اسكريبت الجزء الثانى 2 والأخير بقلم ندوشة عبر روايات الخلاصة
 |
اسكريبت الجزء الثانى 2 والأخير بقلم ندوشة
"2" والاخير
نبيل : ندي تتجوزيني
ندي بصدمة : انت بتقول اي
نبيل : بقولك تتجوزيني
ندي : انا مش موافقة
نبيل : ليه انتي شوفتي مني حاجة ضايقتك
ندي : شوفت اي حضرتك دا انا شوفتك هي مرة واحدة ازاي عاوزني اقبل اني اقضي حياتي مع واحد معرفش الا اسمه وشوفته مرة واحدة
نبيل : قوليلي انتي حابة تعرفي عني اي وانا هقولك
ندي : انا مش عاوزة اعرف حاجة ومبفكرش في الجواز دلوقتي ولو فكرت مش هيبقي كدة
نبيل : كدة ازاي يعني
ندي : اللي هتجوزه اكون عرفته كويس وهو عرفني عارفين طباع بعض متفاهمين
نبيل : طب اديني فرصة واحدة
ندي : فرصة لاي حضرتك مسمعتش انا قولت اي انا مبفكرش في الموضوع دا خالص
نبيل : يعني دا اخر كلامك عندك
ندي : ايوة وهنسي اني سمعت الكلام دا منك في يوم ودلوقتي بعد اذن حضرتك
نبيل : بس انا مش هيأس ومش هرتاح الا لما توافقي
ندي : لو سمحت ابعد عني وياريت ميكونش في مقابلة تاني
نبيل : مقدرش اوعدك بدا بس هوعدك اني هخليكي توافقي علي الجواز مني
مشيت بسرعة من قدامه وانا متوترة من تصميمه دا ومش فاهمة هو بيعمل كدة ليه فكرت للحظة انه يكون بيحبني بس دا شيئ مستحيل مفيش شخص يحب حد من غير ما يعرفه
عدي اليوم وروحت البيت وانا كل تفكيري في اللي حصل النهاردة منكرش اني حسيت بفرحة لما لقيته متمسك بيا حتي بعد ما رفضته بس دا ميخلنيش اوافق علي اللي بيقوله
تاني يوم صحيت من النوم علي علي صوت رسالة من تليفوني كانت من رقم غريب وحتي مش متسجل عندي محتواها (اطلعي برة وافتحي الباب هتلاقي مفاجأة هتعجبك اوي) استغربت من الكلام بس كان في فضول لمعرفة محتوي الهدية خرجت من الاوضة وفتحت الباب واول ما شوفت اللي قدامي عيوني لمعت كان بوكيه ورد احمر من النوع اللي بحبه وجمبه بوكس متغلف بطريقة جميلة اوي
اخدت الحاجة ودخلت الاوضة قبل ما ماما تشوفني مسكت البوكيه وبدأت اشم في ريحته اللي كانت جميلة وفوق الوصف وفتحت البوكس حسيت وقتها ان عينيا هتطلع قلوب من الفرحة كانت شوكولاتات كتيرة اوي ومن كل الانواع اللي بحبها ولقيت فيها رسالة
محتواها (الورد دا لاجمل وردة في الدنيا والشوكولاته لاحلي واحدة شافتها عيني صباح الخير ي اجمل ندي في العالم) حسيت اني في حلم كنت دايما بشوف البطل بيعمل كدة للبطلة في الافلام وكنت بتمني ان حد يعملي كدة بس مكنتش اتوقع ان يحصل كدة فعلا حاسة باحساس ميتوصفش بس اللي اقدر اقوله احساس عمري ما حسيته
الام : ندي ي ندي تعالي يلا ي حبيبتي الاكل جهز
ندي : جاية اهو ي ماما
سمعت صوت ماما جاية الاوضة خبيت الحاجة بسرعة قبل ما هي تشوفها خبطت ودخلت وانا عملت نفسي لسة قايمة من علي السرير
الام : ندي يلا ي حبيبتي قومي هتتاخري علي شغلك
ندي : انا قومت اهو ي حبيبتي
الام : فيكي حاجة ي روحي مش عادتك انك تتاخري في النوم
ندي : لا ابدا بس انا مكنتش عارفة انام واتاخرت عشان كدة بس
الام : طب يلا قومي بسرعة
خرجت ماما من الاوضة وانا قومت علي طول جهزت نفسي وخرجت عشان افطر واروح شغلي روحت علي طول لاني كنت اتاخرت مكنتش مركزة اوي لان الوضع اللي انا فيه شاغل بالي وواخد كل فكري
عدت الايام وانا في نفس الروتين وفي الايام دي مبقتش اشوف نبيل ولا اسمع عنه حاجة وقولت اكيد نسي الموضوع دا وبقيت اصحي الاقي هدية قدام الباب بقيت اصحي كل يوم مخصوص عشان اشوف المرة دي هييجي اي وكل مرة كان بيقدر انه يسعدني ويفرحني انا في الأيام اللي عدت ابتديت انسي عمر ورنا واي حاجة تخصهم فعلا مبقاش في دماغي الا اللي بيبعتلي الهدايا وبس وبفكر في حياتي الجاية
في يوم اتفاجأت ان قدام الباب مكنش في هدية زي كل يوم بس كان في جواب شكله مميز اخدته ودخلت الاوضة وقفلت علي نفسي كالعادة وفتحت الرسالة علي طول لاني فضولية جدا
