رواية جوازة صالونات الفصل السادس والثلاثون 36 بقلم ندى علي حبيب
رواية جوازة صالونات الفصل السادس والثلاثون 36
جوازة صالونات "
" البارت السادس والثلاثون "
" الكتابه ندي علي حبيب "
تغريد فضلت ساكته بعدم تصديق وقالت بدموع: انت كنت فين كل دا؟ انت عارف حصلي ايه من غيرك؟ انت متخيل حجم الأذي اللي انت اذتهولي متخيل حجم الخوف اللي انا خوفته وانا لوحدي انا كنت همووت بمعني الكلمه كنت هموت فعلا
امجد سمع كل اسئلتها بأسف وهو مش عارف يرد من الاساس: بعتذر منك علي غيابي اللي مكنش ليه اي سبب ولا تبرير بس تغريد انا كان لازم امشي
تغريد بجنون بتحاول تكذب كل اللي بتسمعه : قبل ما تمشي كان لازم تقدم اسباب مش تمشي من غير ولا كلمه تسيبني في بداية الطريق لوحدي ولا عارفه اكمل ولا عارفه امشي انت شخص اناني جدا يا امجد ليه قربت لما انت ناوي تمشي؟ ليه علقتني بحبال دايبه؟
امجد رد بسرعه: عمري ما كنت اناني بس مش حابب اكمل في حرب انا من بدايتها خسرانها يا تغريد افهميني في حجات اتغيرت انتي متعرفهاش
تغريد استغربت كلامه وقالت بعدم فهم: خسران في بدايتها ازاي فهمني علشان مش فاهمه مين قالك انك خسران؟ وحجات ايه اللي اتغيرت؟ متتكلمش بالغاز قولي فيه ايه؟
امجد مبقاش عارف يقولها ايه ف قال بإرهاق : علشان انتي مش فاهمه حاجه ولو فهمتي هتكرهيني وانا مش حابب كدا نهائي
تغريد بسخريه من كلامه ودموعها بتنزل: وانت ايه اللي عملته يا امجد علشان ارجع احبك ؟ دا انت دمرتني عارف يعني ايه دمرتني؟
امجد اخد نفس كبير وهو مستحقر نفسه وقال: انا كنت علي علاقه مع نوال مرات صلاح سلفت بنت عمك يا تغريد بس اقسم بالله انا ما كنت اعرف القرابه اللي بينكم
تغريد مسحت وشها بعنف: استني استني انت كل مشكلتك القرابه اللي بينااا لكن انك تخوني دا عادي مفيش مشكله فيه؟
امجد مسح وشه بتعب وقال: يا تغريد افهمي انتي بعدتي عني بمزاجك في الاول الفتره دي نوال اشتغلت عندي في المدرسه وعرفتها
تغريد بحزن علي حالها: بلاش تقول انتي اللي بعدتي وانت عملت كل حاجه تقولي ابعدي " مسحت دمعها بقهر " امجد انا مش مسمحاك انت السبب في كل اذي في حياتي مش عايزه اعرفك تاني " وقفلت في وشه وعملت بلوك وانهارت "
تغريد بنهيار: الحقير خدعني ضيعت حياتي قصاده بعت الكل والأخر خاني وخدعني
" في الوقت اللي تغريد منهاره فيه في اوضتها دخلت نجوي عليها وقفلت الباب وقعدت جنبها "
نجوي بصت علي حالتها وعلي عياطها وقالت بقهر: مالك يا قلبي فيكي ايه احكيلي انا امك ونور عينك اتكلمي يا تغريد
تغريد مسحت وشها ورميت نفسها في حضنها: خدعني يا نجوي خدعني انا حبيته اديته حياتي فضلته عن نفسي والأخر خاني دمرني " تغريد من شدة وجعها مبقتش عارفه هي بتقول ايه "
نجوي حضنتها: مهما كان هو مين ف هو ميستاهلش ضفرك دا انتي نجمه يا تغريد الكل حلمه يوصلك ومش عارف تقومي تعملي في نفسك كدا علشان واحد ميستاهلش
" نجوي ملقتش ردة فعل من تغريد لكن حست انها تقلت علي صدرها وانفاسها انتظمت ف عرفت انها راحت في النوم ' مجلهاش قلب تسيبها وتقوم فضلت حضناها وقعده جنبها "
........................................
