رواية مكتوبة على اسمى الجزء الثانى 2 الخاتمة بقلم ملك إبراهيم
رواية مكتوبة على اسمى الجزء الثانى 2 بقلم ملك إبراهيم
 |
| رواية مكتوبة على اسمى الجزء الثانى 2 |
رواية مكتوبة على اسمى الجزء الثانى 2 الخاتمة
#الخاتمة
#مكتوبة_على_إسمي
#بقلمي_ملك_إبراهيم
بعد مرور 3 سنوات.
في فيلا عامر وآيات.
اتجمعوا كلهم في الجنينه بتاع الفيلا بعد انتهاء عيد ميلاد التوأم اولاد عامر وآيات (ريان وريما)..
قربت منهم آيات وهي شايله صنيه فيها حلويات ومقرمشات وقالت: الاولاد نامو وانا جبتلكم حاجات نتسلى بيها في السهرة.
بيسان قربت منهم ورا آيات وهي بتضحك وقالت: انا نيمت عائشة بنتي جنب إيلين بنتك يا هاجر بس يارب متوقعهاش من جنبها انا عارفه بنتك شرانيه.
أتكلم شريف وهو بيضحك: إيلين دي روح قلب ابوها.
رد امجد عليه: خليك افضل دلعها كده لحد ما في يوم هتلاقيني معلقها من شعرها لو ضربت عائشه بنتي تاني.
آيات ضحكت وقالت: متزعلش يا أمجد ريما بنتي قايمه معاها بالواجب وبتعرف توقفها عند حدها.
اتكلم عامر بفخر: ريان ابني بقى طالع نسخه مني ومش شاغل باله بالحوارت بتاع البنات دي خالص.
آيات بصت ل عامر وقالت بغيظ: انت هتقولنا.. حتى البرفان الحريمي اللي كان على لبسك امبارح يشهد.
شريف ضحك وقال: برفان حريمي منين؟ هو انت مش كنت معايا في الموقع إمبارح.. ليكون البرفان بتاع المهندسه الجديدة اللي....
كلهم بصوا ل شريف وآيات قالت بغيظ: اللي ايه يا شريف ما تكمل كلامك؟
شريف بص ل عامر وامجد وقال: اللي طردها من الشغل إمبارح...
وبص ل آيات وقالها: مشوفتيش انتي بقى يا آيات البنت دي حاجة كده صاروخ..
هاجر شهقت وصرخت فيه: شريف!!!
اتكلم شريف بسرعه: قصدي بنت غريبه كده .. وشغاله في الموقع كله رجاله ولبسها مينفعش ابدا ولا برفانها... يا سلام.. انا وعامر دوبنا من ريحة البرفان بتاعها..
وسرح وهو بيتكلم وعامر رمى عليه مخده صغيره كانت جنبه وقاله: أتكلم عن نفسك يا متخلف..
وبص ل ايات وقالها: أكيد مش هتصدقي كلام المتخلف ده.
آيات رفعت حاجبها وهي بتبصله وشريف كمل كلامه وهو بيقول ل آيات: طب اشهدي انتي يا آيات مش انتي شميتي ريحة برفانها إمبارح.. إيه رأيك فيه؟
هاجر كانت بتبص ل شريف بتوعد وغضب وردت آيات بغيظ: حلو جدا..كمل يا شريف كمل.
كمل شريف بزعل: الباشا جوزك بقى قالها ان اللبس ده مينفعش في الموقع عشان العمال كلهم رجاله وهي قالت انها مش بتعرف تلبس غير كده ولو مش عجبنا هتسيبب الشغل.. يقوم الباشا جوزك طردها ويبعت مهندس مكانها.. يرضيكي كده يا آيات.
هاجر بصت ل شريف وقالت بغيظ: يا روحي انا بجد زعلت عليها.. دا انا هسود ايامك يا شريف لما نرجع بيتنا.
شريف همس ل هاجر: ياحبيبتي انا بقول اي كلام عشان آيات متتخانقش مع عامر.
آيات بصت ل عامر وابتسمت وبيسان سألت بفضول: ماشي وبعد القصة دي ايه علاقة برفانها ب عامر.. ليه آيات لقت ريحة برفانها علي لبس عامر!!
اتكلم شريف مع امجد بغيظ: ما تسكت مراتك يا عم امجد احنا لما صدقنا اقنعنا آيات.
آيات بصتله بغموض وقالت: اصلا انا عارفه كل اللي حصل وجوزي حبيبي حكالي عشان مبيخبيش عني حاجة وقالي انها لما مشيت نسيت البرفان بتاعها وحضرتك أخدته ورشيت منه علي عامر وقولتله عشان آيات تقفشك.
