساكت ومحدش فيهم عارف يكسر الصمت دا ، نهال بتفكر صمته دا انه استهتر بعيلتها بسبب عمايل بنت عمها ، وادهم مفكر ان حد قالها حاجه ضايقتها وخليتها ساكته كدا "
نهال وادهم في صوت واحد : بقولك
ادهم ببتسامه : قولي..عايزه تقولي ايه ؟
نهال بتردد : ادهم هو يعني بسبب عملت تغريد دي ممكن تستهر فيا او في حد من اهلي ؟
ادهم اتصدم بسؤلها ومتوقعهوش نهائي وحاول يرد رد هي تفهمه لأنها مش لماحه نهائي : انا مش هقولك انتي شوفتي مني ايه خلاكي تفكري فيا كدا بس هقولك انا ميلزمنيش من العيله دي كلها غيرك العيله حلوه وحشه مليش دعوه بحد غيرك مع ان اهلك ناس محترمه ويتشالو علي الراس
نهال اتنهدت براحه : ادهم والله تغريد كانت كويسه بس هي عندها عقده نفسيه....
ادهم بمقاطعه : انتي بتبرري ايه يا نهال انا ابويا عارف جدك من قبل ما انتي تتولدي شخصيا انا عارف اهلك وعارف تربية الخاج راشد وبنت عمك نفهاش شيئ يعر هي تعبانه ومحتاجه تتعالج وهلاص انتهي الحوار علي كدا ممكن بلاش تحسسيني ان شخص وحش في نظرك
نهال بصدمه : انا بحسسك انك شخص وحش في نظري ؟!
ادهم بتأكيد : لما تقوليلي انت ممكن تستهتر فيا بسبب بنت عمي يبقا اه ينهال انا كدا وحش في نظرك
نهال بتبرير : انا بسألك عادي مجرد سؤال مكنتش اقصد حاجه ولو اعرف انك هتقفلي علي سؤال كدا مكنتش سألت
ادهم بنرفزه من تفكيرها : اولا انا مبقفلكيش علي سؤال انا بقولك الاحساس اللي وصلتي من سؤالك مش اكتر ولا اقل
نهال بهدوء : ادهم ممكن ننهي الموضوع لأن فعلا هنتخانق وانا مش قادره لأي مناهده نهائي
" ادهم متنرفز منها بس سكت علشان هو برضو مش قادر يناهد معاها ، عدي دقايق كانت نهال حطه ايدها علي بطنها بتحركها بهدوء "
ادهم من غير ما يبصلها فتح طالبون العربيه طلع علبة بسكويت ومد ايده بيها ليها من غير ما يبصلها : بسكويت لوتس خُدي
نهال فكرت ترفض لكن اتراجعت واخدته منه وقالت بقتضاب : شكرا
ادهم بصلها بطرف عينه : مع ان حاسس بنبرة تهكم كدا بس العفو يعني
نهال فتحت العلبه وبدأت تاكل منها وعجبها اوي فقالت بضيق : الطريق طول كدا ليه انا عايزه اروح اغير هدومي والبس شرابي واتغطي بالبطانيه بتاعتي واانااام
ادهم بتخيُل : يسلام لو واحد يظروفني كوباية قهوه ساده سُخنه وسيجاره معاها انا مبسوووط وانا متخيل توقعي الواقع هيبقي عامل ايه بقا
...................................
"" في شقة صلاح ""
" صلاح نزل شغله من بدري ونوال كانت في المطبخ بتجهز الاكل وغزل قاعده قدام التلفزيون ، جرس الباب رن راحت نوال نشفت ايدها وفتحت الباب "
سلوي بصتلها من فوق لتحت وقالت : يعني صوتي اللي سمع البلد كلها وانا بنادي عليكي لما اتنبح مسمعتهوش !
نوال بهدوء : انا بسمع دبة النمله ولو كنتي ناديتي عليا فعلا كنت انا سمعتك يما..في حاجه ولا ايه ؟
سلوي : انتي اتقسمتي والتانيه اتقسمت ومين بقا هينضف الدار اللي تحت دي اناا ! الوليه العجوزه اللي عضمها كله واجعها
نوال بستغراب : طب ما انا نزلتلك مسكتي فيا وقولتيلي انا مش مستنيه حاجه من حد وانا كنت ناويه اجيبلك الغدا وانضفلك البيت واطلع يما
سلوي بلوية بوز : طب انزلي نضفي الدار تحت كلها تراب ومش عارفه اقعد فيها وهي مش نضيفه كدا " وسابتها ونزلت تحت ونوال قفلت الباب "
نوال : طب اعمل ايه في الوليه دي مفيش حاجه عجباها نهائي نزلت زعلانه منزلتش زعلانه يلا الله المستعان " ودخلت اوضتها لبست اسدال واخدت بنتها ونزلت علي تحت تنضف البيت ، في الوقت دا كان ادهم ونهال داخلين البيت "
نهال ابتسمت اول ما شافت نوال : لاء بما دا احنا قلبنا جامد ومبنحرمش نزلتي تاني ليه
سلوي طلعتلها من الاوضه وقالت : معلش يا شملوله اصلنا منعرفش عن جنابك حاجه من يوم ما دخلتي دارنا وانتي طفشانه بجوزك ف محتاجه واحده تنضفلي وتطبخلي انا ست كبيره ومقدرش
نهال بصتلها وقالت بإقتراح : طب ما نجيبلك خدامه يماما اهي منها تشتغل ومنها تتكلمي معاها علينا
ادهم في الوقت دا دخل بعد ما خلص المكالمه اللي كانت معاه : ازيك يما عامله ايه ؟
سلوي : الحمدالله يكبدي ايه كنتو فين من بدري كدا
ادهم : مفيش والله كان في مشكله بسيطه عند الحاج راشد كنت بطل عليهم بس " وبص لنهال " اطلعي جهزيلي غيار علي مجيلك
" نهال طلعت شقتها قلعت هدومها وبدأت تطلع هدوم لجوزها اللي طلع بعدها بدقايق ، دخل الاوضه ودماغه مشغوله هيعرف نهال ازاي انه بكتير بكرا او بعده لازم يسافر علشان شغله اهمله جدا "
نهال راحت جنبه وقعدت علي رجله وحاوطت رقابته وقالت بستغراب : مالك حساك مشغول بحاجه ليه ؟
ادهم حاوط خصرها وقال ببتسامه : ابدا يحبيبتي بس مرهق مش اكتر هاخد شاور وبعدين قدامي مشوار كدا سكة ساعتين هخلصه وارجعلك
نهال قربت من شفايفه واتكلمت بهمس : المشوار دا ميستناش شويه يعني " وباسته برقه "
ادهم ابتسم : نهال انتي كدا كدا تعبانه وانا مش حابب اضغط عليكي ارتاحي ولما ارجع نتكلم
نهال حركت ايدها علي رقابته : انا مش تعبانه انا بس محتاجه حضنك يا ادهم
" ادهم معرفش يتكلم غير انه اخدها في حضنه وغرقو مع بعض في عالم خاص بيهم لأول مره ادهم يحس بشتياق نهال ولأول مره نهال تحس بفتور من ادهم ، بعد شويه اخدها في حضنه وادهم باصص لسقف بصمت "
نهال رفعت وشها تشوف وشه : ادهم ممكن اعرف مالك واوعي تقول مفيش علشان انا عرفاك
ادهم بصلها كتير وحس انه لازم يعرفها : نهال انا لازم اسافر بكرا بكتير
"" انتظرو القادم ""