" نهال كانت نايمه في سريرها قلقت ف بصت علي مكان ادهم كان فاضي استغربت هو سابها وراح فين، بصت حواليها لقت هدومهم علي الارض وهدومها بعيد شدت قميص ادهم لبسته وقامت تجيب فونها علشان ترنله لقت باب الشقه بيتفتح ف خرجت تشوفه لكن اتصنمت مكانها لما لقت ابوه معاه "
ادهم برقلها تدخل الاوضه وابوه دخل الصالون من غير ما ياخد باله منها اصلا، ادهم قعد جنبه بهدوء"
ادهم استني ابوه يتكلم لكن سالم فضل ساكت: ايه يا ابو ادهم قررت ايه؟
سالم بضيق: انا قولتلك قراري الوليه دي مش هتقعد علي ذمتي ساعه كمان انتهيناا هو انا راجل لا مؤخده علشان تمشي كلامها عليا وايدها اتمدد عليا
ادهم مبقاش عارف يضحك ولا يحزن: والله العظيم الواحد ما عارف يقول ايه لا إله إلا الله استهدي بالله بس كدا يبا وانا هتكلم مع امي
طلعت نهال بعد ما لبست اسدال: ازيك يا بابا نورتنا
سالم من الغضب مردش علي نهال وقال لأدهم: اسمع انا مش نازل تحت الا لما تلم هدومها وتروح تقعد عند اخواتها لما تبقي تتعلم معاملة الزوج تبقي تيجي انما توصل انها تمد ايدها عليا لاااء لحد كدا وملتزمنيش دي وليه فرغت عينها مني
نهال شهقت وقالت: ماما سلوي ضربتك!
ادهم بصلها بتحذير ف هي سكتت وبعدين بص لأبوه: اسمع يباا الكلام اللي انت بتقول فيه دا كلام حمضان مش بعد العمر والعشره دي امي تروح بيت اخوالي غضبانه دا عيب في حقنا يجدع انت خليك بايت معايا هنا في الشقه لحد ما تهدي ومتحتكش معاها وخلاص
نهال قامت وقفت: طيب هقوم اجهز اوضة الاطفال " وراحت تجهز الاوضه وهي هتموت وتضحك "
ادهم فتح الشاشه: عندك قنوات الماتش كلها اهي والشاشه كبيره وعييش يمعلم سالم
سالم مسك الريموت وفضل يقلب في الشاشه وقال بإعجاب: اااه يا كدا الفُرجه يا بلاش الشاشه كبيره وحلوه كأني في السيما داهيه تاخد التلفزيون وصحابه
ادهم ضحك بخفه: هقوم اعملنا كوبايتين قهوه يظبطو الدنيا واجيلك " وقام دخل المطبخ يعمل القهوه، كانت نهال خلصت فرش الاوضه شافته في المطبخ راحتله "
نهال: بتعمل ايه يحبيبي
" ادهم ابتسم علي كلمة حبيبي ولفلها وبص علي ابوه كان مركز مع الشاشه، شدها لحضنه وحضنها جامد وباس شفايفها برقه "
ادهم بتنهيده: حبيبك واحشه حضنك لدرجه متتوصفش بس مش عارف يخطف ساعه معاكي حتي
نهال حاوطت رقابته بدلع: وحبيبي ايه اللي مخليه بعيد عن حضني؟
ادهم: حبيبك صحي علي دوشه جامده تحت وانتي في سابع نومه نزلت لقيت امي ماسكه في ابويا والسبب علشان بيقولها ملكيش دعوه بمرات صلاح
نهال ضحكت بخفه: امك صعبه اوي في حقها يا ادهم ونوال غلبانه مش عارفه تعمل ايه يعيني
ادهم اتنهد بقوه: كله جاي مع بعضه لا امي طايقه ابويا ولا ابويا طايقها ولا طايقه مرات صلاح وبعد بكرا المفروض مسافر وحاسس ان فيه جبل علي ضهري
