اسكريبت الجزء الأول 1 بقلم ندوشة عبر روايات الخلاصة
 |
اسكريبت الجزء الأول 1 بقلم ندوشة
_ي ماما انا
=انتي اي قوليلي هي دي الصاحبة اللي كنتي ماشية معاها
_انا مكنتش اعرف انها هتطلع كدة انا كنت بحبها وعمري ما تخيلت تعمل كدة
=عشان انتي غبية دايما بتثقي في الشخص الغلط انبسطي بقي وروحي احضري خطوبتهم
_ي ماما حرام عليكي انا اللي فيا مكفيني انا هعرف منين انها هتخوني وهتروح تتخطب للي انا بحبه دا انا مكنتش بتكلم غير عنه وهي عارفة قد اي انا بحبه تعمل كدة انا مش مصدقة ي ماما والله مش مصدقة
حضنتها الام وهي حاسة بالزعل علي بنتها اللي اول مرة تفتح قلبها لواحد وفي الاخر قلبها اتكسر
الام : اهدي ي ندي ي حبيبتي انا عارفة احساسك دا كويس انا امك واكتر واحدة تحس بيكي
ندي : ي ماما والله انا تعبانة نفسيتي متدمرة كل حاجة حاسة انها فوق دماغي مبقتش عاوزة اقابل حد ولا اتكلم مع حد
الام : لا انا عاوزاكي متبينيش ابدا دا لازم تخرجي وتتعاملي كويس مع الكل ودا عشانك انتي
ندي : ازاي اضحك وانا حاسة بكل دا
الام : لازم تروحي الخطوبة
ندي : انتي اللي بتقوليه دا ي ماما
الام : انا وانتي عارفين هي عملت كدة ليه عملت دا كله عشان تشوفك مكسورة وانا حذرتك منها قبل كدة وقولتلك قلبها عمره ما هيصفي من نحيتك ابدا
ندي : بس انا معملتش حاجة لدا كله دا انا رفضته عشانها مع انه ميترفضش وبيحبني رفضته بس عشانها لاني كنت عارفة انها بتحبه مش ذنبي انه حبني انا وهي اتعاملت معايا كويس بعدها بس متوقعتش انها تعمل حاجة زي دي بحيث انها تكسرني بس
الام : ي ندي انتي علي نياتك اوي انا فاهمة رنا من زمان وعارفة انها بتكرهك ونصحتك وقولتلك حرصي منها لانها مش وفيه
ندي : واديني بتعذب بسبب عندي
الام : وعشان كدة بقولك هتروحي الخطوبة اظهري قدامها وانتي واقفة علي رجلك بينلها انها مأثرتش فيكي في اي حاجة لازم توريها انك مبتتكسريش بسهولة
ندي : هروح وربنا معايا هو مش هيرضالي بالكسرة قدامها او قدام اي حد
النهاردة خطوبة صاحبتي اعز صاحبة ليا او اللي اقول اللي كانت لان بعد اللي حصل مش هنرجع ابدا علي حب عمري اللي كنت بحبه في صمت وهي كانت اكتر واحدة عارفة اني بحبه
بالليل لبست احلي فستان عندي ونزلت بعد ما تممت علي شكلي وروحت باتجاه المكان اللي هما فيه اول ما دخلت وشوفتهم
حسيت بان الوقت وقف ومبقتش حاسة بكل اللي حواليا الدموع اتجمعت في عيوني وانا بتخيل نفسي مكانها جمبه وماسكة ايده بس اتمالكت نفسي قبل ما حد ياخد باله مني وروحت باتجاههم
ندي : الف مبروك ي رنا
رنا بابتسامة صفراء : الله يبارك فيكي ي ندي عقالك
حسيت بشماتة في كلامها بس معلقتش عليه ومديت ايدي لخطيبها عشان اباركله وانا في الوقت كان نفسي اختفي من العالم وميكونش حد حواليا
ندي : الف مبروك ي عمر ربنا يتمملكم علي خير ان شاء الله
عمر بابتسامة : الله يبارك فيكي ي ندي وعقبالك ان شاء الله مع ابن الحلال اللي يصونك
ندي : ان شاء الله حافظ انت علي رنا لانها جدعة وتستاهل كل خير
بصتلها في اخر كلامي بسخرية وهي بصتلي بغضب لما فهمت اي قصدي من الكلام دا
عمر : باذن الله رنا هتبقي في عيوني من جوة
زعلت علي نفسي اوي اول ما سمعت كلامه واخدت بعضي ومشيت من قدامهم قبل ما دموعي تنزل والكل يتفرج عليا
خرجت برة ووقفت في مكان خالي من الناس لوحدي والدموع بدأت تنزل غصب عني مقدرتش اوقف دموعي وحاسة بوجع في قلبي
_احم احم
سمعت صوت حد ورايا مسحت دموعي بسرعة وبصتله كان واحد معرفهوش اول مرة اشوفه وكان بيبتسملي
_ممكن اقف معاكي هنا اصل الجو جوة خنقة
ندي : اه فعلا عندك حق اتفضل
_نبيل
ندي : ها
_انا اسمي نبيل وانتي اسمك اي
ندي : ندي
نبيل : اسم جميل زي صاحبته