شريف بص ل عامر وقاله: ولما انت حاكي كل حاجة ومأمن نفسك عمال تبصلي بنظرتك اللي تخوف دي ليه!!
اتكلمت بيسان بحماس: بقولكم ايه سيبكم من كل ده وتعالوا نلعب لعبة الصراحة.
اتكلم عامر مع امجد: صراحة ايه بس دلوقتي ما تسيطر يا امجد شويه عايزين الليلة دي تعدي على خير!
واتكلم شريف: ياريت يا أمجد تفهم مراتك ان لو لعبة الصراحة دي اتلعبت معانا دلوقتي يبقى هي وصحباتها الحلوين دول هيخلونا ننام في الجنينه دي النهاردة وناكل من أعشاب الطبيعه.
آيات وهاجر بصولهم بتحدي وقالوا: يعني انتوا في حاجات مخبينها علينا.. يبقى هنلعب لعبة الصراحة يعني هنلعب لعبة الصراحة وكل واحدة هتسأل جوزها.
اتكلمت بيسان بثقة: براڨوا يا بنات.
عامر وشريف وامجد بصوا لبعض والبنات اتحمسوا جدا وبدأت اللعبة.
الدور الاول كان ل بيسان .
بيسان بصت ل امجد وسألته: امجد قولي بصراحة.. انا لو كنت لسه مسافره لحد دلوقتي ومرجعتش.. كنت هتحب واحدة غيري وتتجوزها ولا كنت هتفضل عازب عايش على ذكري حبي؟
رد امجد: كنت هفضل عمري كله مستنيكي ترجعي لان مفيش بنت في الكون تقدر تاخد مكانك في قلبي.
البنات شجعوهم بحماس وهما فرحانين ب رد أمجد الرومانسي وبيسان اتكسفت وحطت ايديها علي وشها بخجل وشريف وعامر بصوا ل امجد بغيظ وهما بيهمسوا: ااه يا كداب.
امجد غمز لهم وضحكوا ولعبوا تاني والدور جه علي آيات وسألت عامر.
آيات: عامر.. انا لو كنت صدقت الدكتورة أروى اللي قالت انها حامل منك وكنت سيبتك وبعدت عنك من غير ما اقول اسباب.. كنت هتعمل ايه؟
رد عامر: كنت هدور بقى على واحدة تحبني بجد وتثق فيا.
اتكلمت آيات بصدمة: يعني مكنتش هتدور عليا وتثبت برائتك قدامي ؟
رد عامر: هو انتي واجهتيني بحاجة قبل ما تمشي عشان اثبت برائتي قدامك!! انتي بتقولي لو كنتي مشيتي ومقولتيش أسباب!
كلهم اتكلموا وقالوا: عامر عنده حق يا آيات.
آيات بصت ل عامر بغيظ وعامر ضحك ومسك أيديها وقبّلها وقالها: بس انا مراتي حبيبتي عاقله وبتثق فيا وانا مش بخبي عليها اي حاجة.
آيات ابتسمت وهاجر بصت ل شريف بغموض وقالت: دوري انا بقى.
شريف قال وهو بيحاول يهرب: انا هستأذن انا يا جماعة واتمنالكم سهرة سعيدة.
كلهم ضحكوا وهاجر قالتله: اقعد يا شريف دي فرصتي جتلي لحد عندي...
حطت ايديها على خدها وهي بتفكر وسألته: لو اكتشفت اني بعرف أقرأ افكارك ايه اول حاجة هتحاول تخفيها عني؟
شريف بص لها بصدمة وقال: ايه الأسئلة الصعبه دي ما تسألي زي اصحابك!! الاتنين سألوا اسئلة سهله.
ردت هاجر: جاوب يا شريف وبصراحة.
شريف بصلها بتوتر وقال: بصراحة اوي يعني ؟
هاجر: ااه.
أتكلم شريف: بصراحة يعني اليوم اللي بتطبخي فيه ببقى مش عايز ارجع البيت لانك بتعملي اكل مفيش بنأدمين ياكلوه وانا باكل غصب عني عشان متزعليش.
هاجر بصت له بصدمة وقالت: يعني انا مش بعرف اطبخ وانت بتاكل غصب عنك كمان.
وقامت زعلانه وقالتله: شكرا اوي يا شريف روح شوفلك واحدة بقى غيري بتعرف تطبخ...