نهال ضميته بحنان: ولا تحط في بالك كل حاجه هتبقي تمام ادهم محتاجه منك اول ما تدخل شقتنا تقلع كل همومك برا ممكن انا معاك وجنبك كل حاجه هتبقي تمام
ادهم بس راسها: مش عايزك تقصري في دراستك تروحي الكليه وترجعي وملكيش دعوه بحد تهتمي بصحتك واللي في بطنك وبس
نهال بحب وشوق وحزن مخفي : عايزاك ترجعلي بسلامه مش عايزه احس بغيابك ارجوك " وضميته اوي "
ادهم فونه رن وكانت جميله استغرب ورد: ايوا يا جميله خير؟
جميله بتنهيده كأنها بتجري : الحقنا يا ادهم عمو سالم شكله ساب البيت ومشي مش تحت خالص انا دورت كويس في كل الاماكن اللي ممكن يكون فيها ومش موجود
ادهم بص علي نهال بتركيز وهي بتجيب الكنكه علشان تعمل القهوه : ابويا معايا في الشقه متقلقيش وانا شويه ونازل اشوف امي " وقفل وبص لنهال اللي بدأت تعمل القهوه " احمم...جميله بتسأل علي ابويا يا نهال فكرته ساب البيت ومشي
نهال ابتسمت لما بررلها لكنها قالت بستنكار: علي فكره انا مسألتش علشان تبرر
ادهم ضحك بخفه بعدين قال وهو بيبوس خدها : ما هو انا بررت بدل ما دماغك توديكي وتجيبك والأفكار تتزاحم في دماغك قولت الحق نفسي يعني
نهال لفت وشها لأدهم وقالت: تعرف ان انت اكتر حد حنين عليا..اكتر حد بيخاف عليا وبيشيل هم زعلي..اكتر حد بيستحملني ادهم انت رزق من ربنا ليا مهما قولت كلام مش هوفيلك حقك لما بفكر ان كلها يوم وهتسافر بتخنق مين هيسهر معايا في البلكونه مين هيشاركني الكلام والمواقف انا كنت متخيله في اول الجواز انك لما تسافر هرتاح لكن اكتشفت ان راحتي في وجودك وفي حضنك " نهال دموعها نزلت وهي بتتكلم "
ادهم من فرحته بكلامها شدها لحضنه وباس وشها كلها: حبيب قلبي الزعلان حقك علي قلبي وروحي عمري ما اقدر اتأخر اوعدك لو تعرفي غلاوة دموعك عندي مستحيل تفرطي فيهم ابدا
نهال عيطت بشهقات: كنت عايزه تكون موجود وتحس بأول حركه للبيبي كل متابعه عند الدكتور تكون معايا ونسمع نبضه سوا....ادهم انا كنت عايشه قبل ما اعرفك ازاي؟ " وبصتله بكل زعل " متسافرش يا ادهم خليك معايا
ادهم ضمها بقوه: هتكلم معاكي بالعقل لو انا مسافرتش هنصرف منين؟ هتقوليلي اشتغل هنا هقولك مفيش شغل اللي بعمله في سنه هنا هناك بعمله في اسبوع انا وعدتك متأخرش وقد وعدي علشان ببساطه روحي هنا معاكي ممكن بقا حبيب قلبي ميزعلش ويقدر ان في حبيب قلبي تاني بيتأثر بزعله " وحط ايده علي بطنها "
نهال مسحت دموعها وقالت فجأه: عايزه قطه يا ادهم
ادهم دماغه لفت في ايه هي زعلانه وبتعيط علشان مسافر وفي ايه عايزه قطه بعدها عنه وبصلها بتركيز: حبيبتي انتي كويسه؟
سالم من برا: مكنتش كوباية قهوه يا عم ادهم
ادهم برق بنسيان : القهوووه دا انا نسيتها خالص " وبدء يعملها بسرعه ونهال بتتفرج عليه وبتضحك بخفه "
نهال بمشاكسه: اللي واخد عقلك يا دووومه
ادهم بغمزه: يتهني بيه يقلب دوومه
...............................