حست ندي بالضيق من كلامه وكانت لسة هتمشي بس هو وقفها بكلامه
نبيل : استني انا مقصدش اللي انتي فهمتيه
ندي : ممكن اسالك سؤال
نبيل : اتفضلي
ندي : انت بجد جيت وقفت هنا لان الجو خنقة جوة زي ما انت قولت
نبيل : اقولك الحقيقة لا
ندي : انا قولت كدة
نبيل : انا جيت عشانك انتي لاني شوفتك وانتي طالعة وكانت الدموع باينة في عينيكي فقولت اجي اقف معاكي بدال ما انتي لوحدك
ندي : تمام شكرا ليك انا مضطرة امشي
نبيل : انتي زعلتي انا اسف مقصدش
ندي : لا حضرتك مزعلتش بس انا مضطرة امشي فعلا
نبيل : طب ازاي ممكن اقابلك تاني
ندي : اظن ان مفيش داعي اننا نتقابل تاني مع السلامة
نبيل : مع السلامة بس ارجع واقولك مش هتبقي اخر مرة نتقابل
حسيت باستغراب من كلامه وطريقته بس مهتمتش كل همي كان اني اخرج من هنا بسرعة قبل ما اقابل حد منهم
تاني يوم صحيت علي صوت المنبه بس محبتش اقوم من علي السرير لاني ملحقتش انام حاجة كنت طول الليل بفكر في اللي حصل وفي شكلهم مع بعض وبعد تفكير كتير قولت اني لازم انسي عمر وانسي رنا واكمل حياتي وعزمت علي دا
لبست وجهزت عشان انزل لشغلي بالمناسبة انا بشتغل في شركة عقارات ببيع بيوت وشقق وفيلات كل حاجة عن العقارات وصلت للشركة وبدأت اشتغل وركزت كل اهتمامي علي شغلي وبس بس فجأة المدير طلبني روحتله بسرعة ودخلت لمكتبه
ندي : انت طلبتني ي فندم
المدير : تعالي ي ندي اقعدي
قعدت وبصتله بحثه علي انه يتكلم ويقول طلبني ليه
المدير : في شخص مهم جدا بالنسبة ليا وكان عاوز يشتري فيلا وطلب مساعدتي في دا وانا ملقتش احسن منك للمهمة دي
ندي : طب ممكن اقابل الشخص دا عشان اتكلم معاه واشوف المواصفات اللي هو محتاجها
المدير : اكيد انا هتكلم معاه وهتفق علي وقت تقابليه فيه وتتكلموا
ندي : تمام ي فندم انا تحت امركم في الوقت اللي تحددوه
المدير : تقدري تتفضلي
خرجت من المكتب وانا جوايا فضول اعرف مين الشخص دا وليه هو مهم عند المدير لدرجة انه يطلب دا بنفسه
عدي الوقت وطلبني المدير تاني وعرفني علي الميعاد اللي اتفقوا عليه والمكان واللي كان بعد ساعة من دلوقتي استأذنت منه وطلعت علي طول وحمدت ربنا ان المطعم كان قريب من الشركة ووصلت في الوقت المناسب
بصيت حواليا عشان اعرفه بس انا نسيت اخليه يوريني شكله بس فجأة لقيت نبيل قدامي انا استغربت وجوده وقولت صدفة بس لقيته وقف قدامي ودا اكدلي اللي في دماغي
نبيل : مالك مصدومة ليه
ندي : لا ابدا مش مصدومة حضرتك هنقعد فين عشان نتكلم
نبيل : اتفضلي هنا
قعدنا وانا علي طول بدأت اوريله التصميمات اللي ممكن يحب انه يشتريها وكنت مركزة في اللابتوب اوي رفعت رأسي واتحرجت لما لقيته مركز معايا اوي وباين انه مسمعش ولا كلمة من اللي قولته
ندي : استاذ نبيل
نبيل : نبيل بس شيلي الرسميات دي
ندي : لو سمحت ي استاذ نبيل ركز معايا انا فرجت حضرتك علي احلي التصميمات ها اختارت اي
نبيل : انتي تختاري اي منهم
ندي : انا وانا مالي حضرتك
نبيل : انا بسالك سؤال جاوبي عليا
ندي : والله لو انا هشتري فيلا هختار دي لانها حلوة في الشكل ومريحة من الداخل كمان
نبيل : خلاص يبقي انا هختارها هي
بصتله باستغراب من كلامه وكل اللي في دماغي هل لقاءنا دا كان صدفة واللا لا فقولت اساله وخلاص
ندي : استاذ نبيل هل لقاءنا دا كان صدفة يعني انت مكنتش تعرف اني شغالة في الشركة دي
نبيل : انا بحب الصراحة وبكرة اني اكدب والحقيقة هي لا انا عرفت انك بتشتغلي في الشركة دي وعشان كدة طلبت اني اشتري فيلا من الشركة وصممت انك انتي اللي تيجي
ندي : ممكن اعرف حضرتك عاوز اي بتعمل دا كله ليه
نبيل : ندي تتجوزيني
يتبع ........
#بقلمي_ندوشة
#اسكريبت
اسكريبت الجزء الثانى 2 والأخير من هنا
الاسكريبت كامل من هنا (اسكريبت بقلم ندوشة)