محتواها (انا عارف ان النهاردة انتي اتفاجئتي ان مفيش هدية كالعادة بس انا حبيت اسيبلك الجواب دا النهاردة مخصوص عشان اقولك كل سنة وانتي طيبة ي اجمل ندي في الدنيا ايوة النهاردة عيد ميلادك انا عارف وعارف انك مبتحبيش تحتفلي بيه لانك بتكوني زعلانة انك هتكبري سنة كمان بس المرة دي مختلف لان السنة دي هتبقي معايا انا انا اوعدك اني هحاول اعمل كل اللي في ايدي عشان اسعدك بس وحتي لو كلفني كنوز الدنيا لانك بالنسبالي تساوي كل الدنيا النهاردة هديتك هتبقي مميزة عن كل الايام انا هسيبلك عنوان تيجي فيه لو كنتي حابة تعرفي انا مين هستناكي متتاخريش عليا *بحبك*)
كنت بقرأ الكلام وانا حاسة ان اي كان هو مين هيبقي كتير عليا واني انا اللي ممكن مسعدهوش الفكرة دي خوفتني اوي بس اللي كان مهون عليا انه بيحبني فعلا ومش هيسيبني لاي سبب
لبست احلي فستان عندي وحطيت ميك_اب وظبطت شكلي وبعدها خرجت من البيت واتصلت علي ماما بعد ما طلعت وقولتلها اني عندي شغل وهتاخر النهاردة وهي وافقت اني اتاخر بس مش اوي وصلت المكان اللي هو كان كاتبه ودخلت كان مزين بطريقة جميلة اوي ولا كان في فرح شكله خلي عيوني تلمع من كتر الجمال واللي فرحني اكتر اني عارفة ان دا ليا انا
سمعت صوت خطوات ورايا ولما التفت انصدمت لما لقيته نبيل انا مكنتش مصدقة انه هو فعلا اللي عمل دا كله عشاني انا انا كنت مفكرة ان الكلام اللي قاله دا في الفاضي بس مكنتش متصورة انه يعمل كل دا عشاني
نبيل : مفاجأة مش كدة
ندي : انت مش معقول
نبيل : ليه مش معقول هو مش انا قولتلك اني هعمل كل حاجة عشان توافقي عليا
ندي : بس انا كنت مفكرة ان كلامك دا في لحظة وكل حاجة هترجع تاني
نبيل : ندي مفيش راجل بيرجع في كلمة يقولها وانا راجل كلمتي واحدة وانا لسة عند كلامي مستعد اعمل اي حاجة عشان اسعدك
ندي : نبيل انا
نبيل : اشش اهدي بس واسمعيني للاخر اني اخر مرة مسمعتيش اي كلمة مني ومشيتي المرة دي لازم تسمعي وتفهمي كل اللي بقوله
ندي : بس انا
نبيل : اسمعيني الاول وانا هسمعك في الاخر وتقولي قرارك ″ طبعا انتي مفكرة ان انا اول مرة شوفتك كانت في خطوبة عمر ورنا بس دي مش الحقيقة الحقيقة ان انا اعرفك من زمان انا ابقي صاحب عمر ودايما كنت بشوفك معاه ومع رنا بس انتي مشوفتنيش قبل كدة وانا كنت عارف انك بتحبيه كان بيبان في عينيكي بس هو ماخدش باله من دا كنت معجب بيكي في الفترة دي والاعجاب اتحول لحب كل دا وانا مكنش عندي امل ولو 1% انك ممكن تحبيني بس اتعلقت بيكي اكتر وانصدمت لما عرفت اللي رنا عملته فيكي انا لما روحت الخطوبة روحت عشانك انتي وبس لاني كنت عارف انك هتكوني منهارة ومع ذلك انا كنت مبسوط لاني قولت اني ممكن يكون عندي فرصة معاكي بس انتي صدتيني وانا احترمت دا ولما عرضت عليكي الجواز كنت جدي ف الموضوع دا بس مش عارف انتي فهمتيه ازاي حاولت اني افهمك بس انتي مشيتي وسيبتيني بس انا كنت عازم علي اني اغير قرارك في الرفض دا ولو باي طريقة كانت جات في بالي حكاية الهدايا وفعلا نفذتها بقيت ابعتلك كل يوم هدية مع رسالة بكتبلك فيها اللي انا كنت حسه وقولت اني لازم اصارحك بالحقيقة ولازم تعرفي انا مين والنهاردة افضل يوم اني اعمل كدة لانه عيد ميلادك و ارجع واقولك كل سنة وانتي جمبي وفي حياتي ″
كنت بسمع كلامه وانا بعيط من الفرحة انا مكنتش متوقعة ان في حد يحبني بل ويعمل كل دا ليا الصبر اللي صبرته ربنا عوضني عنه وكسرة قلبي ربنا جبرني فيها
نبيل : تتجوزيني ي ندي والمرة دي مش هقبل بالرفض ابدا
ندي : موافقة موافقة
نبيل : وعد مني اني مخيبش ثقتك فيا واني استغل الفرصة اللي انتي ادتيهالي بحبك بحبك اوي
من اليوم دا وبقت حياتي غير اتغيرت للاحسن كل يوم بقي سعادة بالنسبة ليا ومبقتش افكر في اي غيري انا ونبيل وبس وبحاول علي قد ما اقدر اني اسعده وافرحه زي ما هو بيعمل معايا دايما
تمت ......
#بقلمي_ندوشة
#اسكريبت
الاسكريبت كامل من هنا (اسكريبت بقلم ندوشة)