" في بيت سالم من تحت "
" صلاح قاعد جنب امه بيسمعلها وهي بتحكي ختاقتها مع جوزها "
سلوي بدموع: قالي اعمليلي كوباية شاي قومت عملتله الكوبايه وشربها قعدت اتكلم معاه شويه المهم بحكيله بقوله نسوان عيالك محدش فيهم بيساعدني في البيت من تحت وانا من كتر الشغل ركبي وجعتني يقوم حادف كوباية الشاي بطول ايده يقولي ارحمي نفسك علشان لما تموتي حد يفتكرلك حاجه عدله دا يرضيك؟
صلاح قاعد عمال بتاوب بنوم: لا ميرضنيش وميصحش من ابويا كدا انا دلوقتي هطلعله عند ادهم اتكلم معاه واعرفه ان ميزعلكيش تاني مرضيه كدا
سلوي عملت الطرحه علي دماغها وقالت: لاء مش مرضيه ابوك هاني وإهانه جامده وانا كل اللي عملته زقيته لورا بدافع عن نفسي
صلاح برق بزهول: بدافعي عن نفسك؟ هو الموضوع وصل لدفاع عن النفس؟
سلوي بتبرير: ما هو كان جاي يخبطني يا صلاح روحت زقيته ولا انت كنت عايزه يمد ايده عليا
صلاح بص لامه ومعرفش يرد يقولها ايه: يما انتي مستوعبه اللي حصل يعمي مهما حصل بينكم تقومو تمدو ايدكم علي بعض وبالاخص انتي؟ بقا دا اسمه كلام والنبي!
" نزل ادهم من شقته وسط كلامهم قعد جنب امه وفضلت ساكت "
صلاح: ايه يعم ادهم ساكت ليه كدا؟
ادهم بتنهيده: مش لاقي كلام اقوله والله يا ابو غزل انا مسافر بكرا الصبح ان شاء الله طيارتي ١ الضهر
صلاح اتفاجئ بس قال بهدوء: طب ومستعجل كدا ليه يعم
ادهم مسح وشه بإرهاق: الدنيا بايظه هناك خالص لازم اروح علشان ادور الدنيا كدا وان شاء الله مش هغيب يعني
سلوي بفضول : طب ومراتك؟
ادهم بستنكار: مالها مراتي..
سلوي بفضول اكبر: هتروح بيت اهلها ولا هتفضل معانا؟
ادهم : مراتي هتفضل في بيتها هنا يما بس دا في حال لو انتي سبتيها تقعد معملتيش دور الحمي عليها
سلوي بغيظ: هو علشان عيزاهم ستات بيوت مسؤله ابقي بعيش دور الحمي عليهم!
ادهم بتأكيد: اه كدا بتعيشي دور الحمي عليهم " وقال برجاء " صحبيهم واتكلمي معاهم صدقيني هما من نفسهم هيعملو كل اللي نفسك فيه من قبل حتي متشاوري وابويا يما مينفعش بعد العُمر ظا يحصل اللي حصل دا راعي منظرنا قدام نسوانا يا شيخه حتي
سلوي بغيظ كبير: ابوك اللي غلطان فيا الاول..
ادهم بمقاطعه: يماا الراجل مننا لما يشد مع مراته وهي تتلاشي الكلام معاه وتسكت وتحترمه ييصغر قدام نفسه انه زعلها لكن لما يشد وهي تشد والكلمه بالكلمه هيكسر دماغها
سلوي جواها رافض الخضوع لكلام ابنها اللي هي واثقه انه صح لكن اكتفت بإنها قالت: حاضر يا ادهم ابوك في عنيا ومراتك في عنيا وانت يا صلاح مراتك وبنتك في عنيا حاجه تانيه
ادهم قدام باس دماغها وقال ببتسامه: كوباية قهوه من ايدك العسل دي
سلوي برفع حاجب واندفاع: روح نزل الشملوله مراتك تعملك يا اخويااا بدل ما انت مريحها علي قفايا
ادهم ضحك: تلاته بالله العظيم انا بقولك كدا علشان متأكد ان دا ردك وان كلامي كله دخل من الودن اليمين خرج من الشمال
نهال بصويت: ادهمممممم اطلعلي بسرعهههه
" ادهم انتبه علي الصوت وطلع جري علي السلم اتفاجئ من المشهد اللي شافه "
"" انتظرو القادم ""