وجريت هاجر وخرجت من الفيلا وراحت علي فيلاتها اللي جنب فيلا عامر وآيات..
شريف بص لهم بغيظ وقال: مش قولتلكم بلاش لعبة الصراحة دي..
وبص ل امجد اللي كان بيضحك وقاله: منك لله يا امجد انت ومراتك..
وقام شريف وهو بيقول ل عامر: عامر ايلين بنتي هتبات عندكم النهاردة لما اروح اصالح المجنونه دي.
وخرج شريف بسرعه وراح فيلته.. امجد قام هو كمان وبيسان قالت ل آيات: وعائشة بنتنا نايمه ومش هينفع نصحيها خلي بالك منها يا آيات.
وخرجوا الاتنين وراحوا علي فيلتهم بسرعه.
عامر ضغط على شفايفه بغيظ وهو بيبص ل آيات وقالها: هو انا مفكرتش في اللي هيحصل ده ازاي قبل ما نكون جيران المجانين دول!!
آيات ضحكت وقالت: بالعكس يا عامر احنا مبسوطين اوي مع بعض.
عامر رفع حاجبه وقالها: يعني عجبك كل واحد ياخد مراته ويهرب واحنا نقعد بالاولاد.
آيات ضحكت وقربت منه اكتر وقعدت جوه حضنه وقالت: يا حبيبي انا معاك اهو والاولاد ناموا وانا وانت هنسهر لوحدنا.
عامر ابتسم وضمها وقال: طب تعالي ندخل جوه من البرد.
دخلوا هما الاتنين واول لما دخلوا غرفتهم آيات سمعت صوت عياط ايلين بنت شريف.
آيات جريت وقالت: دي ايلين صحيت هروح اشوفها.
عامر بص قدامه بغيظ وهمس بغضب: ماشي يا شريف بقى بتدبسني انا التدبيسه دي انت وامجد!
آيات دخلت غرفة الأولاد واخدت ايلين في حضنها ونيمتها وبعد وقت قفلت غرفة الاولاد ورجعت غرفتها هي وعامر.
كان عامر واقف وبيبص من الشرفه وهو بيحمد ربنا علي الحياة الجميله اللي عايشها مع مراته اللي بيعشقها واولاده اللي ربنا عوضه بيهم واصحابه اللي دايما جمبه وزوجاتهم أصحاب آيات إللي وجودهم بيسعدها وأولادهم.
وفكر في أمه وابتسم وهو بيفتكر اخر مكالمه بينه وبين الحاج اسماعيل لما قاله ان ميسرة فتحت مكان في البلد ل تعليم البنات اللي اتحرموا من التعليم وبتوجه الناس وتعرفهم ضرورة التعليم وان البنت من حقها تتعلم زي الولد والحاج اسماعيل معاها وبيدعمها دايما هو وفارس وهدير بتساعدها وكانت ميسره سعيدة جدا في الحياة معاهم..
فكر في خالته ميرفت ومامت امجد اللي سافروا عند ميسرة في البلد عشان يشوفوا المشروع بتاعها ويقضوا معاها كام يوم في البلد وسط الخضرا والطبيعه.
كوكو وميرنا كان لهم نصيب في افكاره وضحك وهو بيفتكرهم لما راحوا الشركه عنده عشان ياخدوا منه حلاوة افتتاح الفرع التاني للمحل بتاعهم وكان حقيقي فرحان بيهم لانهم قدرو ينجحوا ويكبروا شغلهم بطريقة كوكو وميرو في الزن علي الناس عشان يشتروا كل اللي في المحل.
آيات دخلت الغرفة وشافت عامر وهو واقف وشارد في افكاره.. قربت منه وضمته من ضهره وقالت: حبيبي بتفكر في ايه؟
لف بجسمه وضمها لحضنه وقال: بفكر في كل النعم اللي ربنا انعم عليا بيها واولهم انتي يا حبيبتي.
آيات ابتسمت جوه حضنه وقالت: يعني عمرك ما اتمنيت أي بنت تانيه تكون في مكاني.
رد عامر وهو بيبص في عيونها بعشق: انا عمري ما اتمنيت غيرك في حياتي... انتي حبيبتي ومراتي وشريكة عمري اللي مكتوبة على إسمي ♥️.
بقلمي ملك إبراهيم.
تمت بحمد الله 🌹
بتمنى تكون الرواية كانت خفيفه علي قلوبكم وتكونوا استمتعتوا معانا بقرائتها
الرواية كاملة من هنا (رواية مكتوبة على اسمى الجزء الثانى 2)
