رواية الشيطان الروسي الفصل الثاني 2 بقلم الملف الأسود
رواية الشيطان الروسي بقلم الملف الأسود
الملف الأسود – الجزء التاني من قصة الشيطان الروسي
بعد حادثة النهر…والي ميعرفهاش يشوف الجزء الاول
الطفل راسبوتين اتغيّر جدًا
بقى منعزل، مبيتكلمش خالص، ولو اتكلم فده نادر جدًا
لكن الأغرب من كده
كانت نظراته!
عينيه
مكانتش عيون طفل!
في ناس قالت إنه محدش كان يقدر يبصله في عينه مباشر
ولو حصل؟
الخوف والرعب بيسيطروا عليك… من غير سبب!
وكبر الشيطان…
وظهرت الإشاعات…
ناس بتقول إنه عنده قدرات غريبة
وإنه بيعمل أسحار علشان يبقى أقوى دجال عرفه التاريخ
كان شعره طويل جدًا، ولحيته أطول
وملابسه كلها سوده وطويلة
لكن الغريب بجد…
إنه كان بيمشي في الشوارع بقيود حديد في إيديه ورجليه
ومع كده… الناس كانت بتتجمع حواليه
كلهم طمعانين في "لمسة" واحدة بس…
تكون سبب في شفاهم!
الناس كانت منقسمة عليه
فيه اللي شايف إنه شيطان…
وفيه اللي بيقول عليه "رجل الرب"
وكانوا بيسموه "القديس"
واشتهر في قرى روسيا كلها
كان المرض اللي ملوش علاج
اللي الأطباء يرفعوا إيديهم منه
راسبوتين يعالجه بلمسة واحدة بس!
المريض كان بيجمع كل فلوسه
ويروح لراسبوتين
ويرمي كل حاجة تحت رجليه
راسبوتين كان يبص للفلوس… ويدوس عليها برجله
ويروح للمريض
يحط إيده على جبهته
وفي اللحظة دي…
المريض يقفل عينيه
ولما يفتحها…
المرض يختفي!
وكأن مافيش حاجة حصلت
والناس كانت بتنهار من الفرحة!
ومش بس كده…
راسبوتين كان بيتنبأ بأحداث بتحصل للناس
وماكانش بيغلط أبدًا!
كل كلمة كان بيقولها…
كانت بتحصل بالحرف!
وكان دايمًا بيهمهم بكلمات غريبة
كأنه بيتغنى بيها…
كلمات مافهمهاش بشر!
بس الأغرب من كل ده…
راسبوتين كان بيروح دير…
دير جدرانه كلها سودة
ماكانش دير عبادة
كان حاجة تانية خالص
الرجالة والستات كانوا بيدخلوا
يطوفوا حواليه كأنه حاجة مقدسة
وبمجرد ما هو يقف…
الكل يخلع ملابسه
وتتم الفاحشة…
أيوه!
بكل معانيها…
وماكانوش قليلين
ده أعداد مهولة!
نروح بقى لأغرب جزء في القصة…
القيصر ملك روسيا ماكنش بيخلف
ولا مراته الكساندرا خلفت
وكان حلم حياتهم يبقى عندهم طفل يرث العرش
وفي يوم…
راسبوتين كان بيصلي وهو مغمض عينيه
ولما خلص… فتح عينه
وقال بصوت شبه فحيح الأفاعي
وصوته خوّف حتى الرهبان!
قال:
"بشّروا القيصر يا كهنة روسيا…فلن ينقضي هذا العام إلا وسيولد له ابن ذكر
كان ينتظره طوال حياته
ليرث العرش
وسيبعث الفرح في قلوب الناس"
انتظر باقي القصه لان الي جاي اغرب بكتير من الي قرأته و شفته
يتبع
لقراءة باقي فصول الرواية اضغط هنا( رواية الشيطان الروسي )
